完整藏文原文 · 德格版页 当前仅加载第 57 函德格 131a 版页；藏文 NFD、目录标记与异常页序保留在来源切片中，重复版页行以稳定序号区分。
མི་བལྟའོ། །སྐྱེ་བ་མེད་པར་མི་བལྟའོ། །དེ་སྐད་ཅེས་སྨྲས་པ་དང་། ཚེ་དང་ལྡན་པ་ཤ་ར་དྭ་ཏིའི་བུས་གཅེར་བུ་པའི་བུ་བདེན་སྨྲ་ལ་འདི་སྐད་ཅེས་སྨྲས་སོ། །བདེན་སྨྲ་གལ་ཏེ་དེ་བཞིན་གཤེགས་པ་དེ་ལྟར་མི་ལྟ་ན་སྐྱེས་བུ་དམ་པ་ཁྱོད་དེ་བཞིན་གཤེགས་པ་ལ་ཇི་ལྟར་བལྟ།
D146.057.0131a01.01སྨྲས་པ། བཙུན་པ་ཤ་ར་དྭ་ཏིའི་བུ་ཁོ་བོ་ནི་དེ་བཞིན་གཤེགས་པ་གཟུགས་སུ་མི་བལྟའོ། །དེ་བཞིན་གཤེགས་པ་གཟུགས་ལས་གཞན་དུ་ཡང་མི་བལྟའོ། །དེ་བཞིན་གཤེགས་པ་གཟུགས་གཞིག་པའི་ཕྱིར་མི་བལྟའོ། །བཙུན་པ་ཤ་ར་དྭ་ཏིའི་བུ་ཁོ་བོ་ནི་དེ་བཞིན་གཤེགས་
D146.057.0131a02.01པ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་རྣམ་པར་ཤེས་པར་མི་བལྟའོ། །དེ་བཞིན་གཤེགས་པ་རྣམ་པར་ཤེས་པ་ལས་གཞན་དུ་ཡང་མི་བལྟའོ། །དེ་བཞིན་གཤེགས་པ་རྣམ་པར་ཤེས་པ་གཞིག་པའི་ཕྱིར་ཡང་མི་བལྟའོ། །དེ་བཞིན་གཤེགས་པ་འཇིག་རྟེན་དུ་
D146.057.0131a03.01གཏོགས་པར་མི་བལྟའོ། །དེ་བཞིན་གཤེགས་པ་འཇིག་རྟེན་ལས་རྒལ་བར་མི་བལྟའོ། །དེ་བཞིན་གཤེགས་པ་ཕུང་པོས་རབ་ཏུ་ཕྱེ་བར་མི་བལྟའོ། །དེ་བཞིན་གཤེགས་པ་ཁམས་ཀྱིས་རབ་ཏུ་ཕྱེ་བར་མི་བལྟའོ། །དེ་བཞིན་གཤེགས་པ་སྐྱེ་མཆེད་ཀྱིས་རབ་ཏུ་ཕྱེ་བར་མི་བལྟ་སྟེ། དེ་
D146.057.0131a04.01བཞིན་གཤེགས་པ་ནི་ཚིག་གི་ལམ་ཐམས་ཅད་ཀྱིས་བརྗོད་དུ་མེད་པར་བལྟ་ཞིང་ཅི་ནས་ཀྱང་མི་མཐོང་བ་དང་རྣམ་པར་མི་མཐོང་བ་དང་། མི་དམིགས་པ་དང་། མི་རྟོག་པ་དང་། རྣམ་པར་མི་རྟོག་པ་དང་། ཡོངས་སུ་མི་རྟོག་པ་དང་། རྣམ་པར་མཐོ་བཙམ་པ་མེད་པ་དང་། ཀུན་ནས་སློང་བ་མེད་པ་
D146.057.0131a05.01དང་། ལེན་པ་མེད་པ་དང་། འདོར་བ་མེད་པ་དང་། སྤྲོས་པ་མེད་པ་དང་། མཚན་མར་བྱ་བ་མེད་པ་དང་། མཚན་མར་བྱ་བ་མེད་པ་མ་ཡིན་པ་དང་། བྱ་བ་མེད་པ་དང་། རྣམ་པར་བྱ་བ་མེད་པ་དང་། ཡོད་པར་བྱ་བ་མེད་པ་དང་། མེད་པར་བྱ་བ་མེད་པ་དང་། བླང་བ་མེད་པ་དང་། དོར་བ་མེད་པ་དང་།
D146.057.0131a06.01བསམ་པ་མེད་པ་དང་། ལྷུན་གྱིས་གྲུབ་པ་མེད་པ་དང་། དམིགས་སུ་མེད་པ་ཡང་མ་ཡིན་པ་དེ་ལྟར་དེ་བཞིན་གཤེགས་པ་བལྟ་སྟེ། བརྗོད་དུ་མེད་པ་དང་། བརྗོད་དུ་མེད་པ་ཡང་མ་ཡིན་པ་དེ་ལྟར་དེ་བཞིན་གཤེགས་པ་བལྟའོ། །ཚིག་གི་ལམ་དང་དབྱངས་སུ་བརྗོད་པ་ཐམས་ཅད་ལས་ཡང་དག་པར་
D146.057.0131a07.01