完整藏文原文 · 德格版页 当前仅加载第 57 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེ་བ་ཉིད་ཀྱིས་ཀྱང་སྐྱོན་གདགས་སུ་མི་ནུས་ཏེ། འདི་ལྟར་མཚན་དང་དཔེ་བྱད་བཟང་པོས་ལེགས་པར་བརྒྱན་པའི་ལུས་དང་ལྡན་པའོ། །དེ་ནི་ཆོས་དང་བཅས་པར་སྐྱོན་གདགས་སུ་མི་ནུས་ཏེ། འདི་ལྟར་ཚུལ་ཁྲིམས་དང་། སྟོབས་དང་། མི་འཇིགས་པ་དང་། སངས་
D146.057.0118b01.01རྒྱས་ཀྱི་ཆོས་མ་འདྲེས་པ་དང་ལྡན་པས་དེའི་སླད་དུ་དེ་ནི་སྐྱོན་མ་མཆིས་པ་ལགས་སོ། །རྒྱལ་པོ་ཆེན་པོ་གལ་ཏེ་དགེ་སྦྱོང་གཽ་ཏ་མ་དེ་ཁྱིམ་ནས་ཁྱིམ་མ་མཆིས་པར་རབ་ཏུ་མ་བྱུང་ན་ནི་དེ་རྒྱལ་པོ་འཁོར་ལོས་སྒྱུར་བ། མཐའ་བཞིར་རྣམ་པར་རྒྱལ་བ། ཆོས་དང་ལྡན་པ་ཆོས་ཀྱི་
D146.057.0118b02.01རྒྱལ་པོ་རིན་པོ་ཆེ་སྣ་བདུན་དང་ལྡན་པར་འགྱུར་དུ་གདོན་མི་འཚལ་ཏེ། །དེའི་རིན་པོ་ཆེ་སྣ་བདུན་ནི་འདི་ལྟ་སྟེ། འཁོར་ལོ་རིན་པོ་ཆེ་དང་། གླང་པོ་རིན་པོ་ཆེ་དང་། རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། བུད་མེད་རིན་པོ་ཆེ་དང་། ཁྱིམ་བདག་རིན་པོ་ཆེ་དང་། བདུན་
D146.057.0118b03.01པ་བློན་པོ་རིན་པོ་ཆེ་ལགས་སོ། །དེ་ལ་སྲས་ཀྱང་སྟོང་ཐམ་པ་མངའ་བར་འགྱུར་དུ་གདོན་མ་འཚལ་ཏེ། དཔའ་བ་རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། གཞན་གྱི་སྡེ་རབ་ཏུ་འཇོམས་པ། འཁོར་ལོས་སྒྱུར་བའི་མཚན་དང་ལྡན་པ་ཤ་སྟག་འབྱུང་བར་
D146.057.0118b04.01འགྱུར་དུ་གོར་མ་བཀུམ་མོ། །དེ་ནི་གླིང་བཞི་པའི་འཇིག་རྟེན་གྱི་ཁམས་འདིར་གཅིག་པུ་སྤྱོད་པའི་དབང་སྒྱུར་བར་འགྱུར་ཞིང་གཞན་གྱི་དྲིང་མི་འཇོག་པར་འགྱུར་དུ་གདོན་མ་འཚལ་ཏེ། དེས་ས་ཆེན་པོ་མ་ལུས་པ་གནོད་པར་སྡོ་བ་མ་མཆིས་ཤིང་འཚེ་བ་མ་མཆིས་པ་འདི་ཉིད་
D146.057.0118b05.01ཆད་པ་མ་མཆིས་ཤིང་མཚོན་གྱིས་བདའ་བ་མ་མཆིས་ལ། ཆོས་དང་འཐུན་ཞིང་སྙོམས་པས་ལེགས་པར་ཕབ་སྟེ་གནས་པར་འགྱུར་དུ་གདོན་མ་འཚལ་བ་ཞིག་ན། དེ་ཁྱིམ་ནས་ཁྱིམ་མ་མཆིས་པར་རབ་ཏུ་བྱུང་ནས་བརྟུལ་ཞུགས་དང་དཀའ་ཐུབ་ཆེན་པོ་བརྩམས་ཏེ། རྒྱ་ཤུག་
D146.057.0118b06.01གི་འབྲས་བུའམ། ཏིལ་གྱི་འབྲུམ་བུའམ། འབྲས་ཀྱི་འབྲུ་འགས་ལོ་དྲུག་འདས་པར་བགྱིས་ཏེ། བྱང་ཆུབ་ཀྱི་ཤིང་དྲུང་དུ་བཞུགས་ནས། བདུད་ཀྱི་སྡེ་དཔུང་དང་བཅས་པ་རབ་ཏུ་ཕམ་པར་བགྱིས་ཏེ། སེམས་ཀྱི་སྐད་ཅིག་གཅིག་དང་ལྡན་པའི་ཤེས་རབ་ཀྱིས་ཤེས་པར་བགྱི་
D146.057.0118b07.01