完整藏文原文 · 德格版页 当前仅加载第 57 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་ཏེ། དེ་ནི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེན་པའི་བློ་གྲོས་ཀྱི་ཏོག་གི་རྒྱལ་པོ་དེའི་སྐྱེ་བའི་གྲོང་ཁྱེར་དུ་འགྱུར་རོ། །འཇམ་དཔལ་དེ་བཞིན་གཤེགས་པ་བདེན་པའི་བློ་གྲོས་ཀྱི་ཏོག་གི་རྒྱལ་པོ་དེ་ནི་བྲམ་
D146.057.0135b01.01ཟེའི་རིགས་ལས་མངོན་པར་འབྱུང་བར་འགྱུར་རོ། །དེའི་ཡུམ་ནི་ཤུགས་ལྡན་ཞེས་བྱ་བར་འགྱུར་ཏེ། ད་ལྟར་ངའི་ཡུམ་ལྷ་མོ་སྒྱུ་འཕྲུལ་ལྟ་བུར་འགྱུར་རོ། །དེའི་ཡབ་ནི་ཚངས་པའི་དབྱིག་ཅེས་བྱ་བར་འགྱུར་ཏེ། ད་ལྟར་ངའི་ཡབ་རྒྱལ་པོ་ཟས་གཙང་མ་ལྟ་བུར་འགྱུར་རོ། །
D146.057.0135b02.01དེའི་སྲས་ནི་སྒྲ་རྣམ་པར་གྲགས་པ་ཞེས་བྱ་བར་འགྱུར་ཏེ། །ད་ལྟར་ངའི་གཞོན་ནུ་སྒྲ་གཅན་འཛིན་ལྟ་བུར་འགྱུར་རོ། །དེའི་བཙུན་མོ་དམ་པ་ནི་བློ་གྲོས་ཆེན་པོ་ཞེས་བྱ་བར་འགྱུར་ཏེ། ད་ལྟར་ངའི་ཤཱཀྱའི་བུ་མོ་ས་འཚོ་མ་ལྟ་བུར་འགྱུར་རོ། །དེའི་མ་མ་ནི་གྲགས་པ་ཆེན་པོ་ཞེས་
D146.057.0135b03.01བྱ་བར་འགྱུར་ཏེ། ད་ལྟར་ངའི་སྐྱེ་དགུའི་བདག་མོ་ཆེན་མོ་གཽ་ཏ་མཱི་ལྟ་བུར་འགྱུར་རོ། །བཅོམ་ལྡན་འདས་དེའི་རིམ་གྲོ་པ་ནི་རྟག་ཏུ་རྗེས་སུ་འབྲང་བ་ཞེས་བྱ་བར་འགྱུར་ཏེ། ད་ལྟར་ངའི་རིམ་གྲོ་པ་འདུན་པ་ལྟ་བུར་འགྱུར་རོ། །དེ་བཞིན་གཤེགས་པ་བདེན་པའི་བློ་གྲོས་ཀྱི་ཏོག་
D146.057.0135b04.01གི་རྒྱལ་པོ་དེ་གང་ལ་བཅིབས་ཏེ། མངོན་པར་འབྱུང་བར་འགྱུར་བའི་རྟའི་རྒྱལ་པོ་དེ་ནི་ཤུགས་ཅན་ལྡན་ཞེས་བྱ་བར་འགྱུར་ཏེ། ད་ལྟར་ངའི་རྟའི་རྒྱལ་པོ་བསྔགས་ལྡན་ལྟ་བུར་འགྱུར་རོ། །བཅོམ་ལྡན་འདས་དེའི་བྱང་ཆུབ་ཀྱི་སྙིང་པོ་ནི་ཆོས་ཀྱིས་འཕགས་པ་ཞེས་བྱ་བར་འགྱུར་
D146.057.0135b05.01ཏེ། དེར་དེ་བཞིན་གཤེགས་པ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །བྱང་ཆུབ་ཀྱི་སྙིང་པོ་དེ་ནི་བྱང་ཆུབ་ཀྱི་ཤིང་འབུམ་ཕྲག་བརྒྱད་ཅུས་ཡོངས་སུ་བསྐོར་བར་འགྱུར་རོ། །འཇམ་དཔལ་དེའི་ཚེ་དེའི་དུས་ན་བདུད་དམ་
D146.057.0135b06.01བདུད་ཀྱི་རིས་ཀྱི་ལྷ་རྣམས་འབྱུང་བར་མི་འགྱུར་ཏེ། འཇམ་དཔལ་གང་གི་ཚེ་དེ་བཞིན་གཤེགས་པ་བདེན་པའི་བློ་གྲོས་ཀྱི་ཏོག་གི་རྒྱལ་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དེའི་ཚེ་འཇིག་རྟེན་གྱི་ཁམས་དེ་ན་སེམས་ཅན་གྱི་
D146.057.0135b07.01