完整藏文原文 · 德格版页 当前仅加载第 71 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
ཏིའི་བྲམ་ཟེའི་གྲོང་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལུས་དྲན་པ་ཉེ་བར་གཞག་པ་ཞེས་བྱ་བ་ངས་བཤད་པར་བྱ་སྟེ། དང་པོར་དགེ་བ་བར་དུ་དགེ་བ་ཐ་མར་དགེ་བ་དོན་བཟང་པོ་ཚིག་འབྲུ་བཟང་པོ་
D287.071.0110a01.01འབའ་ཞིག་པ་ཡོངས་སུ་རྫོགས་པ་ཡོངས་སུ་དག་པ་ཡོངས་སུ་བྱང་བ་ཚངས་པར་སྤྱོད་པ་ངས་བཤད་པར་བྱའོ། །འདི་ལྟ་སྟེ་ལུས་དྲན་པ་ཉེ་བར་གཞག་པ་ཞེས་བྱ་བའི་ཆོས་ཀྱི་རྣམ་གྲངས་སོ། །དེ་ལེགས་པར་རབ་ཏུ་ཡིད་ལ་བྱས་ཏེ་ཉོན་ཅིག་བཤད་པར་བྱའོ། །དེ་སྐད་ཅེས་བཀའ་
D287.071.0110a02.01སྩལ་པ་དང་། དགེ་སློང་དེ་དག་བཅོམ་ལྡན་འདས་ཀྱི་ལྟར་ཉན་ཏོ། །དེ་དག་ལ་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །དགེ་སློང་དག་ལུས་དྲན་པ་ཉེ་བར་གཞག་པ་ཞེས་བྱ་བའི་ཆོས་ཀྱི་རྣམ་གྲངས་འདི་ཡང་གང་དག་ཡིན་ཞེ་ན། འདི་ལྟ་སྟེ་ལུས་ལ་ལུས་ཀྱི་རྗེས་སུ་ལྟ་ཞིང་
D287.071.0110a03.01གནས་པའི་དགེ་སློང་ནི་བདུད་ཀྱི་ཡུལ་ལ་མི་གནས་སོ། །ཉོན་མོངས་པ་རྣམས་ཀྱང་སྤོང་བར་བྱེད་དོ། །ཡང་དག་པ་ཇི་ལྟ་བ་བཞིན་དུ་ལུས་མཐོང་ངོ་། །ཡེ་ཤེས་མངོན་སུམ་དུ་བྱས་པར་གྱུར་ནས་མྱ་ངན་ལས་འདས་པ་ཡང་མཐར་བྱེད་པར་ང་གསུང་ངོ་། །འདི་ན་དགེ་སློང་ལུས་ལ་ཡང་དག་
D287.071.0110a04.01པར་ལྟ་བར་བྱེད་པ་རྣམས་ནི་ཚུལ་བཞིན་མ་ཡིན་པ་ཡིད་ལ་བྱེད་པས་མི་འཕྲོགས་པ་དང་། ཀུན་ནས་ཉོན་མོངས་པ་རྣམས་དང་ཡང་བྲལ་བར་འགྱུར་རོ། །ནང་གི་བདག་ཉིད་ཀྱི་མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་དང་། ཕྱི་རོལ་གྱི་གཟུགས་དང་། རོ་དང་། དྲི་དང་།
D287.071.0110a05.01རེག་བྱ་དང་། སྒྲ་དང་། ཆོས་རྣམས་ཀྱང་ལུས་ཡིན་ནོ། །ནང་གི་བདག་ཉིད་ཀྱིས་ལུས་ལ་ལུས་ཀྱི་རྗེས་སུ་ལྟ་ཞིང་གནས་པར་གྱུར་ན་མཐར་མྱ་ངན་ལས་འདས་པར་འགྱུར་རོ། །འདི་ན་དགེ་སློང་དག་མིག་གིས་གཟུགས་རྣམས་མཐོང་བ་ན་ཀུན་དུ་རྟོག་པར་མི་བྱེད་ཅིང་། དགའ་བའི་
D287.071.0110a06.01འདོད་ཆགས་དང་མཚུངས་པར་ལྡན་པའི་སེམས་ཀྱིས་ཡང་དག་པ་ཉིད་དུ་ལྟ་བར་མི་བྱེད་ཀྱིས། ལུས་འདི་ལ་ཡོད་པ་རྣམས་ནི་སྐྲ་དང་། སྤུ་དང་། སེན་མོ་དང་། སོ་དང་། རུས་པ་དང་། པགས་པ་དང་། ཁྲག་དང་། རྒྱུས་པ་དང་། ཟས་དང་། སྨིན་པ་དང་། བད་ཀན་དང་། མཁྲིས་
D287.071.0110a07.01