完整藏文原文 · 德格版页 当前仅加载第 57 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་ཞེ་སྡང་བ། དེ་ལྟར་གཟུ་ལུམས་ཅན་གྱི་སྤྱན་སྔར་བདག་འདི་ལྟར་ཡང་དག་པ་ཇི་ལྟ་བ་བཞིན་དུ་སྨྲ་བ་ནི་བདག་ཀྱང་ཧ་ཅང་ངོར་རོ་བར་སྨྲ་བ་ལགས་ཏེ། བདག་ནི་དེ་ཁོ་ན་སྨྲ་བར་གྱུར་ཏོ། །རྒྱལ་པོ་ཆེན་པོ་མཁས་པས་ནི་དུས་ཐམས་ཅད་དུ་ཡང་དག་པ་ཇི་
D146.057.0118a01.01ལྟ་བ་བཞིན་དུ་སྨྲ་བར་མི་བགྱིའོ། །རྒྱལ་པོ་ཆེན་པོ་མཁས་པས་ནི་དུས་དང་དུས་མ་ལགས་པ་དང་། ཡུལ་དང་ཡུལ་མ་ལགས་པ་འཚལ་བར་བགྱིའོ། །དེ་ཅིའི་སླད་དུ་ཞེ་ན། རྒྱལ་པོ་ཆེན་པོ་ཡང་དག་པར་སྨྲ་བ་ནི་འཇིག་རྟེན་ཡིད་མི་བདེ་ཞིང་མི་དགའ་བར་འགྱུར་ཏེ། དེས་
D146.057.0118a02.01པ་རྣམས་ཀྱིས་མི་བསྔགས་ཤིང་གླེན་པའི་སྐྱེ་བོ་རྣམས་ཞེ་སྡང་བར་འགྱུར་བའི་སླད་དུའོ། །དེ་ལ་འདི་སྐད་ཅེས་བགྱི་སྟེ། གང་ཞིག་ཡང་དག་སྨྲ་བགྱིད་ཅིང་། །སྨྲ་དུས་དུས་མིན་མ་འཚལ་བ། །དེ་ནི་མཁས་པས་སྨད་འགྱུར་ན། །འཇིག་རྟེན་གཞན་ལྟ་ཅི་ཞིག་སྨོས། །
D146.057.0118a03.01དེ་བས་བདེན་པའི་ཚིག་ལགས་ཀྱང་། །བློ་ལྡན་ཀུན་ཏུ་སྨྲ་མི་བགྱི། །བདག་ཀྱང་འདིར་ནི་འདི་ལྟ་བུར། །བདེན་སྨྲས་རང་ལ་གནོད་པར་གྱུར། །ཡོན་ཏན་དང་སྐྱོན་བསྟན་པའི་ལེའུ་སྟེ་བརྒྱད་པའོ།། །།དེ་ནས་རྒྱལ་པོ་གཏུམ་པོ་རབ་སྣང་གཅེར་བུ་པའི་བུ་
D146.057.0118a04.01བདེན་སྨྲའི་ལེགས་པར་བཤད་པས་མགུ་སྟེ། རྗེས་སུ་ཡི་རངས་ནས་ཡང་དྲི་བ་གཞན་དག་དྲིས་སོ། །བྲམ་ཟེ་ཡང་སེམས་ཅན་གྱི་རིས་ཀྱི་འཇིག་རྟེན་འདི་ན་སེམས་ཅན་གང་ལ་ལ་མཁས་ཤིང་མཛངས་ལ་བརྟགས་ཤིང་ཡིད་གཞུངས་ལ། ཚུལ་དང་འདུལ་བའི་ཆོ་ག་ལ་
D146.057.0118a05.01མཁས་པ་ཡང་ཡིན་ལ། དེ་ལ་སྐྱོན་ཡང་མེད་པ་དེ་ལྟ་བུ་ཡོད་དམ། སྨྲས་པ། རྒྱལ་པོ་ཆེན་པོ་མཆིས་སོ། །སྨྲས་པ། བྲམ་ཟེ་དེ་གང་། སྨྲས་པ། རྒྱལ་པོ་ཆེན་པོ་དགེ་སྦྱོང་གཽ་ཏ་མ་ནི་ཤཱཀྱའི་རྒྱལ་པོ་ཆེན་པོ་ཤཱཀྱའི་རིགས་ལས་རབ་ཏུ་བྱུང་བ་དེ་ནི། བདག་ཅག་གི་རིག་བྱེད་ལས་འབྱུང་བ་
D146.057.0118a06.01བཞིན་དུ་སྐྱོན་མ་མཆིས་པ་སྟེ། དེ་ནི་རིགས་ཀྱི་ཆེ་བ་ཉིད་ཀྱིས་སྐྱོན་གདགས་པར་མི་ནུས་ཏེ། འདི་ལྟར་འཁོར་ལོས་སྒྱུར་བའི་རིགས་སུ་བྱུང་བའོ། །དེ་ནི་རྒྱུད་ལས་སྨོས་ནས་སྐྱོན་གདགས་སུ་མི་ནུས་ཏེ། འདི་ལྟར་བུ་རམ་ཤིང་པའི་རིགས་ཀྱི་རྒྱུད་དུ་བྱུང་བའོ། །དེ་ནི་ལུས་ཀྱི་
D146.057.0118a07.01