完整藏文原文 · 德格版页 当前仅加载第 57 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ཡིད་འོང་སྙན་པའི་དབྱངས་དང་ལྡན་ཁྱོད་ཀྱིས། །ང་ལ་གང་དྲིས་དོན་དེ་ངས་བསྟན་ཉོན། །སེམས་ཅན་དམན་པ་མུན་པ་བསྒྲིབས་པ་ཡིས། །ཆོས་ཚུལ་དམ་པ་ཁོང་དུ་ཆུད་མི་ནུས། །གང་དག་སྔོན་སངས་
D146.057.0086b01.01རྒྱས་ལ་སྤྱོད་སྤྱད་ཅིང་། །འཇིག་རྟེན་མགོན་པོ་རྣམས་ཀྱིས་བྱིན་བརླབས་པ། །དེ་དག་ཆོས་ཚུལ་དམ་པ་འདི་ཐོས་ན། །མི་རྟོག་ཤིན་ཏུ་གྱ་ནོམ་འབྱུང་བར་འགྱུར། །གང་དག་སྡིག་གྲོགས་སྦྲུལ་གྱིས་སེམས་ཟིན་ཅིང་། །དགེ་བའི་བཤེས་ཀྱི་དུག་སྨན་རྣམ་སྤངས་པ། །དེ་དག་
D146.057.0086b02.01དམ་ཆོས་དཀོན་མཆོག་འདི་ཐོས་ན། །ཀྱེ་མ་བག་མེད་གཡང་ས་ཆེ་ལས་ལྟུང་། །གང་དག་སེམས་ཆུང་དམན་ཞིང་ཞུམ་གྱུར་དང་། །གང་དག་ལྷག་པའི་བསམ་པ་ཆེ་མེད་པ། །ཡིད་ཆེས་མེད་པ་མོས་པ་ཉམས་པས་ན། །ཐོས་ཀྱང་དེ་དག་དགའ་བར་མི་འགྱུར་རོ། །ཆོས་
D146.057.0086b03.01མཆོག་འདི་ལ་དད་པར་མ་གྱུར་པ། །དེ་དག་ཡུན་རིང་སྡུག་བསྔལ་ལྟུང་འགྱུར་ཏེ། །ཀྱེ་མ་སྡུག་བསྔལ་རྣམས་ལ་གནོད་འགྱུར་ཞེས། །དེ་ལ་སྙིང་རྗེ་མངོན་བྱས་དེ་མ་བསྟན། །དེ་སྐད་ཅེས་བཀའ་སྩལ་པ་དང་། འཇམ་དཔལ་གཞོན་ནུར་གྱུར་པས་བཅོམ་ལྡན་འདས་ལ་འདི་
D146.057.0086b04.01སྐད་ཅེས་གསོལ་ཏོ། །བཅོམ་ལྡན་འདས་འཁོར་འདུས་པ་འདི་ནི་དག་པ་ལགས་ཏེ། སྤྱད་པ་རྣམས་ལེགས་པར་སྤྱད་པ་སངས་རྒྱས་འབྱུང་བ་རྣམས་ལེགས་པར་བསྙེན་བཀུར་བགྱིས་པ་དགེ་བའི་བཤེས་གཉེན་རྣམས་ཀྱིས་ལེགས་པར་ཡོངས་སུ་བཟུང་བ། དད་པའི་མིག་ལེགས་
D146.057.0086b05.01པར་ཡོངས་སུ་དག་པ། མོས་པའི་སྤྱོད་ཡུལ་ལ་ངེས་པར་བྱུང་བ་བསམ་པ་དང་ལྷག་པའི་བསམ་པ་ལེགས་པར་ཡོངས་སུ་དག་པ་རྣམ་པ་བཟང་པོ་རྟོགས་པར་འགྱུར་བ་ཤ་སྟག་སྟེ། འཁོར་འདུས་པ་འདི་ནི་དེ་ལྟ་བུ་ལགས་པས་དེ་དག་གིས་ཆོས་ཀྱི་ཚུལ་འདི་འཚལ་བར་འགྱུར་ཞིང་།
D146.057.0086b06.01རྣམ་པར་འཚལ་བར་འགྱུར་ན་སེམས་ཅན་རྣམས་ལ་ཐུགས་བརྩེ་བའི་སླད་དུ། བཅོམ་ལྡན་འདས་ཀྱིས་ལེགས་པར་ཡང་དག་པར་བཤད་དུ་གསོལ། དེའི་ཚེ་ཚིགས་སུ་བཅད་པ་འདི་དག་ཀྱང་གསོལ་ཏོ། །དྲང་སྲོང་ཆེན་པོ་གང་དག་ཆོས་འདི་འཚལ་འགྱུར་བའི། །སེམས་ཅན་
D146.057.0086b07.01