完整藏文原文 · 德格版页 当前仅加载第 57 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མགོ་བོས་ཕྱག་འཚལ་ཏེ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འདུག་གོ། །གཅེར་བུ་པའི་བུ་བདེན་སྨྲ་ཡང་འཁོར་དང་བཅས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། ལན་འབུམ་ཕྲག་དུ་མར་བསྐོར་བ་བྱས་ཏེ། ཐལ་མོ་སྦྱར་ནས་
D146.057.0130a01.01མིག་མི་འཛུམས་པར་བཅོམ་ལྡན་འདས་ལ་བལྟ་ཞིང་འདུག་གོ། །དེ་ནས་ཚེ་དང་ལྡན་པ་ཤཱ་རིའི་བུས་གཅེར་བུ་པའི་བུ་བདེན་སྨྲ་བཅོམ་ལྡན་འདས་ཀྱི་སྤྱན་སྔ་ན་མིག་མི་འཛུམས་པར་བཅོམ་ལྡན་འདས་ལ་བལྟ་ཞིང་འདུག་པ་མཐོང་ངོ་། །མཐོང་ནས་ཀྱང་འདི་སྙམ་དུ་སེམས་ཏེ། ཀྱེ་མ་
D146.057.0130a02.01གཅེར་བུ་པའི་བུ་བདེན་སྨྲ་འདི་ཅི་ཞིག་འདོད་དེ། འདིར་འོངས་སྙམ་ནས། དེ་ལྟར་རྣམ་པར་བརྟགས་ཏེ། གཅེར་བུ་པའི་བུ་བདེན་སྨྲ་ལ་འདི་སྐད་ཅེས་སྨྲས་སོ། །བདེན་སྨྲ་ཁྱོད་ཅི་ཞིག་འདོད་དེ་དེ་བཞིན་གཤེགས་པའི་ཐད་དུ་འོངས། ཅི་བཅོམ་ལྡན་འདས་བལྟ་བར་འདོད་དམ། ཆོས་
D146.057.0130a03.01ཉན་པར་འདོད། དེ་སྐད་ཅེས་སྨྲས་པ་དང་། གཅེར་བུ་པའི་བུ་བདེན་སྨྲས། ཚེ་དང་ལྡན་པ་ཤ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ། །བཙུན་པ་ཤ་ར་དྭ་ཏིའི་བུ་ཁོ་བོ་ནི་བཅོམ་ལྡན་འདས་བལྟ་བར་འདོད་པ་མ་ཡིན། ཆོས་ཉན་པར་འདོད་པ་ཡང་མ་ཡིན་ཏེ། བཙུན་པ་ཤ་ར་དྭ་ཏིའི་
D146.057.0130a04.01བུ་ཁོ་བོ་ནི་ཆོས་ཐམས་ཅད་མི་འདོད་པའི་ཕྱིར་བཅོམ་ལྡན་འདས་ཀྱི་ཐད་དུ་འོངས་སོ། །དེ་ཅིའི་ཕྱིར་ཞེ་ན། བཙུན་པ་ཤ་ར་དྭ་ཏིའི་བུ་གཟུགས་མཐོང་བ་ནི་དེ་བཞིན་གཤེགས་པ་མཐོང་བ་མ་ཡིན། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མཐོང་བ་ནི་དེ་བཞིན་
D146.057.0130a05.01གཤེགས་པ་མཐོང་བ་མ་ཡིན། སའི་ཁམས་མཐོང་བ་ནི་དེ་བཞིན་གཤེགས་པ་མཐོང་བ་མ་ཡིན། ཆུའི་ཁམས་དང་། མེའི་ཁམས་དང་། རླུང་གི་ཁམས་མཐོང་བ་ནི་དེ་བཞིན་གཤེགས་པ་མཐོང་བ་མ་ཡིན། བདག་མཐོང་བ་ནི་དེ་བཞིན་གཤེགས་པ་མཐོང་བ་མ་ཡིན། སེམས་ཅན་
D146.057.0130a06.01དང་། སྲོག་མཐོང་བ་ནི་དེ་བཞིན་གཤེགས་པ་མཐོང་བ་མ་ཡིན། གང་ཟག་མཐོང་བ་ནི་དེ་བཞིན་གཤེགས་པ་མཐོང་བ་མ་ཡིན། ངར་འཛིན་པ་མཐོང་བ་ནི་དེ་བཞིན་གཤེགས་པ་མཐོང་བ་མ་ཡིན། ང་ཡིར་འཛིན་པ་མཐོང་བ་ནི་དེ་བཞིན་གཤེགས་པ་མཐོང་བ་མ་ཡིན། མཚན་མ་མཐོང་བ་ནི་དེ་
D146.057.0130a07.01