完整藏文原文 · 德格版页 当前仅加载第 57 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་རྒྱལ་པོ་གཏུམ་པོ་རབ་སྣང་གཅེར་བུ་པའི་བུ་བདེན་སྨྲས་དྲིས་པའི་ལན་བཏབ་པས་མགུ་ནས། གཅེར་བུ་པའི་བུ་བདེན་སྨྲ་ལ་འདི་སྐད་ཅེས་སྨྲས་སོ། །བྲམ་ཟེ་ཚུར་ཤོག །ངའི་ཕོ་བྲང་དུ་འདོང་། དེ་ཅིའི་ཕྱིར་ཞེ་ན། བྲམ་ཟེ་འཁོར་དང་
D146.057.0112a01.01བཅས་པར་ངས་ཟན་ལ་འབོད་དོ། །དེ་སྐད་ཅེས་སྨྲས་པ་དང་། གཅེར་བུ་པའི་བུ་བདེན་སྨྲས་རྒྱལ་པོ་གཏུམ་པོ་རབ་སྣང་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་ལེགས་སོ། །ལེགས་སོ། །དུས་ལ་བབ་པར་གསུངས་སོ། །དེ་ཅིའི་སླད་དུ་ཞེ་ན། རྒྱལ་པོ་ཆེན་པོ་
D146.057.0112a02.01བདག་ཅག་ནི་ཤུལ་ན་དུབ་ཅིང་བཀྲེས་པ་ལགས་སོ། །རྒྱལ་པོ་ཆེན་པོ་ཁྱོད་ཀྱིས་ཇི་སྐད་བཀའ་སྩལ་པ་དེ་བཞིན་དུ་བགྱིའོ། །དེ་ནས་རྒྱལ་པོ་གཏུམ་པོ་རབ་སྣང་གིས་གཅེར་བུ་པའི་བུ་བདེན་སྨྲ་འཁོར་དང་བཅས་ཏེ། མདུན་དུ་བཀྱེ་ནས་ཕོ་བྲང་བཀོད་པ་ཆེན་པོར་ཕྱིན་ཏོ། །
D146.057.0112a03.01དེར་ཕྱིན་པ་དང་། གཅེར་བུ་པའི་བུ་བདེན་སྨྲ་རྒྱལ་པོའི་སྟན་ལ་བཞག་གོ། །གཅེར་བུ་པའི་ལྷག་མ་གཞན་ཡང་རྐྱེན་རྐྱེན་གྱི་སྟན་ལ་བཀོད་དེ་རིམ་གྲོ་བྱས། བླ་མར་བྱས་ནས་གུས་པ་དང་བཅས་ཤིང་ཞེས་དང་བཅས་པར་རང་གིས་ལག་དར་ཏེ། གཅེར་བུ་པའི་བུ་བདེན་
D146.057.0112a04.01སྨྲ་འཁོར་དང་བཅས་པ་ལ་ཁ་ཟས་རོ་བརྒྱ་དང་ལྡན་པས་བདར་ཏེ་ཚིམ་པར་བྱས་སོ། །དེ་ལྟར་བདར་བས་ཚིམ་པར་བྱས་ཏེ། ཟན་ཟོས་པར་ཤེས་ནས་བརྒྱ་ཕྲག་སྟོང་རི་བའི་གོས་ཕྲུགས་སུ་བཤམས་ཏེ་བསྐོན་ནོ། །གོས་བསྐོན་ནས་ཕྱོགས་གཅིག་ཏུ་འདུག་གོ། །དེ་ནས་
D146.057.0112a05.01གཅེར་བུ་པའི་བུ་བདེན་སྨྲ་ཟས་ཀྱི་བྱ་བ་བྱས་ནས་སླེའུ་གྱུ་སྟེ། ལག་པ་བསྙལ་ཏེ་རྒྱལ་པོ་གཏུམ་པོ་རབ་སྣང་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་སྦྱིན་པ་འདི་མཛད་པས་ཁྱོད་ཀྱིས་ཐོག་མ་ཉིད་དུ་སེར་སྣ་བཅོམ་སྟེ་གཏོང་བའི་ཕྱག་མངོན་པར་བརྐྱང་བས་མེད་པར་ལྟ་བ་
D146.057.0112a06.01ནི་བསལ། ཡང་དག་པར་ལྟ་བ་ནི་མངོན་པར་ཕྱུང་། སྐྱེས་བུ་དམ་པ་རྣམས་ཀྱི་རྗེས་ནི་བསྙགས། སྐྱེས་བུ་ངན་པ་རྣམས་ནི་ཡོངས་སུ་སྤངས། མཐོ་རིས་དང་ཐར་པའི་སྒོ་རྣམས་ནི་ཕྱེ། ངན་སོང་གི་སྒོ་རྣམས་ནི་བཅད། དགེ་བའི་རྩ་བ་ནི་བསྐྱེད། མི་དགེ་བའི་རྩ་བ་ནི་ཕྱུང་།
D146.057.0112a07.01