完整藏文原文 · 德格版页 当前仅加载第 57 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཐམས་ཅད་དུ་གཏོགས་པའི་བསོད་ནམས་ཀྱི་ཕུང་པོ་ཇི་སྙེད་པ་བརྒྱ་གྱུར་དུ་བསྒྱུར་བའི་བསོད་ནམས་ཀྱི་ཕུང་པོ་དེས་དགེ་སྦྱོང་གཽ་ཏ་མའི་སྐུ་ལ་སྐྱེས་བུ་ཆེན་པོའི་མཚན་གཅིག་མངོན་པར་འགྲུབ་སྟེ། དེ་བཞིན་དུ་མཚན་སུམ་ཅུ་རེ་རེ་ནས་ཡོངས་སུ་འགྲུབ་བོ། །
D146.057.0121a01.01མཚན་སུམ་ཅུར་གཏོགས་པའི་བསོད་ནམས་ཀྱི་ཕུང་པོ་ཇི་སྙེད་པ་བརྒྱ་གྱུར་དུ་བསྒྱུར་བའི་བསོད་ནམས་ཀྱི་ཕུང་པོ་དེས་དགེ་སྦྱོང་གཽ་ཏ་མའི་སྐུ་ལ་སྐྱེས་བུ་ཆེན་པོའི་མཚན་དབུ་གཙུག་ཏོར་དང་ལྡན་པ་མངོན་པར་འགྲུབ་བོ། །དབུ་གཙུག་ཏོར་དུ་གཏོགས་པའི་བསོད་ནམས་ཀྱི་ཕུང་པོ་དེ་ལས་བྱེ་
D146.057.0121a02.01བ་ཕྲག་འབུམ་དུ་བསྒྱུར་བའི་བསོད་ནམས་ཀྱི་ཕུང་པོས་དགེ་སྦྱོང་གཽ་ཏ་མའི་ཆོས་ཀྱི་དུང་མངོན་པར་འགྲུབ་སྟེ། ཆོས་ཀྱི་དུང་དེ་དང་ལྡན་པས་དགེ་སྦྱོང་གཽ་ཏ་མ་དེ་བཞེད་ན། འཇིག་རྟེན་གྱི་ཁམས་མཐའ་ཡས་མུ་མེད་པ་དག་ན་སེམས་ཅན་དུ་བསྡུ་བས་བསྡུས་པའི་སེམས་ཅན་གང་དག་
D146.057.0121a03.01གནས་པ་དེ་དག་ཐམས་ཅད་ཀྱིས་གལ་ཏེ་རྣམ་པ་སྣ་ཚོགས་སུ་སྨྲས་པ། དགེ་སྦྱོང་གཽ་ཏ་མ་ལ་དུས་གཅིག་ཏུ་དྲི་བ་དྲིས་ཏེ། གཅིག་གིས་གང་དྲིས་པ་དེ་གཉིས་པ་མི་འདྲི་བར་སོ་སོ་ནས་དྲིས་ཀྱང་དེ་དག་ཐམས་ཅད་དགེ་སྦྱོང་གཽ་ཏ་མ་དེ་སེམས་ཀྱི་སྐད་ཅིག་གཅིག་དང་ལྡན་པའི་
D146.057.0121a04.01ཤེས་རབ་ཀྱིས་བཟུང་ཞིང་གསུང་གཅིག་གིས་སེམས་ཅན་དེ་དག་གིས་ཇི་སྐད་དུ་དྲིས་པའི་དྲི་བ་དེ་དག་གི་ལན་གློན་ཞིང་སེམས་ཅན་དེ་དག་གིས་ཀྱང་རང་རང་གི་སྐད་དུ་འཚལ་བར་འགྱུར་ཏེ། རྒྱལ་པོ་ཆེན་པོ་དེའི་སླད་དུ་དགེ་སྦྱོང་གཽ་ཏ་མ་དེ་ནི་བསོད་ནམས་བརྒྱ་པའི་མཚན་དང་ལྡན་
D146.057.0121a05.01པ་དང་། ཚངས་པའི་སྒྲ་དབྱངས་ཀྱི་གསུང་དང་ལྡན་པ་ཞེས་བགྱིའོ། །དེ་ལ་འདི་སྐད་ཅེས་བགྱི་སྟེ། བསོད་ནམས་བརྒྱ་པའི་མཚན་དང་ལྡན་པས་ན། །ལྷར་བཅས་འཇིག་རྟེན་ནང་ན་བསོད་ནམས་གཏེར། །མཐོང་དང་ཐོས་དང་བཞད་པ་མཛད་པས་ཀྱང་། །སེམས་ཅན་
D146.057.0121a06.01ཀུན་ལ་ཕན་པ་མཛད་པ་ལགས། །འདི་ལྟར་སེམས་ཅན་ཀུན་གྱིས་ངེས་པའི་ཚིག །མང་པོ་དག་གིས་དུས་གཅིག་ཞུ་ཞུས་ན། །སེམས་ཀྱི་སྐད་ཅིག་གཅིག་ལ་ཐུགས་ཆུད་ནས། །གསུང་དབྱངས་གཅིག་གིས་སོ་སོར་ལན་ཡང་འདེབས། །དེ་ལྟ་བས་ན་འདྲེན་པ་འཇིག་
D146.057.0121a07.01