完整藏文原文 · 德格版页 当前仅加载第 57 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོད་པར་འགྱུར་རོ། །འཇམ་དཔལ་དེ་བཞིན་དུ་ཡེ་ཤེས་སྣང་བ་གཅིག་པོ་དེ་ཡང་རིམ་གྱིས་རྣམ་པར་འཕེལ་ན། ཉོན་མོངས་པ་ཐམས་ཅད་སྲེག་པའི་ཕྱིར་དེ་བཞིན་གཤེགས་པའི་ཡེ་ཤེས་ཀྱི་སྣང་བ་ཆེན་པོའི་བར་དུ་སྦྱིན་པར་བྱེད་དོ། །འཇམ་དཔལ་འདི་ལྟ་སྟེ། དཔེར་ན་རིའི་རྒྱལ་
D146.057.0095b01.01པོ་རི་རབ་ནི་རྣམ་པར་རྟོག་པ་མེད་དེ། དེའི་དྲུང་དུ་སེམས་ཅན་གང་དག་ཁ་ཅིག་ཕྱིན་པ་དེ་དག་ཐམས་ཅད་འདི་ལྟ་སྟེ། གསེར་གྱི་མདོག་ཏུ་ཁ་དོག་གཅིག་པར་འགྱུར་རོ། །འཇམ་དཔལ་དེ་བཞིན་དུ་དེ་བཞིན་གཤེགས་པའི་ཡེ་ཤེས་ཀྱི་རི་རབ་ཆེན་པོ་བླ་ན་མེད་པ་ཡང་རྣམ་པར་
D146.057.0095b02.01མི་རྟོག་སྟེ། དེར་སེམས་ཅན་གང་དག་ཁ་ཅིག་དེ་བཞིན་གཤེགས་པའི་ཆོས་ཉིད་ལ་རྣམ་པར་ལྟ་བ་དེ་དག་ཐམས་ཅད་འདི་ལྟ་སྟེ། ཐམས་ཅད་མཁྱེན་པ་ཉིད་ཀྱི་མདོག་ཏུ་ཁ་དོག་གཅིག་པར་འགྱུར་རོ། འཇམ་དཔལ་འདི་ལྟ་སྟེ། དཔེར་ན་ནོར་བུ་རིན་པོ་ཆེ་ཆེན་པོ་ཨན་
D146.057.0095b03.01ད་རྙིལ་ནི་ཕྱོགས་གང་ན་འདུག་པ་དེར་རིན་པོ་ཆེ་ཆེན་པོ་དེའི་ཡུལ་དུ་ཇི་ཙམ་དུ་གྱུར་པ་ཚུན་ཆད་ན་ཁ་དོག་ཐ་དད་པ་གཟུགས་ཁ་དོག་སྣ་ཚོགས་སྣང་བ་གང་དག་ཇི་སྙེད་ཅིག་ཡོད་པ་དེ་དག་ནོར་བུ་རིན་པོ་ཆེ་དེའི་གཟི་བརྗིད་ཀྱིས་འདི་ལྟ་སྟེ། སྔོ་བའི་མདོག་ཏུ་ཁ་དོག་གཅིག་
D146.057.0095b04.01པར་འགྱུར་རོ། །འཇམ་དཔལ་དེ་བཞིན་དུ་དེ་བཞིན་གཤེགས་པ་བླ་ན་མེད་པའི་ནོར་བུ་རིན་པོ་ཆེ་ཨན་ད་རྙིལ་ཆེན་པོའི་ཆོས་སྣང་བ་དང་འོད་ཀྱིས་སེམས་ཅན་གང་ལ་བབ་པ་དེ་ཐམས་ཅད་འདི་ལྟ་སྟེ། ཐམས་ཅད་མཁྱེན་པ་ཉིད་ཀྱི་མདོག་ཏུ་ཁ་དོག་གཅིག་པར་འགྱུར་རོ། །
D146.057.0095b05.01འཇམ་དཔལ་འདི་ལྟ་སྟེ། དཔེར་ན་རྒྱ་མཚོ་ཆེན་པོར་ནི་སྒོ་ཐ་དད་པ་ནས་ཆུ་མང་པོ་འབབ་སྟེ། དེར་བབས་ནས་ཐམས་ཅད་ཀྱང་འདི་ལྟ་སྟེ། ལན་ཚྭའི་རོར་རོ་གཅིག་པར་རྟག་ཏུ་གནས་པར་འགྱུར་རོ། །འཇམ་དཔལ་དེ་ལ་རྒྱ་མཚོ་ཆེན་པོ་ཞེས་བྱ་བ་དེ་ནི་དེ་བཞིན་
D146.057.0095b06.01གཤེགས་པའི་ཚིག་{བླ་དགས་,བླ་དྭགས་}སོ། །སྒོ་ཐ་དད་པ་ནས་ཆུ་མང་པོ་འབབ་ཅེས་བྱ་བ་དེ་ནི་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་རྣམས་ཀྱི་ཚིག་{བླ་དགས་,བླ་དྭགས་}སོ། །དེར་བབས་ནས་དེ་ཐམས་ཅད་རོ་གཅིག་ཏུ་འགྱུར་ཞེས་བྱ་བ་དེ་ནི་རྣམ་པར་མི་རྟོག་
D146.057.0095b07.01