完整藏文原文 · 德格版页 当前仅加载第 71 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
བཻ་ཌཱུརྱའི་རང་བཞིན་རྣམས་ལ་ནི་ཤེལ་གྱི་སྟེགས་བུ་དང་ལྡན་ནོ། །ཨིན་དྲ་ནཱི་ལའི་རང་བཞིན་རྣམས་ལ་ནི་མུ་ས་ར་གལྦའི་སྟེགས་བུ་དང་ལྡན་ནོ། །མུ་ས་ར་གལྦའི་རང་བཞིན་རྣམས་ལ་ནི་ཨིནྡྲ་ནཱི་ལའི་སྟེགས་བུ་དང་ལྡན་ནོ། །དེ་བཞིན་དུ་ཕན་ཚུན་དུ་རྣམ་པ་སྣ་ཚོགས་པའི་སྐྱེས་བུ་རྣམས་
D287.071.0214b01.01ཀྱིས་ལེགས་པར་བརྒྱན་པ་དང་། དྲིལ་བུ་གཡེར་ཀའི་དྲ་བས་ཀུན་ཏུ་གཡོགས་པ་དང་། གླུ་དང་། གར་དང་། རྒོད་པ་དང་། རྔ་སྒྲ་རབ་ཏུ་སྒྲོགས་པར་བྱེད་པ་དང་། རྟག་ཏུ་རབ་ཏུ་དགའ་བར་གྱུར་པ་དང་། རྒུན་འབྲུའི་ཆུ་ཀླུང་རྣམས་ཀྱིས་ཡོངས་སུ་བསྐོར་བ་དང་། ནགས་དང་ཉེ་
D287.071.0214b02.01བའི་ནགས་རྣམས་ཀྱིས་ལེགས་པར་ཁྱབ་པར་གྱུར་པ་ཡིན་ཏེ། དཔེར་བྱ་ན་ལྷ་རྣམས་ཀྱི་གྲོང་ཁྱེར་བལྟ་ན་སྡུག་དང་། ལྷ་རྣམས་ཀྱི་འདུན་ས་ཆོས་{བཟངས་ཀྱི་,བཟང་གི་}གཞལ་ཡས་ཁང་རྣམས་ཡིན་ཏེ། དེ་ཁོ་ན་བཞིན་དུ་པད་མ་ཀུ་ཤེ་ཤ་ཡ་དང་ལྡན་པའི་རིའི་གཞལ་ཡས་ཁང་སྟོང་ཕྲག་བརྒྱད་ཅུ་རྩ་བཞི་
D287.071.0214b03.01ཡིན་ནོ། །ནགས་དང་། ཉེ་བའི་ནགས་དང་། རྫིང་བུ་དང་། ལྗོན་ཤིང་དང་། འབྲས་བུ་ཕུན་སུམ་ཚོགས་པ་རྣམས་ནི་སྔར་གྱི་བཞིན་ནོ། །པད་མ་ཀུ་ཤེ་ཤ་ཡ་དང་ལྡན་པའི་རིའི་ཉེ་འཁོར་ན་སྐྱེས་བུ་གང་དག་གནས་པ་དེ་དག་རྣམས་ནི་རྣམ་པར་བཀྲ་བ་ཞེས་བྱ་བའི་མིང་དུ་འགྱུར་
D287.071.0214b04.01རོ། །དེ་དག་རྣམས་ནི་རྟག་ཏུ་རྒོད་པ་དང་། འགྱིང་བ་དང་། རྩེ་བ་དང་། གར་དང་། རོལ་མོའི་སྒྲ་དང་། ཟས་དང་། སྐོམ་དང་། འཁྲིག་པ་ལ་དགའ་བ་རྣམས་ཡིན་ནོ། །གཞན་ཡང་རྣལ་འབྱོར་སྤྱོད་པ་པ་ལས་ཀྱི་ཆོས་ཀྱི་རྣམ་པར་སྨིན་པ་རྣམས་ལ་རྗེས་སུ་ལྟ་བར་བྱེད་དེ། ཕན་
D287.071.0214b05.01ཚུན་རྣམ་པར་འབྲལ་བ་ལས་བྱུང་བའི་སྡུག་བསྔལ་སེམས་ཅན་འདི་དག་རྣམས་ཀྱིས་ཅིའི་ཕྱིར་མ་མཐོང་ན། སེམས་ཅན་འདི་དག་རྣམས་ཐམས་ཅད་ཀྱི་སྡུག་པ་དང་། ཡིད་དུ་འོང་བ་རྣམས་ཐམས་ཅད་ཀྱང་ཐ་དད་དུ་འགྱུར་བ་དང་། མེད་པར་འགྱུར་བ་དང་། རྣམ་པར་འགྱེས་པ་དང་།
D287.071.0214b06.01རྣམ་པར་འབྲལ་བ་དང་། གཞན་དུ་འགྱུར་བ་ཡིན་ནོ། །སེམས་ཅན་འདི་དག་རྣམས་ཐམས་ཅད་ནི་འཐུན་པ་དང་། ཡིད་དུ་འོང་བ་རྣམས་ཐམས་ཅད་དང་ཡང་ཐ་དད་དང་། མེད་པ་དང་། རྣམ་པར་འཐོར་བ་དང་། གཞན་དུ་འགྱུར་བ་རྣམས་འབྱུང་བར་འགྱུར་རོ། །ལས་ཀྱིས་ཇི་
D287.071.0214b07.01