完整藏文原文 · 德格版页 当前仅加载第 57 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
ལོས་སྒྱུར་བའི་རྒྱལ་པོ་ཆེན་པོའི་ཆོས་ཀྱི་རྒྱལ་སྲིད་ལ་འཚེ་བ་ཡོད་པའམ། བསྡོ་བའི་དམག་ཚོགས་ཀྱི་འཇིགས་པར་འགྱུར་བ་ལྟ་ག་ལ་ཡོད་དེ་དེ་ནི་གནས་མེད་དོ། །འཇམ་དཔལ་ཡང་སངས་རྒྱས་ཀྱི་ཞིང་འདི་ན་གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་བ་གང་དག་
D146.057.0096b01.01སྣང་བ་འདི་ཡང་དེ་བཞིན་གཤེགས་པའི་བྱིན་གྱི་རླབས་ཡིན་པར་བལྟ་བར་བྱ་སྟེ། རིགས་ཀྱི་བུ་དེ་དག་ཀུན་ཀྱང་མུ་སྟེགས་གཅིག་ལ་གནས་པ་ཡིན་པར་རིག་པར་བྱའོ། །འཇམ་དཔལ་འདི་ལྟ་སྟེ། དཔེར་ན་{རི་དགས་,རི་དྭགས་}ཀྱི་རྒྱལ་པོ་སེང་གེའི་མདུན་དུ་ནི་{རི་དགས་,རི་དྭགས་}
D146.057.0096b02.01ཕྲ་མོ་ཐམས་ཅད་གནས་པར་མི་ནུས་སོ། །འཇམ་དཔལ་དེ་བཞིན་དུ་གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་ཐམས་ཅད་ཀྱིས་དེ་བཞིན་གཤེགས་པའི་ཡུལ་མནན་པར་བྱ་བའམ། དེ་བཞིན་གཤེགས་པ་སྐྱེས་བུ་སེང་གེ་ཆེན་པོ་སྟོབས་བཅུ་མངའ་བ་མི་འཇིགས་པ་
D146.057.0096b03.01བཞི་བརྙེས་པའི་མདུན་དུ་གནས་པར་བྱ་བའམ། བརྩད་པར་བྱ་བར་དེ་བཞིན་གཤེགས་པའི་བྱིན་གྱི་རླབས་མ་གཏོགས་པར་མི་ནུས་ཏེ་དེ་ནི་གནས་མེད་དོ། །འཇམ་དཔལ་འདི་ལྟ་སྟེ། དཔེར་ན་ཉི་མའི་དཀྱིལ་འཁོར་ཤར་ཅིང་འོད་ཟེར་མང་པོ་བཀྱེ་བའི་ཚེ་སྲིན་བུ་མེ་ཁྱེར་
D146.057.0096b04.01ཐམས་ཅད་ཀྱང་འོད་མེད་པར་འགྱུར་ཞིང་། མེ་དང་ནོར་བུ་དང་སྐར་མ་ཐམས་ཅད་ཀྱི་འོད་ཟེར་རྣམས་ཀྱང་མི་སྣང་ངོ་། །འཇམ་དཔལ་དེ་བཞིན་དུ་དེ་བཞིན་གཤེགས་པ་ཉི་མའི་དཀྱིལ་འཁོར་ཆེན་པོ་ཤར་ཅིང་ཡེ་ཤེས་ཀྱི་འོད་ཟེར་མང་པོ་བཀྱེ་བའི་ཚེ་གཞན་མུ་སྟེགས་ཅན་
D146.057.0096b05.01སྤྱོད་པ་པ་དང་། ཀུན་ཏུ་རྒྱུ་ཐམས་ཅད་ཟིལ་གྱིས་ནོན་ཅིང་མི་སྣང་ངོ་། །འཇམ་དཔལ་འདི་ལྟ་སྟེ། དཔེར་ན་ལྕགས་ཀྱི་རྒྱལ་པོ་ཁབ་ལོང་སའི་ཕྱོགས་གང་དུ་བྱུང་བ་དེར་ཁབ་ལོང་གི་མི་འདྲེ་བའི་མཚན་ཉིད་ཀྱི་ཕྱིར་ལྕགས་ཐམས་ཅད་མི་གནས་སོ། །འཇམ་དཔལ་དེ་བཞིན་
D146.057.0096b06.01དུ་སངས་རྒྱས་ཀྱི་ཞིང་གང་དུ་སངས་རྒྱས་བྱུང་བར་གྱུར་པ་དེ་ནི་གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་ཐམས་ཅད་རྒྱུ་བ་མེད་པར་རིག་པར་བྱའོ། །དེ་ཅིའི་ཕྱིར་ཞེ་ན། དེ་ནི་སངས་རྒྱས་བྱུང་བའི་མི་འདྲེ་བའི་ཆོས་ཀྱི་མཚན་ཉིད་ཀྱི་ཕྱིར་རོ། །འཇམ་དཔལ་འདི་ལྟ་སྟེ།
D146.057.0096b07.01