完整藏文原文 · 德格版页 当前仅加载第 57 函德格 84b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡིང་གི་དབང་པོའམ། མིའམ་ཅིའམ། མིའམ་ཅིའི་དབང་པོའམ། ལྟོ་འཕྱེ་ཆེན་པོའམ། ལྟོ་འཕྱེ་ཆེན་པོའི་དབང་པོའམ། མིའམ་མིའི་དབང་པོ་གཟི་བརྗིད་ཆེ་བ་གཟི་བརྗིད་ཆེ་བ་རྒྱ་ཆེ་བ་རྒྱ་ཆེ་བ། གཡོག་འཁོར་འབུམ་ཕྲག་དུ་མ་དང་ལྡན་པ་གང་དག་གནས་པ་དེ་དག་ཐམས་
D146.057.0084b01.01ཅད་ཀྱང་འཁོར་དེ་ཉིད་དུ་འདུས་ཏེ་འཁོད་པར་གྱུར་ཏོ། །དེའི་ཚེ་བཅོམ་ལྡན་འདས་འཁོར་འབུམ་ཕྲག་དུ་མས་ཡོངས་སུ་བསྐོར་ཅིང་མདུན་གྱིས་བལྟས་ནས་དཔལ་གྱི་སྙིང་པོའི་སེང་གེའི་ཁྲི་ལ་བཞུགས་ཏེ། སྐུ་མདོག་དང་། གཟི་བརྗིད་དང་། སྐུའི་འོད་ཀྱིས་འཁོར་ཐམས་ཅད་ཟིལ་
D146.057.0084b02.01གྱིས་མནན་ནས་ལམ་མེ་ལྷན་ནེ་ལྷང་ངེའོ། །འདི་ལྟ་སྟེ་དཔེར་ན་རིའི་རྒྱལ་པོ་རི་རབ་རྒྱ་མཚོའི་ནང་ནས་མངོན་པར་འཕགས་ཤིང་། རི་ནག་པོ་གཞན་ཟིལ་གྱིས་མནན་ནས་ལམ་མེ་ལྷན་ནེ་ལྷང་ངེ་བ་དེ་བཞིན་དུ། བཅོམ་ལྡན་འདས་གདན་སེང་གེའི་ཁྲི་ལ་བཞུགས་པ་ཡང་ལྷ་དང་མིར་
D146.057.0084b03.01བཅས་པའི་འཇིག་རྟེན་ཟིལ་གྱིས་མནན་ཅིང་ལམ་མེ་ལྷན་ནེ་ལྷང་ངེའོ། །འདི་ལྟ་སྟེ་དཔེར་ན། ཟླ་བ་ཡར་གྱི་ངོའི་ཟླ་བ་ཉ་ལ་བབ་སྟེ། ཟླ་བའི་དཀྱིལ་འཁོར་རྒྱས་པ་ནི་རྒྱུ་སྐར་དང་སྐར་མའི་ཚོགས་ཐམས་ཅད་ཟིལ་གྱིས་མནན་ཏེ་མོག་མོག་པོར་བྱས་ནས་ལམ་མེ་ལྷན་ནེ་ལྷང་ངེའོ། །དེ་བཞིན་
D146.057.0084b04.01དུ་བཅོམ་ལྡན་འདས་གདན་སེང་གེའི་ཁྲི་ལ་བཞུགས་པ་ཡང་ལྷ་དང་བཅས་པའི་འཇིག་རྟེན་ཟིལ་གྱིས་མནན་ཏེ། མོག་མོག་པོར་མཛད་ནས་ལམ་མེ་ལྷན་ནེ་ལྷང་ངེའོ། །འདི་ལྟ་སྟེ་དཔེར་ན། དག་ཅིང་དྲི་མ་མེད་པའི་ནམ་མཁའ་སྤྲིན་མེད་པ་ལ་ཉི་མའི་དཀྱིལ་འཁོར་འོད་ཟེར་གྱི་དྲ་བ་རབ་
D146.057.0084b05.01ཏུ་འཕྲོ་བར་འདུག་པ་ནི་སྲིན་བུ་མེ་ཁྱེར་ཐམས་ཅད་ཟིལ་གྱིས་མནན་ཏེ། མོག་མོག་པོར་བྱས་ནས་ཤིན་ཏུ་ལམ་མེ་ལྷན་ནེ་ལྷང་ངེའོ། །དེ་བཞིན་དུ་བཅོམ་ལྡན་འདས་གདན་སེང་གེའི་ཁྲི་ལ་བཞུགས་པ་ཡང་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་རྣམས་ཀྱི་འོད་ཟིལ་
D146.057.0084b06.01གྱིས་མནན་ཏེ། མོག་མོག་པོར་མཛད་ནས་ལམ་མེ་ལྷན་ནེ་ལྷང་ངེའོ། །འདི་ལྟ་སྟེ་དཔེར་ན། མཚན་མོ་རི་ཆེན་པོའི་སྤོ་ལ་མེ་ཆེན་པོ་འབར་བ་ནི་ལམ་མེ་ལྷན་ནེ་ལྷང་ངེའོ། །དེ་བཞིན་དུ་བཅོམ་ལྡན་འདས་གདན་སེང་གེའི་ཁྲི་ལ་བཞུགས་པ་ལ་ཡང་ལམ་མེ་ལྷན་ནེ་ལྷང་ངེའོ། །
D146.057.0084b07.01