完整藏文原文 · 德格版页 当前仅加载第 57 函德格 96a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཕྱིར་ཐེག་པ་གཅིག་གི་ཚིག་{བླ་དགས་,བླ་དྭགས་}ཏེ། འཇམ་དཔལ་རྣམ་གྲངས་དེས་ཀྱང་འདི་ལྟར་དེ་བཞིན་གཤེགས་པས་དེ་ནི་ཡོངས་སུ་སྦྱང་བ་བྱ་བའི་སར་རྣམ་པར་བཀོད་པ་དེ་ནི་དེ་བཞིན་གཤེགས་པས་འཇུག་པའི་ཚུལ་དུ་གསུངས་པ། དེ་ནི་དེ་བཞིན་གཤེགས་པས་
D146.057.0096a01.01ཆོས་རྣམ་པར་དགོད་པ་མཛད་པ། དེ་ནི་དེ་བཞིན་གཤེགས་པས་བསྟན་པ་ལ་རིམ་གྱིས་འཇུག་པར་བསྟན་པ་སྟེ། ཚོགས་ཆུང་ངུ་དང་ཚོགས་ཆེན་པོའི་གང་ཟག་རྣམས་རྣམ་པར་དགོད་པ་ཐབས་མཁས་པའི་རྣམ་པར་འཕྲུལ་པ་སྟེ། དེ་བཞིན་གཤེགས་པའི་སོ་སོ་ཡང་དག་
D146.057.0096a02.01པར་རིག་པ་སྣ་ཚོགས་དང་ཀུན་རྫོབ་ལ་འཇུག་པ་བསྟན་པ་ཡིན་པར་དེ་ལྟར་རིག་པར་བྱ་སྟེ། དོན་དམ་པར་ནི་ཐེག་པ་གཅིག་སྟེ་གཉིས་སུ་མེད་དོ། །འཇམ་དཔལ་སངས་རྒྱས་ཀྱི་ཞིང་འདི་ན་གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་བ་དག་སྣང་བ་འདི་ཡང་དེ་བཞིན་གཤེགས་
D146.057.0096a03.01པའི་ཐབས་ཡིན་པར་བལྟ་བར་བྱ་སྟེ། དེ་བཞིན་གཤེགས་པའི་བྱིན་གྱི་རླབས་ཀྱི་མངའ་དབང་ཡིན་པར་རིག་པར་བྱའོ། །དེ་ཅིའི་ཕྱིར་ཞེ་ན། འཇམ་དཔལ་དེ་བཞིན་གཤེགས་པས་ནི་གཉེན་པོ་ཐམས་ཅད་ཤིན་ཏུ་བསལ་བའི་ཕྱིར་ཕྱིར་རྒོལ་བ་ཐམས་ཅད་ཀྱི་ཐམས་ཅད་མེད་དེ།
D146.057.0096a04.01འཇམ་དཔལ་འཁོར་ལོས་སྒྱུར་བའི་རྒྱལ་པོ་དགེ་བའི་རྩ་བ་འཇིག་པའི་ཚུལ་ཅན་དང་ལྡན་པ། འདོད་ཆགས་དང་བཅས་པ། ཞེ་སྡང་དང་བཅས་པ། གཏི་མུག་དང་བཅས་པ། ཉེ་བར་ལེན་པ་དང་བཅས་པ། བག་ལ་ཉལ་དང་བཅས་པ། ཉོན་མོངས་པ་དང་བཅས་པ་ལ་ཡང་ཕྱིར་རྒོལ་བ་ཐམས་
D146.057.0096a05.01ཅད་ཀྱིས་ཐམས་ཅད་མེད་ཅིང་བསྡོ་བའི་དམག་ཚོགས་མེད་དོ། །དེ་ཅིའི་ཕྱིར་ཞེ་ན། འཇམ་དཔལ་འཁོར་ལོས་སྒྱུར་བའི་རྒྱལ་པོ་ལ་འཚེ་བ་མེད་པའི་ཕྱིར་ཏེ། འཇམ་དཔལ་འཁོར་ལོས་སྒྱུར་བའི་རྒྱལ་པོ་ཡང་དེ་ལྟ་ན་དེ་བཞིན་གཤེགས་པ་ཆོས་ཀྱི་འཁོར་ལོས་སྒྱུར་བའི་རྒྱལ་པོ་ཆེན་
D146.057.0096a06.01པོ་བསོད་ནམས་དང་ཡེ་ཤེས་ཀྱི་ཚོགས་ཚད་མེད་པ་བསགས་པ། སྙིང་རྗེ་ཆེན་པོ་རྒྱུན་མི་འཆད་པ་བརྙེས་པ། ཟག་པ་མེད་པའི་ཆོས་ཀྱི་ནམ་མཁའ་ལ་རྒྱུ་བ། བྱང་ཆུབ་ཀྱི་ཡན་ལག་བདུན་གྱི་རིན་པོ་ཆེ་དང་ལྡན་པ། བསྙེལ་བ་མི་མངའ་བའི་ཆོས་ཅན། ཆོས་ཀྱི་འཁོར་
D146.057.0096a07.01