完整藏文原文 · 德格版页 当前仅加载第 57 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་འདས་པར་བརྗོད། །དེ་བས་ཏིང་ངེ་འཛིན་རྣམས་ཀྱིས། །ཉན་ཐོས་རྣམས་དང་འཇིག་རྟེན་འཕགས། །དེ་དག་བསམ་གཏན་ལས་སུ་རུང་། །ཇི་ལྟར་འདོད་བཞིན་དབང་ཡང་སྒྱུར། །འདོད་པའི་ཁམས་སུ་སྐྱེ་མི་འདོད། །དེ་དག་བསམ་གཏན་ཟློག་པར་
D146.057.0092a01.01བྱེད། །བདག་ཉིད་ཆེན་པོ་དེ་དག་གི། །བསམ་གཏན་རྣམས་ནི་རྣམ་པས་འཕགས། །དེ་དག་དེར་ཆགས་མེད་པ་ཞེས། །དེ་ཕྱིར་རྒྱལ་བས་བཀའ་སྩལ་ཏོ། །སེམས་ཅན་མེད་ཆོས་དྲི་མེད་དེ། །དེ་དག་བསམ་གཏན་ཚད་མེད་དོ། །ཕྱོགས་གཅིག་བསམ་གཏན་
D146.057.0092a02.01བྱེད་པ་དག །ཟིལ་གྱིས་མནན་ཅིང་བསམ་གཏན་བྱེད། །ཤེས་རབ་ཐབས་དང་ལྡན་པ་པོ། །མ་སྨད་བསམ་གཏན་བསམ་གཏན་བྱེད། །དེ་དག་ལྟ་བའི་རྣམ་པ་སྤངས། །ཤིན་ཏུ་དགེ་བའི་སྤྱོད་ཡུལ་ཅན། །དངོས་ལ་མི་གནས་ཤེས་རབ་ལྡན། །དངོས་པོ་མེད་ལའང་མི་
D146.057.0092a03.01གནས་ཏེ། །དངོས་དང་དངོས་མེད་འདུ་ཤེས་སྤངས། །དེ་དག་བསམ་གཏན་བསམ་གཏན་བྱེད། །གཟི་ལྡན་དེ་དག་འདྲ་བ་ཡི། །རྣམ་པས་མཉམ་མེད་བསམ་གཏན་བྱེད། །དེ་ལ་དགྲ་བཅོམ་རང་སངས་རྒྱས། །བློ་ནི་ཤིན་ཏུ་རྨོངས་པར་འགྱུར། །རིགས་ཀྱི་བུ་རྣམ་པ་བཅུ་
D146.057.0092a04.01གཉིས་ཀྱིས་བྱང་ཆུབ་སེམས་དཔས་ཤེས་རབ་ཀྱི་ཕ་རོལ་ཏུ་ཕྱིན་པ་རྟོགས་པར་བྱའོ། །བཅུ་གཉིས་པོ་དག་གང་ཞེ་ན། འདི་ལྟ་སྟེ། གཏི་མུག་གི་མུན་པ་མུན་ནག་མེད་པའི་ཕྱིར་སྣང་བའི་རྣམ་པ་དང་། ཉོན་མོངས་པའི་ཐིབས་པོ་སྣང་བར་བྱེད་པའི་ཕྱིར་སྒྲོན་མའི་རྣམ་པ་དང་།
D146.057.0092a05.01མི་ཤེས་པ་དང་བྲལ་བའི་ཕྱིར་ཡེ་ཤེས་ཀྱི་འོད་ཟེར་རབ་ཏུ་འགྱེད་པའི་རྣམ་པ་དང་། མ་རིག་པ་དྲུངས་ནས་འབྱིན་པའི་ཕྱིར་ཐང་གཤོལ་གྱི་རྣམ་པ་དང་། སྲེད་པའི་རྒྱ་མོ་རྣམ་པར་འཇིག་པར་བྱེད་པའི་ཕྱིར་ལྕགས་ཀྱུའི་རྣམ་པ་དང་། ཉོན་མོངས་པའི་རི་རྡུལ་དུ་རློག་པའི་ཕྱིར་རྡོ་རྗེའི་
D146.057.0092a06.01རྣམ་པ་དང་། ཉོན་མོངས་པའི་འདམ་རྫབ་སྐེམས་པའི་ཕྱིར་ཉི་མའི་དཀྱིལ་འཁོར་གྱི་རྣམ་པ་དང་། སྐྱེ་བའི་ཤིང་སྲེག་པའི་ཕྱིར་མེའི་རྣམ་པ་དང་། རྨོངས་པ་མེད་པར་བྱེད་པའི་ཕྱིར་ནོར་བུ་ལྟ་བུའི་རྣམ་པ་དང་། རྫས་མེད་པའི་ཕྱིར་སྟོང་པ་ཉིད་ཀྱི་རྣམ་པ་དང་། མཚན་ཉིད་མེད་པའི་
D146.057.0092a07.01