完整藏文原文 · 德格版页 当前仅加载第 57 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་ན། །ཚངས་པའི་སྒྲ་དབྱངས་གསུང་སྒྲོག་མཁྱེན་པར་མཛོད། །དེ་ནི་ལྷ་མི་སྡུག་བསྔལ་མཐར་འབྱིན་པའི། །ཆོས་ཀྱི་འཁོར་ལོ་རབ་ཏུ་བསྐོར་བར་མཛད། །དེ་ནས་རྒྱལ་པོ་གཏུམ་པོ་རབ་སྣང་གིས་གཅེར་བུ་པའི་བུ་བདེན་སྨྲ་ལ་ཚིགས་སུ་བཅད་དེ་དྲིས་པ། གང་
D146.057.0121b01.01རྣམས་ཁྱོད་ཀྱིས་སྔར་བཤད་དེ། །དཔེ་བྱད་བཟང་པོ་ཡོད་སྨྲས་པ། །ཐུབ་པའི་དཔེ་བྱད་བཟང་པོ་གང་། །བྲམ་ཟེ་ཆེན་པོས་བརྗོད་པར་གྱིས། །དེ་སྐད་ཅེས་སྨྲས་པ་དང་། གཅེར་བུ་པའི་བུ་བདེན་སྨྲས། རྒྱལ་པོ་གཏུམ་པོ་རབ་སྣང་ལ་ཚིགས་སུ་བཅད་དེ་སླར་སྨྲས་པ།
D146.057.0121b02.01གང་དག་གིས་ན་ཐུབ་པ་དེ་ཡི་སྐུ། །དཔེ་བྱད་བཟང་པོ་བརྒྱད་ཅུ་ལྡན་བརྗོད་པ། །བདེ་གཤེགས་དཔེ་བྱད་བཟང་པོ་བརྒྱད་ཅུ་རྣམས། །བཤད་པར་འཚལ་གྱིས་རྒྱལ་པོ་གསན་དུ་གསོལ། །སེན་མོ་མཐོ་ཞིང་སེན་མོ་ཟངས་མདོག་འདྲ། །སེན་མོ་སྣུམ་ཞིང་ཕྱག་གི་སོར་
D146.057.0121b03.01མོ་མཉམ། །སོར་མོ་ཟླུམ་ཞིང་སོར་མོ་རྒྱས་པ་སྟེ། །སོར་མོ་རྣམས་ནི་བྱིན་གྱིས་ཕྲ་བ་ལགས། །རྩ་རྣམས་མི་མངོན་སྒྲོས་ནི་བིམ་པ་འདྲ། །ཞབས་གཉིས་མཉམ་ཞིང་ལོང་བུ་མི་མངོན་ལགས། །ཕྱག་གི་རི་མོ་བྱིན་གྱིས་ཕྲ་བ་སྟེ། །རི་མོ་རྣམས་ནི་ཟབ་ཅིང་ཤིན་ཏུ་
D146.057.0121b04.01གསལ། །ལྗགས་ནི་ཟངས་མདོག་ཤིན་ཏུ་མཉེན་ཞིང་འཇམ། །ཚིགས་རྣམས་མི་མངོན་ཕྱག་ནི་ཤིན་ཏུ་རིང་། །གླང་པོས་སྒྲ་བསྒྲགས་ལྟ་བུའི་གསུང་དང་ལྡན། །འབྲུག་སྒྲ་འདྲ་བར་སྙན་པའི་འཇམ་དབྱངས་ཅན། །སྐུ་ནི་སྙོམས་ཤིང་གསལ་ལ་ཤིན་ཏུ་མཁྲེགས། །ཤིན་
D146.057.0121b05.01ཏུ་ལེགས་སྐུ་ཕྱག་གི་རི་མོ་སྣུམ། །སྐུ་ཡི་དངོས་པོ་ཤིན་ཏུ་གཙང་དང་ལྡན། །རྒྱལ་བའི་ཟླ་བ་སྐུ་ཡིས་ཤིན་ཏུ་བཙུན། །སྐུ་ནི་ཤིན་ཏུ་མཉམ་པར་བཞག་པ་སྟེ། །ཡན་ལག་རབ་འབྱེས་ནག་ནོག་མ་མཆིས་སྐུ། །སྐུ་ཡི་རོ་སྟོད་རྒྱས་ཡངས་ཤིན་ཏུ་མཁྲེགས། །དཔེ་བྱད་
D146.057.0121b06.01བཟང་པོ་རྣམས་ནི་ཡོངས་སུ་རྫོགས། །སྐུ་ནི་རིམ་གྱིས་རྒྱས་ཤིང་ཤིན་ཏུ་མཛེས། །སྤྱོད་པ་གཙང་ལྡན་ཤིན་ཏུ་འཇམ་པའི་སྐུ། །ལྟེ་བའི་ཁུང་བུ་ནག་ནོག་མ་མཆིས་ལ། །ཡོངས་སུ་རྫོགས་ཤིང་ཤིན་ཏུ་ཟབ་དང་ལྡན། །འོད་ནི་ནག་ནོག་མ་མཆིས་ཡོངས་སུ་དག །སྐུ་ནི་
D146.057.0121b07.01