完整藏文原文 · 德格版页 当前仅加载第 57 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་མཚན་མ་མེད་པའི་རྣམ་པ་དང་། ཁམས་གསུམ་ལས་ཡང་དག་པར་འདའ་བའི་ཕྱིར་སྨོན་པ་མེད་པའི་རྣམ་པ་སྟེ། རིགས་ཀྱི་བུ་རྣམ་པ་བཅུ་གཉིས་པོ་དེ་དག་གིས་བྱང་ཆུབ་སེམས་དཔས་ཤེས་རབ་ཀྱི་ཕ་རོལ་ཏུ་ཕྱིན་པ་རྟོགས་པར་བྱའོ། །དེ་ནས་བཅོམ་ལྡན་འདས་
D146.057.0092b01.01ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ཤེས་རབ་འཕགས་པ་འདི་ནི་སྣང་ལྟ་བུར། །རྟག་ཏུ་སྐྱེ་དགུ་རྣམས་ཀྱི་མུན་པ་སེལ། །དེ་ནི་སྒྲོན་མ་ལྟ་བུར་སྣང་ཕྱིར་བྱུང་། །ཉོན་མོངས་ཚོགས་ལ་འདི་ནི་སྣང་བར་བྱེད། །སྲེད་དང་རྨོངས་པའི་རྩ་རྣམས་བསལ་
D146.057.0092b02.01བའི་ཕྱིར། །དགེ་བའི་ཡིད་ནི་ཐོང་གཤོལ་འདྲ་བ་ཡིན། །ཉོན་མོངས་རི་རྣམས་རྡུལ་དུ་རློག་པ་སྟེ། །ལྷ་མིན་ལྡང་ལ་དབང་པོའི་རྡོ་རྗེ་བཞིན། །རང་གི་སྣང་བས་ཤེས་རབ་མུན་བྲལ་བས། །དམ་པ་རྣམས་ཀྱིས་མར་མེ་འདྲ་ཞེས་བསྟན། །དེ་ནི་ཉོན་མོངས་འདམ་རྫབ་ངན་
D146.057.0092b03.01སྐེམས་ཕྱིར། །དཔྱིད་ཉི་འདྲ་ཞེས་དམ་པ་རྣམས་ཀྱིས་བརྗོད། །དེ་ནི་ཉོན་མོངས་ཆུ་བོར་ནུབ་པ་ལ། །གྲུ་བཞིན་འཇིག་རྟེན་ཡང་དག་སྒྲོལ་བ་བྱེད། །དེ་ནི་གཏི་མུག་ཤིང་ཆེན་གཅོད་པས་ན། །དག་ཅིང་མི་རྟོག་རལ་གྲི་རྣོ་དང་མཚུངས། །རྨོངས་པ་མེད་འགྱུར་ནོར་བུ་རིན་
D146.057.0092b04.01ཆེན་འདྲ། །དངོས་མེད་ཆོས་ཀྱི་མཚན་ཉིད་རྟོགས་པར་བྱེད། །སྟོང་པ་རང་དབང་བྱེད་ཅིང་རྟོག་མེད་པས། །དེ་ནི་སྲིད་དང་ཞི་ལ་མི་གནས་སོ། །ནེམ་ནུར་ཐེ་ཙོམ་ལ་སོགས་འཇིག་བྱེད་དེ། །དྲིས་པ་ལན་གདབ་པ་ལའང་དེ་མཁས་སོ། །འཁོར་བའི་ཉེས་པའང་དེ་ཉིད་སེལ་བྱེད་དེ། །
D146.057.0092b05.01མྱ་ངན་འདས་ལམ་མཚོན་ལ་དེས་སྒྲོན་ཡིན། །དེ་ལ་མིག་ཅེས་ཐུབ་པ་ཟླ་བ་གསུང་། །མངོན་སུམ་བྱེད་ཅིང་རྟོགས་པའི་མཚན་ཉིད་དེ། །དེ་གྲོགས་བྱང་ཆུབ་སེམས་དཔའ་དྲི་མེད་རྣམས། །སྒྲོལ་མའི་ཡིད་ལྟར་བྱང་ཆུབ་སྤྱད་པ་སྤྱོད། །ཕ་རོལ་ཏུ་ཕྱིན་པ་བསྟན་པའི་ལེའུ་
D146.057.0092b06.01སྟེ་གཉིས་པའོ།། །།རིགས་ཀྱི་བུ་བྱང་ཆུབ་སེམས་དཔའི་ཐབས་ནི་ཡུལ་བཅུ་གཉིས་ལ་བལྟ་བར་བྱ་སྟེ། བཅུ་གཉིས་པོ་དག་གང་ཞེ་ན། རིགས་ཀྱི་བུ་འདི་ལ་ནི་བྱང་ཆུབ་སེམས་དཔའ་ནི་མྱ་ངན་ལས་འདས་པའི་ཡུལ་ལ་གནས་པའང་ཡིན་ལ། ཐབས་ཀྱིས་
D146.057.0092b07.01