完整藏文原文 · 德格版页 当前仅加载第 57 函德格 124a 版页；藏文 NFD、目录标记与异常页序保留在来源切片中，重复版页行以稳定序号区分。
ཐུགས་རྗེ་ཆེན་པོ་འཇུག་པ་དང་། ཤིང་བལ་གྱི་འདའ་བ་ལྟར་གྱུར་ཅིང་ལྟ་བ་སྣ་ཚོགས་ལ་རྟེན་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གཽ་ཏ་མའི་ཐུགས་རྗེ་ཆེན་པོ་འཇུག་པ་དང་། འདུ་ཤེས་དང་སེམས་ཕྱིན་ཅི་ལོག་ཏུ་གྱུར་ཅིང་མི་
D146.057.0124a01.01རྟག་པ་ལ་རྟག་པར་འདུ་ཤེས་པ་དང་། སྡུག་བསྔལ་ལ་བདེ་བར་འདུ་ཤེས་པ་དང་། མི་སྡུག་པ་ལ་སྡུག་པར་འདུ་ཤེས་པ་དང་། དངོས་པོ་མ་མཆིས་པ་ལ་དངོས་པོ་མཆིས་པར་འདུ་ཤེས་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གཽ་ཏ་མའི་ཐུགས་
D146.057.0124a02.01རྗེ་ཆེན་པོ་འཇུག་པ་དང་། ཁུར་གྱིས་གཟིར་ཅིང་ཡུན་རིང་པོ་ནས་དུབ་སྟེ། སྡུག་བསྔལ་བའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གཽ་ཏ་མའི་ཐུགས་རྗེ་ཆེན་པོ་འཇུག་པ་དང་། མཐུ་ཆུང་བ་ལ་རྟེན་ཅིང་སྙིང་པོ་མ་མཆིས་པ་སྙིང་པོར་འདུ་ཤེས་
D146.057.0124a03.01པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གཽ་ཏ་མའི་ཐུགས་རྗེ་ཆེན་པོ་འཇུག་པ་དང་། རྟག་ཏུ་ཉེ་བར་ཉོན་མོངས་པ་དང་ལྡན་པར་གྱུར་ཅིང་དྲི་མས་གོས་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གཽ་ཏ་མའི་ཐུགས་རྗེ་ཆེན་པོ་འཇུག་པ་དང་།
D146.057.0124a04.01སྲིད་པའི་འདོད་ཆགས་ཀྱིས་བརླགས་ཤིང་ཡིད་ཞུམ་པའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གཽ་ཏ་མའི་ཐུགས་རྗེ་ཆེན་པོ་འཇུག་པ་དང་། རྙེད་པ་དང་བཀུར་སྟིའི་ཟིལ་གྱིས་ནོན་ཅིང་རྟག་ཏུ་རྙེད་པ་ཚོལ་བའི་སེམས་ཅན་དག་གཟིགས་ན་སེམས་ཅན་རྣམས་
D146.057.0124a05.01ལ་དགེ་སྦྱོང་གཽ་ཏ་མའི་ཐུགས་རྗེ་ཆེན་པོ་འཇུག་པ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམ་པ་མང་པོས་གཟིར་བའི་སེམས་ཅན་དག་གཟིགས་ན་སེམས་ཅན་རྣམས་ལ་དགེ་སྦྱོང་གཽ་ཏ་མའི་ཐུགས་རྗེ་ཆེན་
D146.057.0124a06.01པོ་སྐྱེ་བ་སྟེ། དགེ་སྦྱོང་གཽ་ཏ་མ་དེ་ནི་རྣམ་པ་སུམ་ཅུ་རྩ་གཉིས་པོ་དེ་དང་ལྡན་པའི་ཐུགས་རྗེ་ཆེན་པོ་དང་ལྡན་པ་སྟེ། དེའི་སླད་དུ་དེ་ལ་སྐྱོན་མ་མཆིས་ལགས་སོ། །དེ་ལ་འདི་སྐད་ཅེས་བགྱི་སྟེ། གཏི་མུག་མུན་པ་མུན་ནག་གིས་རྟག་ཏུ། །སེམས་ནི་བསྒྲིབས་པར་གྱུར་པའི་
D146.057.0124a07.01