完整藏文原文 · 德格版页 当前仅加载第 57 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སེམས་ཅན་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་འགྱུར་བ་དང་། དམན་པ་ལ་མོས་པའི་སེམས་ཅན་རྣམས་ཀྱང་རྒྱ་ཆེན་པོ་ལ་འཇུག་པ་ལ་གནས་པར་འགྱུར་བ་དང་། བྱང་ཆུབ་ཏུ་སེམས་བསྐྱེད་པའི་སེམས་ཅན་རྣམས་ཀྱང་བྱང་ཆུབ་ལ་
D146.057.0086a01.01དམིགས་པ་རྣམ་པར་འཕེལ་བར་འགྱུར་བ་དང་། དམན་པ་ལ་སྦྱོར་བའི་སེམས་ཅན་རྣམས་ཀྱང་བརྩམ་པ་ཆེན་པོ་རྩོམ་པར་འགྱུར་བ་དང་། ལམ་ལས་ཉམས་པའི་སེམས་ཅན་རྣམས་ཀྱང་བྱང་ཆུབ་ཀྱི་ལམ་དུ་འཇུག་པར་འགྱུར་བ་དང་། བྱང་ཆུབ་ཀྱི་ལམ་དུ་ཞུགས་པའི་སེམས་ཅན་
D146.057.0086a02.01རྣམས་ཀྱང་དེ་བཞིན་གཤེགས་པའི་ཡེ་ཤེས་ཀྱིས་རྣམ་པར་བསྒྲུབས་པའི་དགོངས་པའི་ཚུལ་ལ་འཇུག་པར་འགྱུར་བ། བྱང་ཆུབ་སེམས་དཔའི་སྤྱོད་ཡུལ་གྱི་ཐབས་ཀྱི་ཡུལ་ལ་རྣམ་པར་འཕྲུལ་པ་བསྟན་པ་ཞེས་བགྱི་བའི་ཆོས་ཀྱི་རྣམ་གྲངས་དེ་འཁོར་འདིར་བསྟན་དུ་གསོལ། དེ་སྐད་ཅེས་
D146.057.0086a03.01གསོལ་པ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ལྡེམ་པོ་དག་དགོངས་ཏེ་བསྟན་པ་ནི་ལྷ་དང་བཅས་པའི་འཇིག་རྟེན་གྱིས་མོས་
D146.057.0086a04.01པར་དཀའ་བ། ཤེས་པར་དཀའ་བ། རྟོགས་པར་དཀའ་བ། རྣམ་པར་ཤེས་པར་དཀའ་བ། འཇུག་པར་དཀའ་བ། ཡོངས་སུ་རྟོགས་པར་དཀའ་བ་ཡིན་པས་ཆོ་ག་ཉམས་པའམ། ལྟ་བ་ཉམས་པའམ། ཚུལ་ཁྲིམས་ཉམས་པས། ཡོངས་སུ་ཤེས་པའམ། རྣམ་པར་
D146.057.0086a05.01ཤེས་པར་མི་ནུས་སོ། །དམན་པ་ལ་མོས་པ་རྣམས་ཀྱིས་མོས་པར་མི་ནུས་སོ། །བསམ་པ་ཉམས་པ་རྣམས་ཀྱིས་ཡིད་ཆེས་པར་མི་ནུས་སོ། །སྡིག་པའི་གྲོགས་པོས་ཡོངས་སུ་ཟིན་པ་རྣམས་ཀྱིས་འཇུག་པར་མི་ནུས་སོ། །དགེ་བའི་བཤེས་གཉེན་གྱིས་ཡོངས་སུ་མ་ཟིན་པ་རྣམས་
D146.057.0086a06.01ཀྱིས་རྟོགས་པར་མི་ནུས་སོ། །ཆོས་དེ་ལྟ་བུ་ནི་ཡང་དག་པར་རྫོགས་པའི་སངས་རྒྱས་ཀྱིས་བྱིན་གྱིས་མ་བརླབས་པར་མཉན་པར་ཡང་མི་ནུས་ན། མོས་པར་ལྟ་ག་ལ་ནུས་ཏེ། དེ་བཞིན་གཤེགས་པའི་བྱིན་གྱི་རླབས་མ་གཏོགས་པར་དེ་ནི་གནས་མེད་དོ། །དེ་ནས་བཅོམ་ལྡན་
D146.057.0086a07.01