完整藏文原文 · 德格版页 当前仅加载第 45 函德格 41b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པར་འགྱུར་བ་རྣམ་པ་བཅུ་དྲུག་དང་ལྡན་པའི་སྦྱིན་པ་གང་ཡིན་པ་དེ་ནི་རྒྱས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཁ་ན་མ་ཐོ་བ་རྡུལ་ཙམ་ལ་འཇིགས་པར་བལྟ་བར་དམ་བཅས་པ་གང་ཡིན་པ་དེ་ནི་རྒྱས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །རྗེས་སུ་ཆགས་པ་
D94.045.0041b01.01དང་། ཁོང་ཁྲོ་བ་སྤངས་པའི་བཟོད་པ་གང་ཡིན་པ་དེ་ནི་རྒྱས་པའི་བཟོད་པའི་ཕ་རོལ་ཏུ་ཕྱིན་པའོ། །ཁ་ན་མ་ཐོ་བ་མེད་པ་ལ་རབ་ཏུ་སྦྱོར་བའི་བརྩོན་འགྲུས་གང་ཡིན་པ་དེ་ནི་རྒྱས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྙིང་རྗེ་ཆེན་པོ་དང་མཚུངས་པར་ལྡན་པའི་
D94.045.0041b02.01བསམ་གཏན་གང་ཡིན་པ་དེ་ནི་རྒྱས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཐོགས་པ་མེད་པར་སྟོན་པའི་ཤེས་རབ་གང་ཡིན་པ་དེ་ནི་རྒྱས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་རྒྱས་པའི་ཕ་རོལ་ཏུ་ཕྱིན་པ་དྲུག་གོ །དེ་ལ་མཐའ་ཡས་པའི་ཕ་རོལ་ཏུ་
D94.045.0041b03.01ཕྱིན་པ་དྲུག་གང་ཞེ་ན། ཤེས་རབ་དང་མཚུངས་པར་ལྡན་པའི་སྦྱིན་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་མཐའ་ཡས་པའི་སྦྱིན་པའི་ཕ་རོལ་ཏུ་ཕྱིན་པའོ། །ཕན་པར་འདོད་པའི་ཆོས་དང་མཚུངས་པར་ལྡན་པའི་ཚུལ་ཁྲིམས་གང་ཡིན་པ་དེ་ནི་མཐའ་ཡས་པའི་ཚུལ་ཁྲིམས་ཀྱི་
D94.045.0041b04.01ཕ་རོལ་ཏུ་ཕྱིན་པའོ། །རྣམ་པར་ཐར་པའི་སྒོ་གསུམ་ལ་བཟོད་པ་གང་ཡིན་པ་དེ་ནི་མཐའ་ཡས་པའི་བཟོད་པའི་ཕ་རོལ་ཏུ་ཕྱིན་པའོ། །ཡང་དག་པར་ཤིན་ཏུ་སྦྱངས་པའི་གཞིའི་བརྩོན་འགྲུས་གང་ཡིན་པ་དེ་ནི་མཐའ་ཡས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །
D94.045.0041b05.01བྱམས་པ་ལ་སྦྱོང་ཞིང་བྱང་ཆུབ་ཀྱི་ཡན་ལག་ལ་དམིགས་པའི་བསམ་གཏན་གང་ཡིན་པ་དེ་ནི་མཐའ་ཡས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སོ་སོ་ཡང་དག་པར་རིག་པའི་ཤེས་རབ་གང་ཡིན་པ་དེ་ནི་མཐའ་ཡས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ།
D94.045.0041b06.01འདི་དག་ནི་མཐའ་ཡས་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ཚོལ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། རབ་ཏུ་བྱུང་བ་ལྷུང་བཟེད་ཐོགས་ནས་ཅི་སྙེད་པ་ཡང་དག་པར་བགེད་པ་གང་ཡིན་པ་དེ་ནི་ཚོལ་བའི་སྦྱིན་པའི་ཕ་རོལ་ཏུ་ཕྱིན་པའོ། །སྦྱངས་པའི་ཡོན་ཏན་
D94.045.0041b07.01