完整藏文原文 · 德格版页 当前仅加载第 57 函德格 89a 版页；藏文 NFD、目录标记与异常页序保留在来源切片中，重复版页行以稳定序号区分。
ཏོ། །སྦྱིན་པ་རྒྱ་ཆེན་མཚུངས་མེད་བྱིན་པས་དེ་དག་བྱང་ཆུབ་འགྲུབ་འགྱུར་ཞེས། །རྐང་ལག་མགོ་དང་དྲི་མེད་མིག་དང་རྐང་དང་དེ་བཞིན་རུས་པ་དང་། །ཕྱི་དང་ནང་གི་དངོས་པོ་ཐམས་ཅད་སེར་སྣ་མེད་པའི་བློས་ཀྱང་གཏོང་། །ཕྱིར་ཞིང་ཕན་ཡོན་མཐོང་བ་རྒྱ་ཆེན་སེམས་
D146.057.0089a01.01ལྡན་གང་དུའང་ལྟ་བ་མེད། །བདག་ནི་ལོངས་སྤྱོད་བཟང་པོ་རྫོགས་འགྱུར་རིགས་ཀྱི་མཆོག་ཏུ་སྐྱེ་བར་འགྱུར། །སངས་རྒྱས་དྲི་མེད་ལམ་འཕེལ་ཡོན་ཏན་སེར་སྣ་ཡོངས་སུ་སྤངས་པར་འགྱུར། །དབང་དང་ཕ་རོལ་ཕྱིན་ལ་སོགས་པ་རྫོགས་འགྱུར་སྦྱིན་འདི་རྒྱལ་བས་བསྔགས། །
D146.057.0089a02.01མཁས་པ་དེ་ལྟར་དུ་མར་རྟོག་ཅིང་དོན་ཀུན་གཏོང་ལ་དགའ་བར་བྱེད། །རིགས་ཀྱི་བུ་ཡོན་ཏན་གྱི་ཆོས་བཅུ་གཉིས་པོ་འདི་དག་མཐོང་བའི་བྱང་ཆུབ་སེམས་དཔས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་བརྩོན་པར་བྱའོ། །བཅུ་གཉིས་པོ་དག་གང་ཞེ་ན། འདི་ལྟ་སྟེ། བདག་གིས་
D146.057.0089a03.01བྱིན་གྱི་རླབས་ཕུན་སུམ་ཚོགས་པ་ཡོངས་སུ་ཟིན་པར་འགྱུར་བར་མཐོང་བས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་བརྩོན་པར་བྱ་བ་དང་། བྱང་ཆུབ་སེམས་དཔའི་ལམ་དུ་ཞུགས་པར་འགྱུར་བར་མཐོང་བས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་བརྩོན་པར་བྱ་བ་དང་། བདག་གིས་
D146.057.0089a04.01ཉོན་མོངས་པའི་འཆིང་བ་རྣམས་ལྷོད་པར་འགྱུར་བར་མཐོང་བས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་བརྩོན་པར་བྱ་བ་དང་། བདག་ངན་འགྲོ་ཐམས་ཅད་ལས་ཡང་དག་པར་འདའ་བར་འགྱུར་བར་མཐོང་བས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་བརྩོན་པར་བྱ་བ་དང་། བདག་
D146.057.0089a05.01གིས་ངན་འགྲོའི་ལམ་ཐམས་ཅད་རྣམ་པར་སྦྱངས་པར་འགྱུར་བར་མཐོང་བས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་བརྩོན་པར་བྱ་བ་དང་། བདག་གིས་ལུས་དང་ངག་དང་། ཡིད་ཀྱི་ལས་ཁ་ན་མ་ཐོ་བ་མེད་པར་འགྱུར་བར་མཐོང་བས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་བརྩོན་པར་
D146.057.0089a06.01བྱ་བ་དང་། མཁས་པའི་སྐྱེ་བོ་རྣམས་ཀྱིས་སྨད་པ་མེད་པར་འགྱུར་བར་མཐོང་བས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་བརྩོན་པར་བྱ་བ་དང་། བདག་བག་ཡོད་པའི་ཆོས་ལ་བརྟེན་པར་འགྱུར་བར་མཐོང་བས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་བརྩོན་པར་བྱ་བ་དང་། བདག་
D146.057.0089a07.01