完整藏文原文 · 德格版页 当前仅加载第 45 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནི་ངོམས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །འཐུན་པ་དང་མི་འཐུན་པས་རབ་ཏུ་ཕྱེ་བའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ངོམས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །རྣམ་པར་ཐར་པའི་སྒོ་གསུམ་ཡོངས་སུ་བཟུང་བའི་ཤེས་རབ་ཀྱི་ཕ་རོལ་ཏུ་
D94.045.0037b01.01ཕྱིན་པ་གང་ཡིན་པ་དེ་ནི་ངོམས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ངོམས་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་འཇིག་རྟེན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་པ་བྱང་ཆུབ་ཀྱི་ཕྱིར་ཡོངས་སུ་མི་བསྔོ་བ་གང་ཡིན་པ་དེ་ནི་འཇིག་རྟེན་པའི་སྦྱིན་པའི་ཕ་
D94.045.0037b02.01རོལ་ཏུ་ཕྱིན་པའོ། །ཚུལ་ཁྲིམས་རྣམ་པ་བདུན་གང་ཡིན་པ་དེ་ནི་འཇིག་རྟེན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སོ་སོར་བརྟགས་པའི་སྟོབས་ཀྱིས་བཟོད་པ་གང་ཡིན་པ་དེ་ནི་འཇིག་རྟེན་པའི་བཟོད་པའི་ཕ་རོལ་ཏུ་ཕྱིན་པའོ། །འཇིག་རྟེན་པའི་བརྩོན་འགྲུས་ཀྱི་ཕ་
D94.045.0037b03.01རོལ་ཏུ་ཕྱིན་པ་འདུ་འཛི་ཅན་གང་ཡིན་པ་དེ་ནི་འཇིག་རྟེན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྐྱེ་བར་ཡོངས་སུ་བསྔོས་པའི་བསམ་གཏན་གང་ཡིན་པ་དེ་ནི་འཇིག་རྟེན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །འཇིག་རྟེན་གྱི་ཆོས་རྣམས་འདྲིས་པར་གནས་པའི་ཤེས་
D94.045.0037b04.01རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་འཇིག་རྟེན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱང་ཆུབ་སེམས་དཔའི་འཇིག་རྟེན་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་འཇིག་རྟེན་ལས་འདས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་ཀྱི་ཕྱིར་ཆོས་ཀྱི་
D94.045.0037b05.01སྦྱིན་པ་དང་། ཟང་ཟིང་གི་སྦྱིན་པ་མངོན་པར་བསྒྲུབས་པའི་བསོད་ནམས་ཀྱི་རྣམ་པར་སྨིན་པའི་བསམ་པ་འགྲུབ་ལ། མྱུར་དུ་མྱ་ངན་ལས་འདས་པ་ཞི་བ་མཆོག་ཐོབ་པར་འགྱུར་རོ་ཞེས། བཅོམ་ལྡན་འདས་ཀྱིས་ཇི་སྐད་གསུངས་པ་གང་ཡིན་པ་དེ་ནི་འཇིག་རྟེན་ལས་འདས་པའི་
D94.045.0037b06.01སྦྱིན་པའི་ཕ་རོལ་ཏུ་ཕྱིན་པའོ། །ཉན་ཐོས་དང་རང་སངས་རྒྱས་ཀྱི་ཆོས་རྣམས་ཀྱི་སྡོམ་པ་ཤིན་ཏུ་བསལ་ཞིང་གང་ན་བག་ཆགས་ཀྱི་ཉིང་མཚམས་སྦྱོར་བ་འགག་པ་གང་ཡིན་པ་དེ་ནི་འཇིག་རྟེན་ལས་འདས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཟག་པ་མེད་པའི་ཆོས་
D94.045.0037b07.01