完整藏文原文 · 德格版页 当前仅加载第 57 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པ་སེམས་རྣམ་པར་གྲོལ་བ་དང་། ཤེས་རབ་རྣམ་པར་གྲོལ་བ་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏེ། འདི་ནི་དགེ་སྦྱོང་གཽ་ཏ་མའི་དེ་བཞིན་གཤེགས་པའི་སྟོབས་བཅུ་པའོ། །རྒྱལ་པོ་ཆེན་པོ་དེ་དག་ནི་དེ་བཞིན་གཤེགས་པའི་སྟོབས་བཅུ་པོ་དེ་དག་སྟེ།
D146.057.0126a01.01སྟོབས་དེ་དག་དང་ལྡན་པས་དེ་བཞིན་གཤེགས་པ་དེ་སྟོབས་བཅུ་མངའ་ཞེས་བགྱི་སྟེ། དེའི་སླད་དུ་དེ་ལ་སྐྱོན་མ་མཆིས་ལགས་སོ། །དེ་ལ་འདི་སྐད་ཅེས་བགྱི་སྟེ། གནས་དང་དེ་བཞིན་གནས་མ་ལགས། །ཡང་དག་ཇི་བཞིན་དེ་མཁྱེན་ཏེ། །དཔའ་བོ་ཆེན་པོ་ཡང་དག་
D146.057.0126a02.01གསུང་། །དེ་ལ་སྐྱོན་ནི་མ་མཆིས་སོ། །དེ་ནི་འདས་པའི་དུས་ལ་ཡང་། །མ་ཆགས་པ་ཡི་ཡེ་ཤེས་འཇུག །ད་ལྟར་བྱུང་དང་མ་འོངས་ལ། །དེ་ཡི་ཡེ་ཤེས་རྨོངས་མ་མཆིས། །ལས་དང་ལས་ཀྱི་རྣམ་སྨིན་དང་། །རྒྱུ་ཡི་ཤེས་པ་གང་ལགས་པ། །དེ་དག་ཐམས་ཅད་
D146.057.0126a03.01མ་ལུས་པར། །འཇིག་རྟེན་རྣམ་པར་འདྲེན་པས་མཁྱེན། །དུ་མའི་ཁམས་ཅན་འཇིག་རྟེན་དང་། །སྣ་ཚོགས་ཁམས་ཅན་དེས་མཁྱེན་ཏོ། །ཁམས་མཁྱེན་ཚུལ་ལ་མཁས་པ་སྟེ། །འཇིག་རྟེན་གང་ཟག་ཟླ་མ་མཆིས། །མོས་པ་སྣ་ཚོགས་ལྡན་པ་དང་། །དེ་བཞིན་
D146.057.0126a04.01མོས་པ་དུ་མ་ཅན། །འཇིག་རྟེན་སྒྲོན་མ་དེས་མཁྱེན་ཏེ། །ཡང་དག་ཇི་བཞིན་གཞན་དུ་མིན། །དབང་པོ་རྟུལ་བའང་རབ་ཏུ་མཁྱེན། །དེ་བཞིན་དབང་པོ་འབྲིང་ཡང་མཁྱེན། །ཡོངས་སྨིན་དབང་པོ་དེས་མཁྱེན་ཏེ། །དབང་པོ་ཚོགས་ལ་དབང་ཕྱུག་གོ། །ཐམས་ཅད་དུ་ནི་འགྲོ་
D146.057.0126a05.01བའི་ལམ། །ཡང་དག་ཇི་བཞིན་དེས་མཁྱེན་ཏེ། །མངོན་ཤེས་དབང་པོ་བསམ་གཏན་སྟོབས། །བྱང་ཆུབ་ཡན་ལག་རྣམ་ཐར་མཁྱེན། །ཀུན་ནས་ཉོན་མོངས་རྣམ་བྱང་དག །རྣམ་པར་དགོད་པའང་དེས་མཁྱེན་ཏོ། །ཐོགས་མེད་ཡེ་ཤེས་གཟིགས་མངའ་བས། །
D146.057.0126a06.01དེ་ལ་ཐོགས་པ་ཡོང་མ་མཆིས། །སྔོན་ཚེ་དཔག་ཏུ་མེད་པ་དག །རྣམ་པ་དུ་མར་དེས་གཟིགས་ཏེ། །བདག་དང་གཞན་གྱི་མ་ལུས་པར། །ཡང་དག་ཇི་བཞིན་གཞན་དུ་མིན། །དེའི་སྤྱན་དྲི་མ་མ་མཆིས་ཤིང་། །མིའི་ལས་ཤིན་ཏུ་འདས་པ་སྟེ། །སེམས་ཅན་
D146.057.0126a07.01