完整藏文原文 · 德格版页 当前仅加载第 45 函德格 335b 版页；藏文 NFD、目录标记与异常页序保留在来源切片中，重复版页行以稳定序号区分。
དག་བྱས་ཏེ་ཕུལ་ནས་ཀྱང་། །དེ་བཞིན་གཤེགས་པ་སྤོས་ཀྱི་གླང་པོ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྲིད་པའི་མེ་ཏོག་ཁྲུས་པའི་ཚེ། །དེ་བཞིན་གཤེགས་པ་རྣམ་པར་འབྱེད་བློ་ལ། །ཁྲུས་རས་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་
D94.045.0335b01.01སེམས་བསྐྱེད་དོ། །བདེ་གཤེགས་མཛོད་སྤུ་ལྡན་པ་དྲང་སྲོང་ཚེ། །དེ་བཞིན་གཤེགས་པ་བློ་གྲོས་མཆོག་དེ་ལ། །ཀུ་ཤ་དག་ལས་བྱས་པའི་ན་བཟའ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོབས་པ་མཚུངས་མེད་རྒྱལ་པོ་རི་མོ་མཁན། །བྱེད་ཚེ་དེ་བཞིན་
D94.045.0335b02.01གཤེགས་པ་ཡོན་ཏན་བཀོད་པ་པོ། །དེ་ལ་མེ་ཏོག་དག་གི་ཕྲེང་བ་ཕུལ་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡེ་ཤེས་རྣམ་འབྱེད་ང་རོ་འགྲོན་པོའི་ཚེ། །དེ་བཞིན་གཤེགས་པ་བརྟུལ་ཞུགས་སེང་གེ་དེ་ཡི་ནི། །ལམ་སྲང་དག་ཏུ་གོས་ནི་གདིང་བ་བྱས་
D94.045.0335b03.01ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་གེའི་མཆེ་བ་དགེ་སློང་ཚེ། །དེ་བཞིན་གཤེགས་པ་ཡེ་ཤེས་བློ་གྲོས་ལ། །ལྷུང་བཟེད་ཆུང་ངུ་སྐྱུ་རུ་རས་བཀང་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཛེས་པར་གཤེགས་པ་
D94.045.0335b04.01དེད་དཔོན་ཚེ། །དེ་བཞིན་གཤེགས་པ་ཡོན་ཏན་ལྷུན་པོ་ལ། །སེང་གེའི་གདན་ཁྲི་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་འཁོར་ལོས་སྒྱུར་རྒྱལ་ཚེ། །དེ་བཞིན་གཤེགས་པ་ང་རོ་སྦྱངས་པ་ལ། །རིན་པོ་ཆེ་ལས་བྱས་པའི་
D94.045.0335b05.01བླ་རེ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་སྒྲོན་གདུགས་ནི་ཚོང་པའི་ཚེ། །དེ་བཞིན་གཤེགས་པ་བསྡུ་བ་རྣམ་འབྱེད་ལ། །ལྷུང་བཟེད་རིན་པོ་ཆེ་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བཀྲ་ཤིས་ལྡན་
D94.045.0335b06.01པ་ཚོང་དཔོན་ཚེ། །དེ་བཞིན་གཤེགས་པ་གསལ་བའི་དཔལ་དེ་ལ། །ཀུན་དགའ་ར་བ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡུལ་འཁོར་མྱ་ངན་མེད་པ་པོ། །ཚོང་དཔོན་བུ་ཚེ་སྟན་{རིངས་,རིང་}ཕུལ་ནས་ཀྱང་། །དེ་བཞིན་གཤེགས་པ་
D94.045.0335b07.01