完整藏文原文 · 德格版页 当前仅加载第 71 函德格 114b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ལེགས་པར་བྱས་པའི་ལས་ཀྱི་མཐའ་རྣམས་ལ་སྤྱད་པའི་མཐུ་སྟོབས་དང་ལྡན་པའི་ལྷ་རྣམས་ཀྱི་ནང་ནས། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་གང་ཡིན་པ་མཐོང་སྟེ། དེ་དག་ཀྱང་འདོད་པ་དང་། དགའ་བ་དང་། ཡིད་དུ་འོང་བར་མཐོང་ངོ་། །གཞན་ཡང་རྣལ་འབྱོར་སྤྱོད་
D287.071.0114b01.01པ་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། ཇི་ལྟར་རྒྱལ་ཆེན་རིས་བཞིའི་ལྷ་རྣམས་ཀྱི་རྣ་བས་སྒྲ་ཐོས་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ། ལྷའི་མིག་གིས་མཐོང་བར་གྱུར་པ། ལྷ་རྣམས་ཀྱིས་སྒྲ་གང་དང་གང་དག་ཁོ་ན་ཐོས་པ་དེ་དང་དེ་དག་རྣམས་ནི་
D287.071.0114b02.01འདོད་པ་སྡུག་པ་ཡིད་དུ་འོང་བ་རྣམས་ཐོས་པ་ཡིན་ཏེ། ལྷན་ཅིག་སྐྱེས་པར་གྱུར་པའི་རྣ་བས་ནི་དཔག་ཚད་སུམ་སྟོང་གི་སྒྲ་རྣམས་ཐོས་སོ། །གལ་ཏེ་རྫུ་འཕྲུལ་བྱས་ནས་རྣ་བ་སྤྲུལ་པར་གྱུར་ན་ནི་དེས་དཔག་ཚད་སྟོང་ཕྲག་ཉི་ཤུར་ཐོས་པར་འགྱུར་ཏེ། གང་དག་ཐོས་པར་འགྱུར་བ་དེ་དག་
D287.071.0114b03.01རྣམས་ཀྱང་འདོད་པ་སྡུག་པ་ཡིད་དུ་འོང་བ་རྣམས་ཐོས་པར་འགྱུར་རོ། །གཞན་ཡང་རྣལ་འབྱོར་སྤྱོད་པ་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། ཇི་ལྟར་རྒྱལ་ཆེན་རིས་བཞིའི་ལྷ་རྣམས་ཀྱི་སྣས་དྲི་སྣོམ་པར་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་
D287.071.0114b04.01གིས་མཐོང་བར་གྱུར་པ། རྒྱལ་ཆེན་རིས་བཞིའི་ལྷ་རྣམས་ཀྱི་སྣས་ནི་དྲི་དཔག་ཚད་ཉིས་བརྒྱར་དྲི་རྣམས་སྣོམ་པར་བྱེད་དོ། །གལ་ཏེ་རྫུ་འཕྲུལ་བྱས་ཏེ་སྣ་སྤྲུལ་པར་གྱུར་ན་ནི་དཔག་ཚད་སྟོང་ཕྲག་བརྒྱའི་བར་དུ་དེས་དྲི་འཛིན་ནོ། །གཞན་ཡང་རྣལ་འབྱོར་སྤྱོད་པ་ལུས་ལ་ལུས་ཀྱི་རྗེས་སུ་
D287.071.0114b05.01ལྟ་ཞིང་གནས་ཏེ། ཇི་ལྟར་ལྷ་རྣམས་ཀྱིས་ལྕེའི་དབང་པོ་རོས་ཚིམ་པར་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། རྒྱལ་ཆེན་རིས་བཞིའི་ལྷ་རྣམས་ཀྱི་ལྕེའི་དབང་པོས་ནི་མི་དམན་པ་དང་ཡིད་དུ་འོང་ཞིང་ཡིད་དུ་འོང་བའི་རོ་རྣམས་ཀྱི་བདེ་བ་
D287.071.0114b06.01དང་ལྡན་པ་ཡིན་ཏེ། རོ་རྣམས་ནི་ཇི་ལྟར་ལེགས་པར་བྱས་པའི་ལས་བྱས་པ་རྣམས་ཀྱིས་ལྷ་རྣམས་རོས་ཚིམ་པ་མེད་པ་ཡིན་ནོ། །གཞན་ཡང་རྣལ་འབྱོར་སྤྱོད་པ་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། ཕྲ་བ་དང་། རགས་པ་དང་། མྱུར་བ་ཉིད་དུ་ཡང་འགྱུར་བའི་ལྷ་རྣམས་ཀྱི་བདག་ཉིད་ཀྱི་
D287.071.0114b07.01