完整藏文原文 · 德格版页 当前仅加载第 57 函德格 133b 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་མཁའི་ཁམས་དང་། སེམས་ཅན་གྱི་ཁམས་ཀྱི་མཐའ་ནི་རྟོགས་པར་ནུས་སྲིད་ཀྱི། རིགས་ཀྱི་བུ་བདེན་སྨྲ་འདིས་དེ་བཞིན་གཤེགས་པ་ཇི་སྙེད་ཅིག་གཟུགས་སྣ་ཚོགས་ཀྱིས་མཉེས་པར་བྱས་པའི་སངས་རྒྱས་བྱུང་བ་དེ་དག་གི་མཐའ་ནི་རྟོགས་པར་མི་ནུས་སོ། །དེ་ནས་གནས་བརྟན་
D146.057.0133b01.01འོད་སྲུང་ཆེན་པོས་རིགས་ཀྱི་བུ་བདེན་སྨྲ་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ཀྱིས་དེ་བཞིན་གཤེགས་པ་མང་པོ་མཉེས་པར་བྱས་ན་དེ་ལྟར་བསམ་པ་ཡོངས་སུ་རྫོགས་པ་ཅིའི་ཕྱིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་མི་རྒྱ། བདེན་སྨྲས་
D146.057.0133b02.01སྨྲས་པ། བཙུན་པ་འོད་སྲུང་གལ་ཏེ་ཁོ་བོའི་བྱང་ཆུབ་བམ། མངོན་པར་རྫོགས་པར་འཚང་རྒྱ་བར་བྱེད་པ་ཞིག་དམིགས་ན་ནི་ཁོ་བོ་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །སྨྲས་པ། བདེན་སྨྲ་བྱང་ཆུབ་སེམས་དཔའ་གང་གཱའི་ཀླུང་གི་བྱེ་
D146.057.0133b03.01མ་སྙེད་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་བཏབ་ཅིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་སམ། མངོན་པར་རྫོགས་པར་འཚང་མི་རྒྱ་འམ། མངོན་པར་རྫོགས་པར་འཚང་རྒྱ་བར་མི་འགྱུར་རམ། སྨྲས་པ། བཙུན་
D146.057.0133b04.01པ་འོད་སྲུང་དེ་ནི་སེམས་ཅན་མངོན་པའི་ང་རྒྱལ་ཅན་རྣམས་ལ་གྲངས་སུ་བྱས་པ་ཡིན་ཏེ། འདི་ལ་དོན་དམ་པར་ན་བྱང་ཆུབ་དམིགས་སུ་མེད་དོ། །བྱང་ཆུབ་སེམས་དཔའ་ཡང་དམིགས་སུ་མེད་དོ། །དེ་ཅིའི་ཕྱིར་ཞེ་ན། བཙུན་པ་འོད་སྲུང་འདི་ལྟར་བྱང་ཆུབ་ནི་འདུས་མ་བྱས་པ་སྟེ།
D146.057.0133b05.01གྲངས་ཐམས་ཅད་དང་བྲལ་བ། གཟུགས་མེད་པ། བསྟན་དུ་མེད་པ་སྟེ། སྔོན་པོ་མ་ཡིན། སེར་པོ་མ་ཡིན། དཀར་པོ་མ་ཡིན། བཙོད་ཀ་མ་ཡིན། ཤེལ་གྱི་མདོག་མ་ཡིན། ཁ་དོག་མེད་པ། དབྱིབས་མེད་པ། རྟགས་མེད་པ། མཚན་མ་མེད་པ་མཚན་མ་ཐམས་ཅད་
D146.057.0133b06.01ལས་ཡང་དག་པར་འདས་པ། གནས་མེད་པ། གནས་ཐམས་ཅད་ཡང་དག་པར་བཅོམ་པ། དངོས་པོ་མེད་པ། དངོས་པོ་ཐམས་ཅད་དང་བྲལ་བ། མཚན་ཉིད་མེད་པ། མཚན་ཉིད་ཐམས་ཅད་དང་བྲལ་བ། བརྗོད་དུ་མེད་པ། ཚིག་གི་ལམ་ཐམས་ཅད་ཀྱིས་
D146.057.0133b07.01