完整藏文原文 · 德格版页 当前仅加载第 57 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་པས། མཐོང་བ་མེད་པར་དེ་བཞིན་གཤེགས་པ་བལྟའོ། །བཙུན་པ་ཤ་ར་དྭ་ཏིའི་བུ་བྱང་ཆུབ་སེམས་དཔའ་རྣམས་ཀྱང་དེ་བཞིན་གཤེགས་པ་ལ་དེ་ལྟར་བལྟ་སྟེ། ཁོ་བོ་ཡང་དེ་བཞིན་དུ་བལྟའོ། །ཤ་ར་དྭ་ཏིའི་བུས་སྨྲས་པ་དེ་བཞིན་གཤེགས་པ་ལ་གལ་ཏེ་དེ་ལྟར་བལྟ་ན། དེའི་ཆོས་བསྟན་པ་ཡང་
D146.057.0131b01.01ཇི་ལྟར་ཉན། སྨྲས་པ། བཙུན་པ་ཤ་ར་དྭ་ཏིའི་བུ་གལ་ཏེ་ཁོ་བོ་ལ་ཆོས་ཀྱི་འདུ་ཤེས་སྐྱེ་བ་ཞིག་ཡོད་དམ། ཆོས་མ་ཡིན་པའི་འདུ་ཤེས་སྐྱེ་བ་ཞིག་ཡོད་ན་ནི་ཁོ་བོ་ཡང་བཅོམ་ལྡན་འདས་ཀྱི་ཆོས་བསྟན་པ་ཉན་ཏོ། །དེ་ཅིའི་ཕྱིར་ཞེ་ན། བཙུན་པ་ཤ་ར་དྭ་ཏིའི་བུ་བརྗོད་པ་ཐམས་ཅད་ལས་བྱང་ཆུབ་སེམས་
D146.057.0131b02.01དཔའི་ཆོས་ཀྱི་ཚིག་འབྱུང་བ་མེད་དེ། དེ་ལ་མངོན་པར་ཞེན་པ་ཡང་མེད་ལ་ཆོས་ཀྱི་འདུ་ཤེས་ཀྱང་མི་སྐྱེད་པའི་ཕྱིར་རོ། །དེ་ཅིའི་ཕྱིར་ཞེ་ན། འདུ་ཤེས་ཐམས་ཅད་དང་བྲལ་བའི་ཕྱིར་རོ། །ཤ་ར་དྭ་ཏིའི་བུས་སྨྲས་པ། བདེན་སྨྲ་ཁྱོད་ཆོས་དོན་དུ་གཉེར་བའི་ཕྱིར་དེ་བཞིན་གཤེགས་པའི་ཐད་དུ་མ་འོངས་
D146.057.0131b03.01སམ། སྨྲས་པ། བཙུན་པ་ཤ་ར་དྭ་ཏིའི་བུ་ཁོ་བོ་ནི་ཆོས་དོན་དུ་གཉེར་བ་ཡང་མ་ཡིན། ཆོས་མ་ཡིན་པ་དོན་དུ་གཉེར་བ་ཡང་མ་ཡིན་པར་དེ་བཞིན་གཤེགས་པའི་ཐད་དུ་འོངས་སོ། །དེ་ཅིའི་ཕྱིར་ཞེ་ན། བཙུན་པ་ཤ་ར་དྭ་ཏིའི་བུ་ཆོས་དོན་དུ་གཉེར་ཞེས་བྱ་བ་དེ་ནི་ཆོས་ཐམས་ཅད་ལ་དོན་དུ་
D146.057.0131b04.01གཉེར་བ་མེད་པའི་ཚིག་{བླ་དགས་,བླ་དྭགས་}ཏེ། བཙུན་པ་ཤ་ར་དྭ་ཏིའི་བུ་གང་ཆོས་དོན་དུ་གཉེར་བ་དེ་ནི་སངས་རྒྱས་ལ་མངོན་པར་ཞེན་པར་འདོད་པ་མ་ཡིན། ཆོས་ལ་སྒྲོ་གདགས་པར་འདོད་པ་མ་ཡིན། དགེ་འདུན་བསྐྱེད་པར་འདོད་པ་མ་ཡིན། སྡུག་བསྔལ་ཡོངས་སུ་ཤེས་པར་བྱ་བར་འདོད་པ་མ་ཡིན།
D146.057.0131b05.01ཀུན་འབྱུང་བ་སྤང་བར་འདོད་པ་མ་ཡིན། ལམ་བསྒོམ་པར་འདོད་པ་མ་ཡིན། འགོག་པ་མངོན་དུ་བྱ་བར་འདོད་པ་མ་ཡིན། འདོད་པའི་ཁམས་ལས་ཡང་དག་པར་འདའ་བར་འདོད་པ་མ་ཡིན། གཟུགས་ཀྱི་ཁམས་དང་གཟུགས་མེད་པའི་ཁམས་ལས་ཡང་དག་པར་འདའ་བར་འདོད་པ་མ་ཡིན།
D146.057.0131b06.01མྱ་ངན་ལས་འདའ་བར་འདོད་པ་མ་ཡིན་པའི་ཕྱིར་ཏེ། བཙུན་པ་ཤ་ར་དྭ་ཏིའི་བུ་རྣམ་གྲངས་དེས་ན་འདི་ལྟར་ཁོ་བོ་ནི་ཆོས་ཐམས་ཅད་ལ་དོན་དུ་གཉེར་བ་མེད་པར་དེ་བཞིན་གཤེགས་པའི་སྤྱན་སྔར་ཕྱིན་པར་རིག་པར་བགྱིའོ། །དེ་སྐད་ཅེས་སྨྲས་པ་དང་། ཚེ་དང་ལྡན་པ་ཤ་ར་དྭ་ཏིའི་བུས་གཅེར་བུ་པའི་བུ་བདེན་
D146.057.0131b07.01