完整藏文原文 · 德格版页 当前仅加载第 57 函德格 138a 版页；藏文 NFD、目录标记与异常页序保留在来源切片中，重复版页行以稳定序号区分。
མང་པོས་འཇིག་རྟེན་དུ། །འཚང་རྒྱ་བདེན་པའི་བློ་གྲོས་ཏོག་གི་རྒྱལ། །ཉོན་མོངས་གནོད་པ་དེ་ལ་མི་འབྱུང་སྟེ། །དེ་ཕྱིར་བསྐལ་པ་དེ་ནི་གནོད་མེད་པ། །འཇིག་རྟེན་མིང་ཡང་རྣམ་པར་བལྟས་པ་སྟེ། །བསྐལ་པ་དེ་ནི་དཔལ་གྱི་ཕུང་པོར་འགྱུར། །རྣམ་པར་འདྲེན་
D146.057.0138a01.01པ་དེ་ཡི་བསྐལ་པ་དེ། །ལྷ་མི་རྣམས་ཀྱིས་བལྟ་བའི་འོས་འགྱུར་ཏེ། །རིན་ཆེན་ཚོགས་ཀྱི་འོབས་དང་རྟ་བབས་རྣམས། །ཉམས་དགའ་ཀུན་ནས་ཤིན་ཏུ་མཛེས་པར་འགྱུར། །འཛམ་བུ་ཀླུང་གི་གསེར་གྱི་དྲ་བས་གཡོགས། །ཆོས་ཀྱི་སྒྲ་དབྱངས་ཡིད་དུ་འོང་བ་བསྒྲགས། །སེང་གེའི་
D146.057.0138a02.01རྒྱལ་མཚན་རབ་རྣམས་རྟག་ཏུ་བསྒྲེང་། །རིན་ཆེན་ཚོགས་ཀྱི་ལྡ་ལྡི་བརྒྱ་དག་སྤྱངས། །རྩིག་པའི་རྒྱུད་ནི་རིན་ཆེན་དྲི་མེད་དེ། །དེ་ནི་ལྷ་ཡི་ཁྱིམ་དང་འདྲ་བར་འགྱུར། །མཚེའུ་དང་ལུ་མ་པད་མའི་མཚོ་དག་གིས། །དེ་ནི་རྟག་ཏུ་ལེགས་པར་བརྒྱན་པར་འགྱུར། །དེ་ཡི་ཆུ་དང་
D146.057.0138a03.01པད་མ་ཨུད་པལ་དང་། །པད་མ་དཀར་པོ་དག་གིས་ཀུན་ཁེབས་འགྱུར། །གླིང་བཞི་པ་ཡི་འཇིག་རྟེན་བར་མ་དེ། །མིང་ནི་བལྟ་ན་སྡུག་ཅིང་ཡིད་འོང་སྟེ། །དེ་ནི་བདེ་གཤེགས་དེ་ཡི་སྐྱེ་བའི་ས། །རང་བྱུང་དེ་ནི་བྲམ་ཟེའི་རིགས་ལས་འབྱུང་། །ཐུབ་པའི་ཡུམ་ནི་ཤུགས་དང་
D146.057.0138a04.01ལྡན་ཞེས་བྱ། །ཡབ་ནི་ཚངས་པའི་དབྱིག་ཅེས་བྱ་བར་འགྱུར། །དེ་ཡི་བུ་ནི་རྣམ་གྲགས་སྒྲ་ཞེས་བྱ། །དཔེར་ན་ངའི་བུ་སྒྲ་གཅན་ཟིན་འདི་འདྲ། །བདེ་གཤེགས་དེ་ཡི་བཙུན་མོ་དམ་པ་ནི། །བློ་གྲོས་ཆེན་མོ་ང་ཡི་ས་འཚོ་བཞིན། །དེ་ཡི་མ་མ་མིང་ནི་གྲགས་ཆེན་ཏེ། །ང་ཡི་སྐྱེ་
D146.057.0138a05.01དགུའི་བདག་མོ་ཆེན་མོ་བཞིན། །ཐུབ་པའི་རིམ་གྲོ་བྱེད་པའི་སེམས་ཅན་འཕགས། །རྟག་ཏུ་རྗེས་སུ་འབྲང་ཞེས་བྱ་བ་སྟེ། །ང་ཡི་རིམ་གྲོ་འདུན་པ་གུས་ལྡན་བཞིན། །དེ་ནི་འདྲེན་པ་དེ་ལ་རིམ་གྲོ་བྱེད། །ཐུབ་པ་དེ་ཡི་རྟ་མཆོག་འགྱུར་བ་ཡི། །ཤུགས་ཅན་ཞེས་བྱའི་མིང་དང་ལྡན་
D146.057.0138a06.01འགྱུར་ཏེ། །བདེ་གཤེགས་མངོན་པར་འབྱུང་ཚེ་བཅིབས་པར་འགྱུར། །ང་ཡི་རྟ་མཆོག་བསྔགས་ལྡན་གྱུར་པ་བཞིན། །བདེ་གཤེགས་དེ་ཡི་རྫོགས་པའི་བྱང་ཆུབ་ཤིང་། །ཆོས་ཀྱི་འཕགས་ཞེས་བྱ་བ་དེ་ཚེ་འབྱུང་། །ཤིང་མཆོག་བརྒྱ་ཕྲག་སྟོང་དུ་བསྒྱུར་བ་ཡིན། །ཕྲག་ནི་བརྒྱད་ཅུ་
D146.057.0138a07.01