完整藏文原文 · 德格版页 当前仅加载第 57 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
ཤི་འཕོ་སྐྱེ་བ་ཡང་། །དེས་ནི་འདྲེན་པས་རབ་ཏུ་གཟིགས། །ཟག་པ་ཟད་པ་མཁྱེན་པ་སྟེ། །རྣམ་པར་གྲོལ་བའང་རབ་ཏུ་མཁྱེན། །ཟག་མེད་ཁམས་ནི་གང་ལགས་པ། །དེ་ནི་འདྲེན་པས་རབ་ཏུ་མཁྱེན། །སངས་རྒྱས་མངའ་ཆེན་སྒྱུར་བ་ཡིས། །སྟོབས་བཅུ་འདི་
D146.057.0126b01.01དག་མཚུངས་མ་མཆིས། །སེམས་གཅིག་ལ་ནི་ཀུན་གནས་ཀྱང་། །སེམས་ལ་རྟོག་པ་མི་མངའ་སྟེ། །བླང་མེད་དོར་བ་མེད་ཚུལ་དུ། །ལྷུན་གྱིས་གྲུབ་པར་དེ་དག་འབྱུང་། །སྔར་བསྐོར་འཁོར་ལོའི་ཤུགས་བཞིན་དུ། །རྟོག་པ་མི་མངར་འབྱུང་བ་སྟེ། །སེམས་
D146.057.0126b02.01ཅན་ཀུན་གྱིས་རྣམ་བསམས་པ། །སེམས་གཅིག་གིས་ནི་རབ་ཏུ་མཁྱེན། །འོན་ཀྱང་སེམས་དང་སེམས་ཅན་ལ། །གཉིས་ཀྱི་བློ་ནི་མི་འབྱུང་ངོ་། །དེ་བས་སངས་རྒྱས་དབང་སྒྱུར་ལ། །སྐྱོན་ནི་གང་ཡང་མི་མངའ་སྟེ། །ཆོས་རྣམས་ཀུན་ལ་མཁས་པ་དེ། །ཡོན་
D146.057.0126b03.01ཏན་དཔལ་ནི་ཀུན་ལས་འཕགས། །རྒྱལ་པོ་ཆེན་པོ་དགེ་སྦྱོང་གཽ་ཏ་མ་དེ་ནི་མི་འཇིགས་པ་བཞི་དང་ལྡན་པའོ། །སྨྲས་པ། བྲམ་ཟེ་ཆེན་པོ་དགེ་སྦྱོང་གཽ་ཏ་མ་དེ་མི་འཇིགས་པ་གང་དག་དང་ལྡན་པས་མི་འཇིགས་པ་བཞི་དང་ལྡན་པ་ཞེས་བྱ་བའི་དེ་བཞིན་གཤེགས་པའི་མི་འཇིགས་པ་
D146.057.0126b04.01བཞི་པོ་དེ་དག་གང་ཡིན། སྨྲས་པ། རྒྱལ་པོ་ཆེན་པོ་འདི་ལ་དགེ་སྦྱོང་གཽ་ཏ་མ་དེ་ནི་ང་ཡང་དག་པར་རྫོགས་པའི་སངས་རྒྱས་སོ་ཞེས་བདག་ཉིད་དམ་བཅས་ན་ཆོས་འདི་རྣམས་ཁྱོད་ཀྱིས་མངོན་པར་རྫོགས་པར་སངས་མ་རྒྱས་སོ་ཞེས་ལྷ་དང་བཅས་པ། བདུད་དང་བཅས་པ།
D146.057.0126b05.01ཚངས་པ་དང་བཅས་པ་དང་། དགེ་སྦྱོང་དང་བྲམ་ཟེའི་སྐྱེ་དགུ་དང་བཅས་པའི་འཇིག་རྟེན་ན་ཆོས་དང་འཐུན་པར་འགའ་ཞིག་བདག་ལ་རྒོལ་བའི་རྒྱུ་དེ་ཡང་དག་པར་རྗེས་སུ་མི་གཟིགས་ཏེ། རྒྱུ་དེ་ཡང་དག་པར་རྗེས་སུ་མ་གཟིགས་པས་བདེ་བ་བརྙེས་ཤིང་མི་འཇིགས་པ་བརྙེས་ནས་
D146.057.0126b06.01གནས་ཏེ། ཁྱུ་མཆོག་གི་གནས་སུ་དམ་འཆའ་ཞིང་འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོག་ལ། ཚངས་པའི་འཁོར་ལོ་དགེ་སྦྱོང་ངམ། བྲམ་ཟེའམ། གཞན་སུའང་རུང་བས་ཆོས་དང་འཐུན་པར་འཇིག་རྟེན་དུ་མ་བསྐོར་བ་བསྐོར་བར་མཛད་པ་དང་། ནམ་དེ་ཟག་
D146.057.0126b07.01