完整藏文原文 · 德格版页 当前仅加载第 57 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་དེ་ལ་ཡིད་ཅན་སུ་མི་སྟེན། །ཕྱག་དང་ཞབས་ཀྱི་སོར་མོ་དྲ་བས་འབྲེལ། །སེན་མོ་ཟངས་མདོག་སོར་མོ་ལེགས་པར་ཟླུམ། །དུང་ལྟར་མཐོ་བའི་ཞབས་ལྡན་མཉམ་པའི་ཞབས། །རྟིང་པ་ཡངས་ཤིང་མཉམ་པ་དྲང་སྲོང་མཆོག །ཕྱག་དང་ཞབས་ལ་འཁོར་ལོ་
D146.057.0120b01.01འཇམ་པ་མངའ། །དྲང་སྲོང་ཆེན་པོ་སོར་མོ་རིང་དང་ལྡན། །ཐུབ་པའི་དབང་པོ་ཞབས་མཐིལ་ཤིན་ཏུ་གནས། །དེས་ནི་ས་ལ་མི་གཡོའི་སྐུར་བཞུད་དེ། །འདི་ནི་དྲང་སྲོང་ཆེན་པོའི་མཚན་གྱི་ཚོགས། །དེ་ཡིས་བརྒྱན་སྐུ་ཤིན་ཏུ་མཛེས་པར་གདའ། །མཉམ་མེད་འཁོར་
D146.057.0120b02.01གྱི་ནང་ན་བཞུགས་པའི་ཚེ། །སྐར་ཚོགས་མང་དབུས་ཟླ་བ་གནས་པ་བཞིན། །སྐྱེས་བུ་ཆེན་པོའི་སྐུ་མཆོག་གཟུགས་དེ་ཡང་། །འགྲོ་བ་ཀུན་ཏུ་དེ་བཞིན་ཤིན་ཏུ་གདའ། །བདེ་བར་གཤེགས་པའི་ཡོན་ཏན་དྲི་མེད་ཆོས། །གང་ལགས་དེ་ཀུན་ཐུབ་པ་ཉིད་གསུང་
D146.057.0120b03.01གྲང་། །སྨྲས་པ། བྲམ་ཟེ་ཅིའི་ཕྱིར་ན་དགེ་སྦྱོང་གཽ་ཏ་མ་དེ་བསོད་ནམས་བརྒྱ་པའི་མཚན་དང་ལྡན་ཞེས་བྱ། སྨྲས་པ། རྒྱལ་པོ་ཆེན་པོ་དེའི་སླད་དུ། དོན་འདི་ཉིད་རབ་ཏུ་བསྒྲུབ་པའི་སླད་དུ་དཔེ་གསོལ་བར་འཚལ་ལོ། །རྒྱལ་པོ་ཆེན་པོ་གལ་ཏེ་སྟོང་གསུམ་གྱི་སྟོང་ཆེན་
D146.057.0120b04.01པོའི་འཇིག་རྟེན་གྱི་ཁམས་ན་སེམས་ཅན་སྐྱེ་གནས་བཞིས་ཡོངས་སུ་ཟིན་པ་གང་ཇི་སྙེད་ཅིག་མཆིས་པ་དེ་དག་ཐམས་ཅད་ཡོངས་སུ་བརྟག་པ་ཉེ་བར་བཟུང་སྟེ། མིའི་ལུས་ཐོབ་པར་གྱུར་ལ། མིའི་ལུས་ཐོབ་པ་དེ་དག་རེ་རེ་ཞིང་འཁོར་ལོས་སྒྱུར་བའི་བསོད་ནམས་དང་ལྡན་པར་གྱུར་ལ།
D146.057.0120b05.01འཁོར་ལོས་སྒྱུར་བའི་བསོད་ནམས་དང་ལྡན་པའི་སེམས་ཅན་དེ་དག་ཐམས་ཅད་ཀྱི་བསོད་ནམས་ཀྱི་ཕུང་པོ་གང་ལགས་པ་བརྒྱ་གྱུར་དུ་བསྒྱུར་བའི་བསོད་ནམས་ཀྱི་ཕུང་པོ་དེས་དགེ་སྦྱོང་གཽ་ཏ་མའི་སྐུ་ལ་སྤུའི་ཁུང་བུ་གཅིག་མངོན་པར་འགྲུབ་སྟེ། དེ་བཞིན་དུ་སྤུའི་ཁུང་བུ་རེ་རེ་ཡོངས་སུ་གྲུབ་
D146.057.0120b06.01བོ། །སྤུའི་ཁུང་བུ་ཐམས་ཅད་དུ་གཏོགས་པའི་བསོད་ནམས་ཀྱི་ཕུང་པོ་ཇི་སྙེད་པ་བརྒྱ་གྱུར་དུ་བསྒྱུར་བའི་བསོད་ནམས་ཀྱི་ཕུང་པོ་དེས་དགེ་སྦྱོང་གཽ་ཏ་མའི་སྐུ་ལ་དཔེ་བྱད་བཟང་པོ་གཅིག་མངོན་པར་འགྲུབ་སྟེ། དེ་བཞིན་དུ་དཔེ་བྱད་བཟང་པོ་རེ་རེ་ཡོངས་སུ་འགྲུབ་བོ། །དཔེ་བྱད་བཟང་
D146.057.0120b07.01