完整藏文原文 · 德格版页 当前仅加载第 57 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཕྱག་ཞབས་མཐིལ་ལ་མངའ། །རྒྱལ་པོ་ཆེན་པོ་བཟང་མཛེས་འདི་དག་ནི། །བདེ་བར་གཤེགས་པའི་དཔེ་བྱད་བཟང་པོའི་མཆོག །དཔེ་ལེགས་སྨོས་པ་འདི་དག་ཐམས་ཅད་ནི། །མུ་སྟེགས་ཅན་མི་གཞན་ལ་ཡོང་མ་མཆིས། །རྒྱལ་པོ་ཆེན་པོ་འདི་ནི་རེ་
D146.057.0122b01.01ཞིག་དགེ་སྦྱོང་གཽ་ཏ་མ་དེའི་གཟུགས་ཀྱི་ཆེ་བ་ཉིད་དེ། དེ་ནི་སེམས་ཅན་ཐམས་ཅད་ལ་མ་མཆིས་པས་དེའི་སླད་དུ་དེ་ལ་སྐྱོན་མ་མཆིས་ལགས་སོ། །རྒྱལ་པོ་ཆེན་པོ་དགེ་སྦྱོང་གཽ་ཏ་མ་དེ་ནི་བྱམས་པ་ཆེན་པོའི་སྟོབས་དང་ལྡན་པ་སྟེ། སེམས་ཅན་ཐམས་ཅད་ལ་ཁོང་ཁྲོ་བ་
D146.057.0122b02.01མ་མཆིས་པའི་ཐུགས་དང་ལྡན་པའོ། །དེའི་བྱམས་པ་དེ་ཡང་མ་ཆགས་ལ་སྒྲིབ་པ་མ་མཆིས་ཤིང་རྟག་ཏུ་འབྱུང་བ་སྟེ། ལྷུན་གྱིས་གྲུབ་པར་རྒྱས་པར་འགེང་བ། འཇིག་རྟེན་གྱི་ཁམས་ཐམས་ཅད་དུ་ཁྱབ་པ། སེམས་ཅན་ཐམས་ཅད་ཀྱི་བསམ་པའི་རྗེས་སུ་ཞུགས་པ་སྟེ།
D146.057.0122b03.01རྒྱལ་པོ་ཆེན་པོ་འདི་ལྟ་སྟེ་དཔེར་བགྱི་ན། ནོར་བུ་རིན་པོ་ཆེ་ཆུ་འདང་ནི་རང་བཞིན་གྱིས་དག་ཅིང་ཆབ་ཀྱི་རྙོག་མ་ཐམས་ཅད་དང་བར་བགྱིད་དོ། །རྒྱལ་པོ་ཆེན་པོ་དེ་བཞིན་དུ་དགེ་སྦྱོང་གཽ་ཏ་མ་དེ་ཡང་ནང་ཡོངས་སུ་དག་ཅིང་སེམས་ཅན་ཐམས་ཅད་ཀྱི་ཉོན་མོངས་པའི་རྙོག་པ་དང་བར་
D146.057.0122b04.01མཛད་པ་སྟེ། དེའི་སླད་དུ་དེ་ལ་སྐྱོན་མ་མཆིས་ལགས་སོ། །དེ་ལ་འདི་སྐད་ཅེས་བགྱི་སྟེ། །དུས་རྣམས་ཀུན་དང་ཞིང་ཀུན་དང་། །འཇིག་རྟེན་བྱམས་པས་ཁྱབ་པར་མཛད། །འགྲོ་བ་ཀུན་གྱི་བསམ་པ་ཡང་། །ཁྱབ་མཛད་ཀུན་མཁྱེན་བྱམས་དང་ལྡན། །ཟླ་མེད་
D146.057.0122b05.01ཐུབ་པའི་བྱམས་པ་ཡིས། །མ་ཁྱབ་ཕྱོགས་འགའ་མ་མཆིས་ཏེ། །ཁམས་དང་བསམ་པ་རྣམས་ཀྱང་ཁྱབ། །དེ་བས་ཀུན་མཁྱེན་སྐྱོན་མ་མཆིས། །དཔེར་ན་ནོར་བུ་ཆུ་འདང་བ། །ཤིན་ཏུ་རྣམ་དག་ཆབ་འདང་བགྱིད། །དེ་བཞིན་དྲང་སྲོང་ཐུགས་དག་པ། །སྐྱེ་བོའི་
D146.057.0122b06.01རྙོག་པ་དང་བར་མཛད། །རྒྱལ་པོ་ཆེན་པོ་དགེ་སྦྱོང་གཽ་ཏ་མ་དེ་ནི་རྣམ་པ་སུམ་ཅུ་རྩ་གཉིས་དང་ལྡན་པའི་ཐུགས་རྗེ་ཆེན་པོ་དང་ལྡན་པ་ལགས་ཏེ། རྣམ་པ་སུམ་ཅུ་རྩ་གཉིས་པོ་དེ་དག་གང་ཞེ་ན། འདི་ལྟ་སྟེ། གཏི་མུག་གི་མུན་པར་ཞུགས་པའི་འཇིག་རྟེན་གནས་པ་གཟིགས་
D146.057.0122b07.01