完整藏文原文 · 德格版页 当前仅加载第 71 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་གནས་ཏེ། དེ་ལས་སྐྱེས་ཤིང་དེ་ཟ་བར་བྱེད་པ་དེ་ཁྲོས་པར་གྱུར་ན་ནི་མགོ་ལ་ལྷང་ཀྱོག་འོང་ངོ་། །ཚིགས་ཀྱི་གསེབ་ན་རྒྱུ་བ་ཞེས་བྱ་བའི་སྲིན་ནི་ངའི་ལུས་ལ་སོ་སོར་གནས་ཏེ། འགྲམ་པའི་བར་ན་དང་དེ་ལས་སྐྱེས་པ་དང་དེ་ཟ་བར་ཡང་བྱེད་ལ། དེ་རྣ་བའི་
D287.071.0118a01.01ཕྱི་རོལ་གྱི་བར་རྣམས་ལ་ཀུན་དུ་འགྲོ་བར་བྱེད་དེ། དེ་ཁྲོས་ནས་ཟ་བར་གྱུར་ན་ནི་ཁབ་ཀྱིས་བཞིན་དུ་འབིགས་པར་བྱེད་དོ། །ལུད་པ་ཟ་བ་ཞེས་བྱ་བའི་སྲིན་ནི་ཟས་ཀྱི་རོ་རྣམས་འབབ་པའི་སྦུབས་དང་ལྕེའི་རྩ་བ་ན་གནས་ཏེ། དེ་ལས་སྐྱེས་པ་དང་དེ་ཟ་བར་བྱེད་པ་དང་དེ་ཁྲོས་པར་
D287.071.0118a02.01གྱུར་ན་ནི་བདག་གི་ཁ་སྐམ་པར་འགྱུར་རོ། །སོ་རྣམས་ཀྱི་རྩ་བ་ན་སྲིན་སོ་སོར་གནས་ཏེ། སོའི་རྩ་བ་ཟ་བར་བྱེད་པ་ཞེས་བྱ་བ་གང་ཡིན་པ་ཁྲོས་པར་གྱུར་ན་ནི་སོ་གཟེར་བར་འགྱུར་རོ། །དེ་ལྟར་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་རྣལ་འབྱོར་སྤྱོད་པ་གནས་པ་ཡིན་
D287.071.0118a03.01ནོ། །བདག་གི་མགོ་བོ་ལ་སྲིན་བུའི་རིགས་བཅུ་གནས་སོ། །གཞན་ཡང་རྣལ་འབྱོར་སྤྱོད་པ་མགོའི་རུས་པ་དང་། ཤ་དང་། ནང་གི་བདག་ཉིད་སོ་སོ་རྣམས་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། མགོ་བོའི་རུས་པ་དང་ཤ་རྣམས་ཀྱང་ཇི་ཙམ་ཅིག་ཡོད་པ་ཡང་དེས་ཐོས་པ་ལས་
D287.071.0118a04.01བྱུང་བའི་ཤེས་རབ་བམ་ལྷའི་མིག་གིས་མཐོང་བར་གྱུར་པ། མགོའི་གླད་ཕོར་ནི་དུམ་བུ་བཞིའོ། །མཁུར་ཚོས་ཀྱི་ལྡང་རུས་པ་ནི་གསུམ་མོ། །ཨོག་སྐོའི་རུས་པ་ནི་གཅིག་གོ། །སོའི་རྩ་བའི་རུས་པ་རྣམས་ནི་སུམ་ཅུ་རྩ་གཉིས་སོ། །དེ་ལྟར་ཡང་ངའི་རྐན་གྱི་རུས་པ་ནི་གཉིས་
D287.071.0118a05.01སོ། །མཇིང་པའི་རུས་པ་རྣམས་ནི་{བཅྭ་,བཅོ་}ལྔའོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། བདག་ཉིད་ཀྱི་མགོ་བོ་ལ་ཤ་ཡོད་པ་དང་མགོའི་ཤ་ཟས་རྣམས་ཀྱིས་འཕེལ་བ་ནི་ཅི་ཙམ་ཞིག་ཡིན་ན། དེས་ཐོས་པ་ལས་བྱུང་བའི་ཤེས་རབ་
D287.071.0118a06.01ཀྱིས་སམ་ལྷའི་མིག་གིས་མཐོང་བར་གྱུར་པ། བདག་གི་གླད་ཕོར་ལ་ནི་ཤའི་དུམ་བུ་བཞིའོ། །འགྲམ་པ་ལ་ནི་གཉིས་སོ། །ཐོད་པ་དག་གི་བར་ན་ནི་གཅིག་གོ། །མགྲིན་པ་དང་། སྣ་དང་། ལྕེ་རྣམས་ལ་དུམ་བུ་རེ་རེའོ། །མཆུ་གཉིས་ལ་ནི་དུམ་བུ་གཉིས་སོ། །རྣ་བའི་པགས་པའི་
D287.071.0118a07.01