完整藏文原文 · 德格版页 当前仅加载第 57 函德格 91b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཞི་བར་བྱ་བའི་རྣམ་པ་དང་། ཡུལ་རྣམས་ལ་མི་རྒྱུག་པའི་ཕྱིར་སེམས་གནས་པའི་རྣམ་པ་དང་། འདོད་པ་དང་གཟུགས་དང་གཟུགས་མེད་པའི་ཁམས་ལས་ཡང་དག་པར་འདའ་བའི་ཕྱིར་མི་གནས་པའི་རྣམ་པ་དང་། འཇིག་རྟེན་པའི་སྙོམས་པར་འཇུག་པ་ཟིལ་གྱིས་
D146.057.0091b01.01གནོན་པའི་ཕྱིར་འཇིག་རྟེན་ལས་འདས་པའི་རྣམ་པ་དང་། དེ་ལ་མ་ཆགས་པའི་ཕྱིར་ཁྱད་པར་གྱི་རྣམ་པ་དང་། བསམ་གཏན་ཟློག་པའི་ཕྱིར་འདོད་རྒྱལ་གྱི་རྣམ་པ་དང་། དངོས་པོའི་འདུ་ཤེས་དང་བྲལ་བའི་ཕྱིར་ངོ་བོ་ཉིད་ཀྱི་རྣམ་པ་དང་། ཚད་ཡོད་པའི་ཏིང་ངེ་འཛིན་ལ་
D146.057.0091b02.01སྨོད་པའི་ཕྱིར་ཚད་མེད་པའི་རྣམ་པ་དང་། ཤིན་ཏུ་ཞི་བའི་ཕྱིར་ཞི་གནས་ཀྱི་རྣམ་པ་དང་། ཅང་ཤེས་པའི་ཕྱིར་སེམས་དུལ་བའི་རྣམ་པ་དང་། དབང་པོ་ངེས་པར་བསྡམས་པའི་ཕྱིར་ངེས་པར་སེམས་པའི་རྣམ་པ་དང་། བྱང་ཆུབ་ཀྱི་བསམ་པ་མ་བོར་བའི་ཕྱིར་ཐབས་མཁས་
D146.057.0091b03.01པའི་རྣམ་པས་བྱང་ཆུབ་སེམས་དཔའ་རྣམས་བསམ་གཏན་སྒོམ་གྱི། ང་རྒྱལ་དང་ལྟ་བ་དང་སྲེད་པ་ཤས་ཆེ་བའི་བསམ་གཏན་པ་ནི་མ་ཡིན་ཏེ། དེའི་ཕྱིར་བྱང་ཆུབ་སེམས་དཔའ་རྣམས་སྙོམས་པར་འཇུག་པ་ཐམས་ཅད་ཟིལ་གྱིས་གནོན་ཏོ། །རིགས་ཀྱི་བུ་རྣམ་
D146.057.0091b04.01པ་བཅུ་གཉིས་པོ་དེ་དག་གིས་བྱང་ཆུབ་སེམས་དཔས་བསམ་གཏན་རྣམས་བསྒོམ་པར་བྱ་སྟེ། བསམ་གཏན་དེ་ཡང་ཐམས་ཅད་མཁྱེན་པ་ཉིད་དུ་ཡོངས་སུ་བསྔོ་བར་བྱའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །བྱང་
D146.057.0091b05.01ཆུབ་སེམས་དཔའ་གཟི་ལྡན་པ། །དེ་ཉིད་དེ་དག་བསམ་གཏན་ནི། །ཉོན་མོངས་ཐམས་ཅད་ཞི་ཕྱིར་དང་། །ཤིན་ཏུ་འཁྲུག་མེད་དོན་ཕྱིར་ཡིན། །ཞི་བའི་ཞི་གནས་ངེས་པར་སེམས། །ཡུལ་ལ་རྟག་པར་དགའ་བ་མེད། །སེམས་འཁྲུལ་གྱུར་པ་གནས་རྣམས་
D146.057.0091b06.01སུ། །རྟག་པར་ཡང་དག་རབ་ཏུ་སྦྱོར། །མི་གནས་དེ་དག་བསམ་གཏན་བྱེད། །འདོད་དང་གཟུགས་དང་གཟུགས་མེད་པ། །གང་ལའང་དེ་དག་མི་གནས་ཏེ། །དེ་དག་མི་གནས་བསམ་གཏན་བྱེད། །བྱང་ཆུབ་སེམས་དཔའ་ཡེ་ཤེས་ཅན། །བསམ་གཏན་འཇིག་
D146.057.0091b07.01