完整藏文原文 · 德格版页 当前仅加载第 57 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
དག་གིས་དེ་བསྐོར་འགྱུར། །ཤིང་མཆོག་དེ་དྲུང་ཀྱེ་མ་ཆོས་ཀྱི་རྒྱལ། །རང་བྱུང་ཟླ་མེད་བདེན་ཞེས་བྱ་བཞུགས་ནས། །བླ་ན་མེད་པའི་བྱང་ཆུབ་རབ་ཞི་བ། །མྱ་ངན་མེད་པ་མངོན་པར་འཚང་རྒྱར་འགྱུར། །དེ་ན་བདུད་མེད་བདུད་ཀྱི་ཕྱོགས་ཀྱང་མེད། །བདུད་ཀྱི་ལས་ཀྱང་དེར་
D146.057.0138b01.01འབྱུང་མི་འགྱུར་རོ། །རྒྱལ་བ་ཐུབ་པ་གང་ཟག་ཟླ་མེད་པའི། །སངས་རྒྱས་ཞིང་ནི་གནོད་བདོ་མེད་པར་འགྱུར། །མི་དང་ལྷ་ཚོགས་མང་པོ་འདུ་འགྱུར་ཏེ། །རྣམ་དག་ཤིན་ཏུ་སྦྱངས་པ་དེ་ཚེ་འབྱུང་། །དེ་ཀུན་མེ་ཏོག་ཕྲེང་བ་གོས་དང་གླུ། །རོལ་མོ་སྒྲ་ཡིས་བདེ་གཤེགས་
D146.057.0138b02.01དྲུང་འདོང་འགྱུར། །རྒྱལ་བས་དེ་དག་བསམ་མཁྱེན་མདོ་སྡེ་འདི། །མདོ་གཞན་ལྷན་ཅིག་དྲང་སྲོང་གསུང་བར་འགྱུར། །རྒྱལ་བ་དེས་ནི་རབ་ཏུ་གསུངས་པ་ཡི། །མདོ་སྡེ་ཁྱད་པར་འཕགས་པ་འདི་ཐོས་ནས། །སེམས་ཅན་དཔག་ཡས་གང་གཱའི་བྱེ་མ་སྙེད། །ཐུབ་དབང་
D146.057.0138b03.01བྱང་ཆུབ་མཆོག་ཏུ་མི་ལྡོག་འགྱུར། །ཐེག་པ་དམན་པ་དེར་འབྱུང་མི་འགྱུར་ཏེ། །རང་རྒྱལ་ཐེག་པའང་ཞིང་དེར་འབྱུང་མི་འགྱུར། །རྒྱལ་བ་དེ་ཡི་སངས་རྒྱས་ཞིང་མཆོག་དེར། །བྱང་ཆུབ་སེམས་དཔའ་འབྱུང་ཀུན་དཔའ་ཞིང་མཛངས། །རྐང་གཉིས་མཆོག་དེའི་འདུས་པ་
D146.057.0138b04.01དང་པོར་ནི། །རྒྱལ་སྲས་གྲགས་པའི་འོད་ལྡན་གང་འབྱུང་བ། །རྫོགས་པའི་བྱང་ཆུབ་སེམས་དཔའ་ཕྱིར་མི་ལྡོག །རྣམ་དག་གང་གཱའི་རྡུལ་བས་མང་བ་འབྱུང་། །བློ་བཟང་ལྡན་པའི་འདུས་པ་གཉིས་པ་ནི། །སྐྱེ་བ་གཅིག་གནས་ཁྲག་ཁྲིག་བརྒྱད་ཅུ་འབྱུང་། །འདུས་པ་གསུམ་
D146.057.0138b05.01པ་བྱང་ཆུབ་སེམས་དཔའ་མཆོག །དཀྲིགས་ཕྲག་དྲུག་ཅུ་དག་ནི་འབྱུང་བར་འགྱུར། །བདེ་བར་གཤེགས་དེའི་ཚེ་ཡི་ཚད་འགྱུར་བ། །བསྐལ་པ་བར་མ་དྲུག་ཅུ་ཚང་བ་སྟེ། །རྒྱལ་བ་དེ་ནི་མྱ་ངན་འདས་གྱུར་ནས། །མི་ཡི་འདྲེན་པའི་ཆོས་ཀྱི་སྒྲོན་མ་ཡང་། །ལོ་གྲངས་བྱེ་བ་ཁྲག་ཁྲིག་
D146.057.0138b06.01སྟོང་ཕྲག་ནི། །བརྒྱད་ཅུ་ཐམ་པར་གནས་པར་འགྱུར་བ་ཡིན། །རང་གི་སྐུ་གདུང་རིང་བསྲེལ་རྒྱས་མཛད་ཅིང་། །དེ་ནི་གདུལ་བ་རབ་མང་འདུལ་བར་འགྱུར། །དྲང་སྲོང་ཆེ་དེ་བྱང་ཆུབ་སེམས་དཔའ་ནི། །ཏོག་ཆེན་ལུང་བསྟན་མཛད་ནས་མྱ་ངན་འདའ། །འདི་ནི་བཀོད་ཆེན་ཞེས་བྱའི་ཐུབ་དབང་
D146.057.0138b07.01