完整藏文原文 · 德格版页 当前仅加载第 57 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིད་གཞུངས་པར་གྱུར་པ་ཡིན་ལ། དེ་ཡང་སྐྱོན་དང་བཅས་པར་གྱུར་པ་གཞན་ཡང་ཡོད་དམ། སྨྲས་པ། རྒྱལ་པོ་ཆེན་པོ་མཆིས་སོ། །སྨྲས་པ། བྲམ་ཟེ་དེ་གང་། སྨྲས་པ། རྒྱལ་པོ་ཆེན་པོ་རྒྱལ་བུ་གཞོན་ནུ་རྒྱལ་སྡེ་འདི་ནི་མཛངས་ཤིང་མཁས་
D146.057.0115a01.01ལ་བརྟགས་ཤིང་ཡིད་གཞུངས་པ་སྟེ། མོས་པ་ཆེ་ཞིང་འཇིགས་པ་མ་མཆིས་ལ། གཏོང་བ་དང་ལྡན་ཞིང་སྙིང་སྟོབས་ཕུན་སུམ་ཚོགས་པ་ལགས་ན། དེ་ཡང་སྐྱོན་དང་བཅས་པ་ལགས་སོ། །སྨྲས་པ། བྲམ་ཟེ་རྒྱལ་བུ་གཞོན་ནུ་རྒྱལ་སྡེའི་སྐྱོན་ནི་གང་། སྨྲས་པ། རྒྱལ་པོ་ཆེན་
D146.057.0115a02.01པོ་རྒྱལ་བུ་གཞོན་ནུ་རྒྱལ་སྡེ་ནི་སྲོག་གཅོད་པ་སྟེ། རྒྱལ་པོ་ཆེན་པོ་མཁས་པས་ནི་སྲོག་གཅོད་པར་མི་བགྱིའོ། །དེ་ཅིའི་སླད་དུ་ཞེ་ན། རྒྱལ་པོ་ཆེན་པོ་སྐྱེས་བུ་གང་ཟག་སྲོག་གཅོད་པ་ནི་ཚེ་ཐུང་བར་འགྱུར་བ་དང་། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་
D146.057.0115a03.01འཇིག་རྟེན་དུ་མཆི་བར་འགྱུར་བའི་སླད་དུའོ། །དེ་ལ་འདི་སྐད་ཅེས་བགྱི་སྟེ། སྲོག་གཅོད་བགྱིད་པའི་གང་ཟག་ནི། །ཚེ་ཐུང་ནད་ཀྱང་རབ་ཏུ་མང་། །གང་ན་མི་བདེ་ཆེ་བ་ཡི། །སེམས་ཅན་དམྱལ་བར་སྐྱེ་བར་འགྱུར། །དེ་བས་སྡུག་བསྔལ་མི་འཚལ་ཞིང་། །ཚེ་འདིར་བདེ་འཚལ་
D146.057.0115a04.01མཁས་པ་ཡིས། །གཞན་གྱི་སྲོག་གཅད་མི་བགྱི་སྟེ། །སྲོག་ཆགས་རྣམས་ནི་བདག་བཞིན་བསྲུང་། །སྨྲས་པ། བྲམ་ཟེ་སེམས་ཅན་གྱི་རིས་ཀྱི་འཇིག་རྟེན་འདི་ན་སེམས་ཅན་གང་ལ་ལ་མཛངས་ཤིང་མཁས་ལ་བརྟགས་ཤིང་ཡིད་གཞུངས་པར་གྱུར་པ་ཡིན་ལ། དེ་ཡང་སྐྱོན་དང་
D146.057.0115a05.01བཅས་པར་གྱུར་པ་གཞན་ཡང་ཡོད་དམ། སྨྲས་པ། རྒྱལ་པོ་ཆེན་པོ་མཆིས་སོ། །སྨྲས་པ། བྲམ་ཟེ་དེ་གང་། སྨྲས་པ། རྒྱལ་པོ་ཆེན་པོ་རྒྱལ་བུ་གཞོན་ནུ་འཇིགས་མེད་འདི་ནི་མཛངས་ཤིང་མཁས་ལ་བརྟགས་ཤིང་ཡིད་གཞུངས་པ་ལགས་ན། དེ་ཡང་སྐྱོན་དང་བཅས་པ་
D146.057.0115a06.01ལགས་སོ། །སྨྲས་པ། བྲམ་ཟེ་རྒྱལ་བུ་གཞོན་ནུ་འཇིགས་མེད་ཀྱི་སྐྱོན་གང་། སྨྲས་པ། རྒྱལ་པོ་ཆེན་པོ་རྒྱལ་བུ་འཇིགས་མེད་ནི་ཧ་ཅང་སྙིང་རྗེ་ཅན་ལགས་ཏེ། རྒྱལ་པོ་ཆེན་པོ་མཁས་པས་ནི་ཧ་ཅང་སྙིང་རྗེ་ཅན་དུ་མི་བགྱིའོ། །དེ་ཅིའི་སླད་དུ་ཞེ་ན། རྒྱལ་པོ་ཆེན་པོ་གང་རྒྱལ་པོ་
D146.057.0115a07.01