完整藏文原文 · 德格版页 当前仅加载第 57 函德格 140b 版页；藏文 NFD、目录标记与异常页序保留在来源切片中，重复版页行以稳定序号区分。
བུའི་གླིང་ལ་དབང་བ། མཐུ་དང་བརྩོན་པ་ཐོབ་པ། སྟོབས་ཀྱི་འཁོར་ལོས་སྒྱུར་བར་འགྱུར་ཏེ། དེ་ངའི་རྣམ་པ་ལས་རྗེས་སུ་དྲན་པར་བྱེད་པར་འགྱུར་རོ། །ངའི་བསྟན་པ་ལ་ཡང་དད་པ་ཐོབ་པར་འགྱུར་རོ། །དེའི་ཚེ་དེའི་དུས་ན་དགེ་སློང་དབང་པོ་བདེ་བ་ཞེས་བྱ་བ་རྫུ་འཕྲུལ་
D146.057.0140b01.01ཆེ་བ། མཐུ་ཆེ་བ། དམ་པའི་ཆོས་ཡོངས་སུ་འཛིན་པ། ཤིན་ཏུ་རྒྱས་པའི་མདོ་སྡེ་འཛིན་པ། རྒྱལ་པོའི་རིགས་ལས་རབ་ཏུ་བྱུང་བ། རྒྱལ་པོ་མྱ་ངན་མེད་པས་བཀུར་བ་གྲོང་དུ་འཇུག་པ་འབྱུང་བར་འགྱུར་རོ། །འཇམ་དཔལ་དེ་ལྟར་རྒྱལ་པོ་མྱ་ངན་མེད་པ་དེས་ངའི་རིང་
D146.057.0140b02.01བསྲེལ་རྒྱ་ཆེར་བྱ་བའི་ཕྱིར་སྐྱེ་བོ་མང་པོས་ཡོངས་སུ་བསྐོར་ཅིང་བཀོད་པ་ཆེན་པོ་དང་རྒྱལ་པོའི་མཐུ་ཆེན་པོས་མེ་ཏོག་དང་། ཕྲེང་བ་དང་། སྤོས་དང་། ཕྱེ་མ་དང་། བྱུག་པ་དང་། སིལ་སྙན་དང་། ཕེག་ཐོགས་ཏེ་རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་སོང་ནས་མཆོད་
D146.057.0140b03.01པའི་ཆོ་ག་མངོན་པར་འདུ་བྱ་བ་ཆེན་པོ་བྱས་ཏེ་སའི་ཕྱོགས་དེ་ནས་རིང་བསྲེལ་གྱི་ཟ་མ་ཏོག་དེ་ཕྱུང་ནས། ཉི་མ་བདུན་གྱི་བར་དུ་སྤོས་ཐམས་ཅད་དང་། མེ་ཏོག་ཐམས་ཅད་དང་། མེ་ཏོག་ཕྲེང་ཐམས་ཅད་དང་། ཕྱེ་མ་ཐམས་ཅད་དང་། བྱུག་པ་ཐམས་ཅད་དང་། སིལ་སྙན་ཐམས་
D146.057.0140b04.01ཅད་དང་། ཕེག་རྡོབ་པ་དང་། གླུ་དབྱངས་ཐམས་ཅད་ཀྱིས་མཆོད་པ་རྣམ་པ་དུ་མ་བྱས་ཏེ། སྐར་མ་དང་། སྦྱོར་བ་དང་ལྡན་པ་གཅིག་ལ་ཡུལ་སྣ་ཚོགས་སུ་ཆོས་ཀྱི་རྒྱལ་པོས་བྱས་པའི་མཆོད་རྟེན་བརྒྱད་ཁྲི་བཞི་སྟོང་བྱེད་པར་འགྱུར་རོ། །དེའི་ཚེ་ཆོས་སྨྲ་བ་དབང་པོ་བདེ་བས་
D146.057.0140b05.01ཆོས་ཀྱི་རྣམ་གྲངས་འདི་རིང་བསྲེལ་གྱི་ཟ་མ་ཏོག་ནས་ཕྱུང་ནས་བྱང་ཕྱོགས་ཀྱི་རྒྱུད་ཀྱི་ཡུལ་ཆེན་པོར་འཇོག་པར་འགྱུར་ཏེ། སྐྱེ་བོ་མང་པོས་ཤེས་པར་མི་འགྱུར། སྐྱེ་བོ་མང་པོས་རིག་པར་མི་འགྱུར། སྐྱེ་བོ་མང་པོས་ཡོངས་སུ་བཟུང་བར་མི་འགྱུར་ལ་ཆོས་ཀྱི་རྣམ་གྲངས་འཛིན་པ་ཉུང་
D146.057.0140b06.01བ་དང་། ཀློག་པ་ཉུང་བར་འགྱུར་ཏེ། འཇམ་དཔལ་ཆོས་ཀྱི་རྣམ་གྲངས་འདི་ནི་རྟག་ཏུ་སྒྲོམ་དུ་བཅུག་པ་དང་སྣོད་དུ་བཅུག་པར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་ཆོས་ཚོལ་བ་མེད་ཅིང་སྣོད་མ་ཡིན་པའི་ཕྱིར་རོ། །འཇམ་དཔལ་ཆོས་ཀྱི་རྣམ་གྲངས་འདི་ནི་མོས་པར་དཀའ་
D146.057.0140b07.01