完整藏文原文 · 德格版页 当前仅加载第 57 函德格 139a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། །རྒྱལ་བ་དགྲ་ལས་རྒྱལ་བར་འདི་འགྱུར་རོ། །རྒྱལ་བ་དེ་ཡི་ཞིང་བཀོད་འདི་འདྲ་སྟེ། །འཇིག་རྟེན་ཕན་པར་མཛད་པ་འདི་བཞིན་ནོ། །རྒྱལ་བའི་བྱང་ཆུབ་མཉམ་མེད་དྲི་མེད་པ། །རབ་ཞི་རྫོགས་པའི་སངས་རྒྱས་མགོན་པོར་འགྱུར། །ང་ཡི་མཁྱེན་
D146.057.0139a01.01པ་དེ་འདྲ་ནམ་མཁའི་ཚད། །བསྐལ་པ་འབྱུང་བ་མང་པོ་རབ་ཏུ་ཤེས། །འདས་པའི་ལོས་ཤེས་ད་ལྟར་ཅི་ཞིག་སེམས། །ཡེ་ཤེས་ཀུན་དུ་ཐོགས་པ་མེད་པ་མངའ། །ང་ཡི་ཚིག་ནི་དག་ཅིང་{བརྫུན་,རྫུན་}མེད་དེ། །{བརྫུན་,རྫུན་}དུ་མི་སྨྲ་དོན་དམ་བདེན་པ་ལ། །ང་གནས་ནས་ནི་ནམ་ཡང་མི་
D146.057.0139a02.01སྨྲའོ། །ཇི་སྐད་གསུངས་པ་འདི་ལ་ཡིད་ཆེས་གྱིས། །དྲང་སྲོང་ཆེན་པོའི་གསུང་འདི་ཐོས་གྱུར་ནས། །འཁོར་རྣམས་ཀུན་ཀྱང་དགའ་བའི་སེམས་གྱུར་ཏེ། །དེ་ཚེ་ཁམས་དེར་སྐྱེ་བར་ཤོག་ཤིག་ཅེས། །ཞིང་མཆོག་དེར་སྐྱེར་དད་པས་སྨོན་ལམ་བཏབ། །འཇིག་རྟེན་ཁམས་
D146.057.0139a03.01མཆོག་དེར་ནི་སྐྱེ་འགྱུར་ཏེ། །འཇིག་རྟེན་འདྲེན་པས་དེ་དག་ལུང་བསྟན་ཏེ། །དེར་ནི་ཁྱེད་ཀྱིས་བདེ་གཤེགས་ཐོབ་གྱུར་ནས། །ཀུན་ཀྱང་སེམས་ཅན་དོན་མང་བྱེད་པར་འགྱུར། །མདོ་སྡེ་རྒྱལ་པོ་འདི་བསྟན་དེ་ཡི་ཚེ། །ས་ཆེན་འདི་ཡང་རྣམ་པ་དྲུག་ཏུ་གཡོས། །བྱང་ཆུབ་
D146.057.0139a04.01སེམས་དཔའ་པད་མར་གནས་པ་དག །དེ་ཚེ་ཐལ་སྦྱར་ཐུབ་ལ་འདི་སྐད་གསོལ། །ཁྱོད་ཀྱིས་ཆོས་ཚུལ་དམ་པ་འདི་གསུངས་པ། །ཐུབ་པ་ཟླ་མེད་རང་བཞིན་ཤིན་ཏུ་ལེགས། །ཆོས་ཀྱི་ཚུལ་རབ་དམ་པ་མཉན་པ་དང་། །རྒྱལ་བའི་ཆོས་འཚལ་བདག་ཅག་འདིར་མཆིས་ལགས། །
D146.057.0139a05.01དེ་ནས་ཐམས་ཅད་དང་ལྡན་པའི་འཁོར་དེ་ཚིམ་ཞིང་མགུ་སྟེ། ཡི་རངས་ལ་རབ་ཏུ་དགའ་སྟེ། དགའ་བ་དང་ཡིད་བདེ་བ་སྐྱེས་ནས་གོས་རེ་རེ་བཞག་སྟེ། །གོས་གཞན་དག་བཅོམ་ལྡན་འདས་ཀྱི་སྐུ་ལ་གསོལ་ནས་ཚིག་འདི་སྐད་ཀྱང་སྨྲས་ཏེ། ཀྱེ་མ་འཇིག་རྟེན་དུ་ཆོས་ཀྱི་འཁོར་ལོ་བསྐོར་
D146.057.0139a06.01བ་གཉིས་པ་བྱུང་བར་གྱུར་ཏེ། དང་པོ་ནི་གྲོང་ཁྱེར་བཱ་རཱ་ཎ་སཱིར་བསྐོར་ཏོ། །ཆོས་ཀྱི་འཁོར་ལོ་གཉིས་པ་ནི་བཅོམ་ལྡན་འདས་ཀྱིས་དེ་རིང་འདིར་བསྐོར་ཏོ། །བཅོམ་ལྡན་འདས་བདག་ཅག་ཀྱང་རྟག་ཏུ་རྒྱུན་མི་ཆད་པར་ཆོས་རིན་པོ་ཆེ་འདི་ལྟ་བུ་འདི་དང་མི་འབྲལ་ཞིང་སྐྱེས་བུ་དམ་པ་འདི་དང་
D146.057.0139a07.01