完整藏文原文 · 德格版页 当前仅加载第 57 函德格 113b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་དང་། །སྡིག་པ་སྤྱོད་པ་ཅན་རྣམས་ཀྱིས། །བསོད་ནམས་ལེགས་པར་བགྱིས་པ་ལ། །བར་ཆད་བགྱི་བར་ཡོང་མི་ནུས། །བདེ་འགྲོ་དང་ནི་ནོར་རྙེད་དང་། །ཡང་སྲིད་མ་མཆིས་གསུམ་པ་སྟེ། །གསུམ་པོ་དེ་དག་དོན་གཉེར་ཞིང་། །དེ་སླད་སྦྱིན་
D146.057.0113b01.01པ་སྩལ་བར་བགྱི། །བདེན་སྨྲ་འགྲོན་དུ་བོས་པའི་ལེའུ་སྟེ་བདུན་པའོ།། །།དེ་ནས་རྒྱལ་པོ་གཏུམ་པོ་རབ་སྣང་གིས་འདི་སྙམ་བསམས་ཏེ་འདི་ལྟར་གཅེར་བུ་པའི་བུ་བདེན་སྨྲའི་ཆོས་བསྟན་པ་དེ་ཀུན་ཀྱང་དེ་བཞིན་གཤེགས་པའི་བཀའ་དང་འཐུན་པ་ཤ་སྟག་ན་
D146.057.0113b02.01བདག་གིས་གཅེར་བུ་པའི་བུ་བདེན་སྨྲ་འདི་དེ་བཞིན་གཤེགས་པ་ལ་དད་པ་ཡོད་དམ་མེད་བརྟག་པར་བྱའོ་སྙམ་མོ། །དེ་ནས་རྒྱལ་པོ་གཏུམ་པོ་རབ་སྣང་གིས་དེ་སྙམ་བསམས་ཏེ་སྟན་ཤིན་ཏུ་དམའ་བ་ཞིག་བཏིང་ནས་གཅེར་བུ་པའི་བུ་བདེན་སྨྲའི་མདུན་དུ་འདུག་སྟེ། འདི་སྐད་
D146.057.0113b03.01ཅེས་སྨྲས་སོ། །བྲམ་ཟེ་གལ་ཏེ་དྲིས་ནས་དྲིས་པ་ལན་གདབ་པའི་ཕྱིར་སྐབས་ཕྱེ་ན་ངས་དྲི་བ་གཅིག་ཅིག་ཁྱོད་ལ་དྲིའོ། །དེ་སྐད་ཅེས་སྨྲས་པ་དང་། གཅེར་བུ་པའི་བུ་བདེན་སྨྲས་རྒྱལ་པོ་གཏུམ་པོ་རབ་སྣང་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་ཅི་
D146.057.0113b04.01དང་ཅི་བཞེད་པ་དེང་སྨྲར་གསོལ། སྨྲས་པ་དེ་དང་དེའི་ལན་གསོལ་བས་བདག་གིས་ཁྱོད་ཀྱི་ཐུགས་རངས་པར་བགྱིའོ། །སྐབས་ཕྱེ་བས་དེ་ནས་རྒྱལ་པོ་གཏུམ་པོ་རབ་སྣང་གིས་གཅེར་བུ་པའི་བུ་བདེན་སྨྲ་ལ་འདི་སྐད་ཅེས་སྨྲས་སོ། །ཀྱེ་བྲམ་ཟེ་སེམས་ཅན་གྱི་རིས་ཀྱི་
D146.057.0113b05.01འཇིག་རྟེན་འདི་ན་སེམས་ཅན་གང་ལ་ལ་མཛངས་ཤིང་མཁས་ལ་བརྟགས་ཤིང་ཡིད་གཞུངས་པར་གྱུར་པ་ཡིན་ལ། དེ་ཡང་སྐྱོན་དང་བཅས་པར་གྱུར་པ་དེ་ལྟ་བུ་ཡོད་དམ། སྨྲས་པ། རྒྱལ་པོ་ཆེན་པོ་མཆིས་སོ། །སྨྲས་པ། བྲམ་ཟེ་དེ་གང་། སྨྲས་པ། རྒྱལ་པོ་ཆེན་
D146.057.0113b06.01པོ་བྲམ་ཟེ་དབྱར་བྱེད་འདི་ནི་མཛངས་ཤིང་མཁས་ལ་བརྟགས་ཤིང་ཡིད་གཞུངས་པ་ལགས་ཏེ། སྐར་མའི་རིགས་ལ་མཁས་པ། མཆོད་སྦྱིན་གྱི་རྒྱུད་ལ་མཁས་པ། སྦྱིན་སྲེག་དང་། བཟླས་བརྗོད་དང་། བསྲེག་པའི་ཆོ་ག་ལ་ཤིན་ཏུ་བསླབས་པ། ཟླ་བ་དང་ཉི་མ་སྤྱང་ཀིས་འཛིན་
D146.057.0113b07.01