完整藏文原文 · 德格版页 当前仅加载第 57 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
མང་དུ་སྐྱེད་དམ། གསོལ་པ་བཅོམ་ལྡན་འདས་མང་ལགས་སོ། །བདེ་བར་གཤེགས་པ་མང་ལགས་ཏེ། འདི་ལྟར་བགྲང་བའམ། བརྩི་བར་ཡང་སླ་བ་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་དེ་བས་ཀྱང་གང་གིས་ཆོས་ཀྱི་རྣམ་
D146.057.0140a01.01གྲངས་འདི་འཛིན་ཏམ། ཀློག་གམ། གཞན་དག་ལ་ཡང་རྒྱ་ཆེར་ཡང་དག་པར་སྟོན་ཏམ། གླེགས་བམ་དུ་བྲིས་ཏེ་འཆང་ངམ། གཞན་དག་ལ་ཡང་རྒྱ་ཆེར་ཡང་དག་པར་བསྟན་ན། ཆོས་ཀྱི་རྣམ་གྲངས་འདི་ལུང་འབོགས་པ་དེ་བསོད་ནམས་མང་དུ་སྐྱེད་དོ། །དེ་སྐད་ཅེས་བཀའ་
D146.057.0140a02.01སྩལ་པ་དང་། འཇམ་དཔལ་གཞོན་ནུར་གྱུར་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པས་འཇིག་རྟེན་ཐམས་ཅད་ལ་སྨན་པའི་སླད་དུ་ཆོས་ཀྱི་རྣམ་གྲངས་འདི་བསྟན་པ་ངོ་མཚར་ལགས་སོ། །བཅོམ་ལྡན་འདས་ཆོས་ཀྱི་རྣམ་
D146.057.0140a03.01གྲངས་འདི་ཡུན་རིང་པོ་ཇི་སྲིད་ཅིག་ཏུ་འཛམ་བུའི་གླིང་ན་མཆིས་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ང་མྱ་ངན་ལས་འདས་ནས་གང་གི་ཚེ་རྒྱལ་པོ་བརྒྱད་ཀྱིས་ངའི་རིང་བསྲེལ་རྒྱ་ཆེར་བྱ་བའི་ཕྱིར་བརྒྱད་དུ་བགོས་ནས་ཟ་མ་ཏོག་བརྒྱད་དུ་བཅུག་སྟེ།
D146.057.0140a04.01རང་རང་གི་ཡུལ་དུ་མཆོད་རྟེན་གྱི་ཁང་པ་ཡངས་པར་འཇོག་པར་འགྱུར་ཏེ། རྒྱལ་པོ་མ་སྐྱེས་དགྲས་ནི་ངའི་རིང་བསྲེལ་རྣམས་ལས་བརྒྱད་ཆ་བླངས་ནས་རིན་པོ་ཆེའི་ཟ་མ་ཏོག་ཏུ་བཅུག་སྟེ། རྒྱལ་པོའི་ཁབ་ཀྱི་གྲོང་ཁྱེར་ཆེན་པོའི་ཕྱི་རོལ་ཏུ་ས་བརྐོས་ནས་རིང་བསྲེལ་ལ་པོག་སྣོད་ཁ་གབ་
D146.057.0140a05.01བཅད་ནས་སྤོས་ཀྱིས་ནི་བདུགས། གདུགས་དང་རྒྱལ་མཚན་ནི་བཙུགས། རིན་པོ་ཆེའི་མེ་ཏོག་ནི་གཏོར། ལོ་བརྒྱར་བྱིན་གྱིས་བརླབས་པའི་མར་མེ་མེ་ལྕེ་གཅིག་ཏུ་འབར་བ་ནི་བུས་ཤིང་རིང་བསྲེལ་གྱི་ཟ་མ་ཏོག་འཇོག་པར་འགྱུར་ལ། རྒྱལ་པོ་མྱ་ངན་མེད་པ་འབྱུང་བར་འགྱུར་བ་བསྡད་
D146.057.0140a06.01པའི་ཕྱིར་མདོའི་རྒྱལ་པོ་འདི་གསེར་གྱི་གླེགས་བམ་ལ་བྲིས་ནས་རིང་བསྲེལ་གྱི་ཟ་མ་ཏོག་དེ་ཉིད་དུ་འཇུག་པར་འགྱུར་རོ། །འཇམ་དཔལ་འདི་ལྟ་སྟེ། རྒྱལ་པོ་མྱ་ངན་མེད་པ་དེ་ནི་མྱ་ངན་ལས་འདས་ནས་ལོ་བརྒྱ་ལོན་པ་ན་འབྱུང་བར་འགྱུར་ཏེ། དེ་ནི་མོའུ་རྱའི་རིགས་སུ་སྐྱེས་པ། འཛམ་
D146.057.0140a07.01