完整藏文原文 · 德格版页 当前仅加载第 57 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་ཀྱང་ཚུར་ཤེག །རྒྱལ་པོ་དང་བཅས། དཔུང་དང་བཅས། གྲོང་རྡལ་གྱི་མི་དང་བཅས། ཡུལ་གྱི་མི་དང་བཅས། འཁོར་གྱི་མི་དང་བཅས་པར་ལྷན་ཅིག་འཐུན་པར་བགྱིས་ཏེ་བཀོད་པ་ཆེན་པོས་འདོང་ངོ་། །དེ་ནས་རྒྱལ་པོ་གཏུམ་པོ་རབ་སྣང་གིས་གྲོང་
D146.057.0129b01.01ཁྱེར་ཐམས་ཅད་དུ་དྲིལ་གྱི་སྒྲ་བསྒྲགས་ཏེ། དེ་བཞིན་གཤེགས་པའི་གན་དུ་སུ་མི་འགྲོ་བ་དེའི་ཆད་པ་ནི་བསད་པའོ་ཞེས་བསྒོའོ། །དེ་ནས་གྲོང་གི་མི་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་ཐམས་ཅད་ཀྱིས་རྒྱལ་པོ་གཏུམ་པོ་རབ་སྣང་གི་བཀའ་དེ་ཐོས་ནས། མེ་ཏོག་དང་།
D146.057.0129b02.01སྤོས་དང་། མེ་ཏོག་ཕྲེང་དང་། བྱུག་པ་དང་། སིལ་སྙན་དང་། ཕེག་རྣམས་ཐོགས་ཏེ། གྲོང་ཁྱེར་ཆེན་པོ་འཕགས་རྒྱལ་ནས་ཕྱི་རོལ་ཏུ་འཐོན་ཏེ། སྐྱེད་མོས་ཚལ་དུ་འདོང་བར་ཆས་ནས་རྒྱལ་པོ་གཏུམ་པོ་རབ་སྣང་ལ་སྡོད་ཅིང་འཁོད་པར་གྱུར་ཏོ། །དེ་ནས་རྒྱལ་པོ་གཏུམ་པོ་རབ་སྣང་གཅེར་
D146.057.0129b03.01བུ་པའི་བུ་བདེན་སྨྲ་དང་ལྷན་ཅིག །བློན་པོའི་ཚོགས་དང་ལྷན་ཅིག །རྒྱལ་བུ་གཞོན་ནུ་དང་། དཔུང་གི་ཚོགས་དང་ལྷན་ཅིག །བཙུན་མོའི་འཁོར་དང་ལྷན་ཅིག །གྲོང་རྡལ་པའི་མི་དང་ཡུལ་གྱི་མི་རྣམས་དང་ལྷན་ཅིག །འཁོར་གྱི་མི་དང་ཆབ་སྒོ་པ་རྣམས་དང་ལྷན་ཅིག་ཏུ་ཐམས་ཅད་
D146.057.0129b04.01ཀྱིས་ཡོངས་སུ་བསྐོར་ཅིང་དཔུང་གི་བཀོད་པ་ཆེན་པོས་མདུན་དུ་བདར་ནས། གདུགས་དང་། རྒྱལ་མཚན་དང་། བ་དན་དག་ནི་བསྒྲེང་། སིལ་སྙན་བྱེ་བ་འབུམ་དག་ནི་བུན་ལོང་དུ་བྱས། གར་དང་། གླུ་དང་། རོལ་མོའི་སྒྲ་དབྱངས་ནི་བསྒྲགས། རོལ་མོའི་སྤྱད་ཀི་མ་པ་ལ་དང་། ན་ཀུ་
D146.057.0129b05.01ལ་དང་། ཁར་དཀྲོལ་དང་། ཕེག་གི་སྒྲ་ནི་བསྒྲགས། རྟ་དང་གླང་པོ་ཆེ་རྣམས་སྒྲ་ནི་འབྱིན། བཀྲ་ཤིས་ཀྱི་བུམ་པ་གསེར་ཐག་གིས་བཏགས་པ་འབུམ་དག་ཐོགས་པ་རྣམས་ནི་མདུན་དུ་བཀྱེ་སྟེ། གླང་པོ་ཆེའི་ཤིང་རྟ་པ་རྣམས་དང་། རྟའི་ཤིང་རྟ་པ་རྣམས་དང་། སྲོག་ཆགས་འབུམ་ཕྲག་དགུ་
D146.057.0129b06.01བཅུ་རྩ་བརྒྱད་དང་ལྷན་ཅིག་ཏུ་རྒྱལ་པོའི་མཐུ་ཆེན་པོ་དང་། རྒྱལ་པོའི་འབྱོར་པ་ཆེན་པོ་དང་། རྒྱལ་པོའི་རྣམ་པར་འཕྲུལ་པ་ཆེན་པོ་དང་། རྒྱལ་པོའི་རྣམ་པར་རྩེ་བ་ཆེན་པོས་རང་གི་སྐྱེད་མོས་ཚལ་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་
D146.057.0129b07.01