完整藏文原文 · 德格版页 当前仅加载第 57 函德格 114b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་འགྲིབ་པར་བགྱིད་པའི་ཆོས་ཏེ། ཡེ་ཤེས་དང་སྤོང་བའི་བར་ཆད་དུ་ཡང་འགྱུར་བའི་སླད་དུའོ། །དེ་ལ་འདི་སྐད་ཅེས་བྱ་སྟེ། གང་ཞིག་རྨུགས་ཡུར་གཉིད་ཆེ་བ། །སྐྱེ་བོ་དེ་ནི་ལེ་ལོས་ནོན། །མ་ཐོབ་པ་དག་དེས་མི་འཐོབ། །ཐོབ་པར་གྱུར་པའང་འགྲིབ་པར་
D146.057.0114b01.01འགྱུར། །དེ་ལྟར་ཁྱད་པར་ཐོབ་འཚལ་བས། །སྙོམ་ལས་དང་ནི་ལེ་ལོ་དང་། །རྨུགས་པ་དང་ནི་ཡུར་དང་གཉིད། །བག་མེད་ལྷན་ཅིག་སྤང་བར་བགྱི། །སྨྲས་པ། བྲམ་ཟེ་སེམས་ཅན་གྱི་རིས་ཀྱི་འཇིག་རྟེན་འདི་ན་སེམས་ཅན་གང་ལ་ལ་མཛངས་ཤིང་མཁས་ལ་
D146.057.0114b02.01བརྟགས་ཤིང་ཡིད་གཞུངས་པར་གྱུར་པ་ཡིན་ལ། དེ་ཡང་སྐྱོན་དང་བཅས་པར་གྱུར་པ་གཞན་ཡང་ཡོད་དམ། སྨྲས་པ། རྒྱལ་པོ་ཆེན་པོ་མཆིས་སོ། །སྨྲས་པ། བྲམ་ཟེ་དེ་གང་། སྨྲས་པ། རྒྱལ་པོ་ཆེན་པོ་རྒྱལ་བུ་གཞོན་ནུ་ནག་པོ་འདི་ནི་མཛངས་ཤིང་མཁས་ལ་
D146.057.0114b03.01བརྟགས་ཤིང་ཡིད་གཞུངས་པ་སྟེ། མོས་པ་ཆེན་པོ་དང་ལྡན་པ་ལགས་ན། དེ་ཡང་སྐྱོན་དང་བཅས་པ་ལགས་སོ། །སྨྲས་པ། བྲམ་ཟེ་རྒྱལ་བུ་གཞོན་ནུ་ནག་པོའི་སྐྱོན་ནི་གང་། སྨྲས་པ། རྒྱལ་པོ་ཆེན་པོ་རྒྱལ་བུ་གཞོན་ནུ་ནག་པོའི་སྐྱོན་ནི་ཤིན་ཏུ་སེར་སྣ་ཅན་ལགས་ཏེ། རྒྱལ་
D146.057.0114b04.01པོ་ཆེན་པོ་མཁས་པས་ནི་སེར་སྣ་ཅན་དུ་མི་བགྱིའོ། །དེ་ཅིའི་སླད་དུ་ཞེ་ན། རྒྱལ་པོ་ཆེན་པོ་ལོངས་སྤྱོད་ཕུན་སུམ་ཚོགས་པ་ཐོབ་ལ་སེར་སྣ་ལ་གནས་པ་ནི་དེས་ལོངས་སྤྱོད་རྣམས་ལས་སྙིང་པོ་མ་བླངས་ཏེ། དེ་ལག་པ་སྟོང་པར་འགུམ་པའི་དུས་བགྱིས་ནས་གཤིན་རྗེའི་ཡུལ་དུ་
D146.057.0114b05.01མཆིས་ཏེ། དེར་བཀྲེས་པ་དང་སྐོམ་པ་ལ་སོགས་པའི་སྡུག་བསྔལ་མྱོང་བའི་སླད་དུའོ། །དེ་ལ་འདི་སྐད་ཅེས་བགྱི་སྟེ། གང་ཞིག་ལོངས་སྤྱོད་ཕུན་ལྡན་ལ། །སེར་སྣས་ཟིལ་ནོན་མི་དེ་ནི། །ལག་སྟོང་གཤིན་རྗེའི་ཡུལ་དུ་མཆི། །བཀྲེས་པས་ཉེན་པ་མྱོང་བར་འགྱུར། །
D146.057.0114b06.01དེར་ནི་བཀྲེས་སྐོམ་གདུངས་པ་དང་། །མྱ་ངན་གྲང་སོགས་སྡུག་བསྔལ་མྱོང་། །དེ་བས་མཁས་པས་རང་གི་བློས། །འཇུངས་པའི་དྲི་མས་གོས་མི་བགྱི། །སྨྲས་པ། བྲམ་ཟེ་སེམས་ཅན་གྱི་རིས་ཀྱི་འཇིག་རྟེན་འདི་ན་སེམས་ཅན་གང་ལ་ལ་མཛངས་ཤིང་མཁས་ལ་བརྟགས་ཤིང་
D146.057.0114b07.01