完整藏文原文 · 德格版页 当前仅加载第 57 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ལ་བཟོད་པ་ཐོབ་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡང་རྣམ་པ་དྲུག་ཏུ་རབ་ཏུ་གཡོས་པར་གྱུར་ཏོ། །སྟེང་གི་བར་སྣང་ལས་ཀྱང་ལྷའི་མེ་ཏོག་ཨུད་པ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོའི་ཆར་མངོན་པར་བབ་བོ། །
D146.057.0097b01.01ལྷའི་ཙན་དན་གྱི་ཕྱེ་མའི་ཆར་དག་ཀྱང་དེ་བཞིན་གཤེགས་པའི་ཞབས་ཀྱི་དྲུང་དུ་བབ་པར་གྱུར་ཏོ། །ལྷའི་བུ་འབུམ་དག་ཀྱང་སྟེང་གི་བར་སྣང་ལ་འདུག་ནས་ཅ་ཅོ་དང་ག་ཞའི་སྒྲ་བརྒྱ་སྟོང་དུ་མ་བྱུང་བར་གྱུར་ཏེ། ལྷའི་གོས་དག་ཀྱང་གཡབ་མོའི་ཐབས་སུ་གཡོབ་བོ། །ལྷའི་རྔ་དག་
D146.057.0097b02.01ཀྱང་བརྡུངས་པར་གྱུར་ཏོ། །ཆེད་དུ་བརྗོད་པ་འདི་སྐད་ཀྱང་ཆེད་དུ་བརྗོད་དེ། ཀྱེ་མ་སྔོན་མ་ཐོས་པའི་ཆོས་ཀྱི་རྣམ་གྲངས་འཇིག་རྟེན་དུ་བྱུང་ངོ་། །བཅོམ་ལྡན་འདས་ཆོས་ཀྱི་རྣམ་གྲངས་འདི་ཡུན་རིང་པོར་འཛམ་བུའི་གླིང་ན་གནས་པར་གྱུར་ཅིག་ཅེས་བརྗོད་དོ། །དགེ་སློང་མ་བརྒྱད་
D146.057.0097b03.01བརྒྱས་ཀྱང་རང་རང་གི་བླ་གོས་དེ་བཞིན་གཤེགས་པའི་སྐུ་ལ་གསོལ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེའི་ཚེ་དོན་འདི་ཉིད་རྒྱ་ཆེར་བསྟན་པའི་ཕྱིར་ཚིགས་སུ་བཅད་པ་འདི་དག་བཀའ་སྩལ་ཏོ། །ང་ཡི་ཐབས་ཡུལ་བསམ་གྱིས་མི་ཁྱབ་འདི། །འཇམ་དཔལ་ཁྱོད་
D146.057.0097b04.01ཀྱིས་དེ་ལྟར་ཤེས་པར་གྱིས། །བཅུད་ཀྱི་དུས་ལ་བྱང་ཆུབ་སངས་རྒྱས་ཀྱང་། །འདི་འདྲའི་དུས་ནི་ང་ནི་སྟོན་པ་མཛད། །ང་ལ་དུས་ཀྱི་ཉེས་པ་མི་མངའ་སྟེ། །ཆོས་ཀྱི་དུས་ནི་རྟག་ཏུ་ཉེ་བར་གནས། །ང་ལས་སེམས་ཅན་ཆོས་ཐོས་འཇུག་པར་བྱེད། །སེམས་ཅན་སྐྱོན་ནི་ནམ་
D146.057.0097b05.01ཡང་ཡོད་མ་ཡིན། །ཡོན་ཏན་རྫས་ཀྱི་ཁྱད་ཀྱིས་བསྐལ་པའི་བཅུད། །དྲི་མེད་ཡོངས་སུ་དག་པ་ཞིང་གི་བཅུད། །དུས་ཀྱི་བཅུད་ལ་བྱང་ཆུབ་ངས་བརྙེས་ཏེ། །དེ་བས་ང་ལ་རྙོག་པ་ཡོང་མེད་དོ། །ངས་ནི་བསྐལ་པ་བྱེ་བ་ཇི་སྙེད་ཀྱིས། །སངས་རྒྱས་ཡེ་ཤེས་མཚུངས་མེད་བསྒྲུབ་
D146.057.0097b06.01བྱས་པ། །བྱང་ཆུབ་བརྙེས་ནས་དེ་སྲིད་ང་ཡི་ཚེ། །བར་མ་དོར་ནི་མྱ་ངན་འདའ་བ་མེད། །འོན་ཀྱང་མྱ་ངན་འདའ་བ་ངས་བསྟན་ཏེ། །རྟག་པའི་འདུ་ཤེས་ཅན་རྣམས་མི་རྟག་བསྟན། །ལྷག་མ་ལུས་པ་ལྟར་ཡང་ངས་བསྟན་ཏེ། །ང་ཡི་ཚེ་ནི་ཕྱི་མའི་མཐར་བརྟགས་སོ། །
D146.057.0097b07.01