完整藏文原文 · 德格版页 当前仅加载第 45 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
ལོ་གྲངས་ཉི་ཁྲི་ཉིས་སྟོང་བར་དུ་གནས། །རྒྱལ་བ་མྱ་ངན་འདས་པའི་སྐུ་གདུང་དག །འགྲོ་ལ་ཕན་ཕྱིར་ཞིང་རྣམས་གང་བར་འགྱུར། །འཇིག་རྟེན་མཆོག་མ་གསུང་བའི་དབང་པོ་ཡི། །སྐྱེ་ཡུལ་སྨྲ་བའི་དབང་ཕྱུག་མཆོག་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་དཔག་ཚད། །སུམ་
D94.045.0249b01.01ཅུ་རྩ་གཉིས་ཤིང་རྟ་དབང་པོ་ཡབ། །འཕགས་པའི་འོད་ཅེས་བྱ་བ་རྒྱལ་བའི་ཡུམ། །སྲས་པོ་གྲགས་དགའ་བསོད་ནམས་རིམ་གྲོ་པ། །དགེ་བའི་སྟོབས་ཞེས་བྱ་བ་མཁས་པ་སྟེ། །ཆོས་ཀྱི་ང་རོ་མཆོག་མ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་ཀུན་ལ་ཡང་། །བླ་མེད་བྱང་ཆུབ་
D94.045.0249b02.01མཆོག་ལ་ངེས་གྱུར་པ། །བྱེ་བ་ཕྲག་ནི་ཁྲི་ཕྲག་བཅུ་བཅུ་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་དགུ་ཁྲིའི་བར་དུ་གནས་པར་འགྱུར། །ལྷ་མི་དག་ལ་ཕན་ཕྱིར་རྒྱལ་བ་ཡི། །སྐུ་གདུང་དག་གིས་རྒྱས་ཤིང་གང་བར་འགྱུར། །
D94.045.0249b03.01མཚུངས་པ་མེད་པ་གཟི་བརྗིད་ཆེན་པོ་ཡི། །སྐྱེ་ཡུལ་ལྷ་ཡིས་ཕྱག་བྱས་པ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་བཞི་ལྷ་རྫས་བཟང་པོ་ཡབ། །ལྷ་ཡི་དབང་ཕྱུག་རྒྱལ་ཡུམ་ཡོན་ཏན་མཆོག །སྲས་ཡིན་ཡོན་ཏན་གྲགས་པ་རིམ་གྲོ་པ། །ཐར་
D94.045.0249b04.01པའི་རྒྱལ་མཚན་ཞེས་བྱ་མཁས་པ་སྟེ། །དོན་ལེགས་བསམས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གཉིས་ཀུན་ལའང་། །དགྲ་བཅོམ་འབྲས་བུ་མཆོག་ནི་ཐོབ་པ་པོ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་སུམ་ཁྲི་བཞི་སྟོང་ཡིན། །
D94.045.0249b05.01ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་སྟོང་ཕྲག་{བཅྭ་,བཅོ་}ལྔའི་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་ཕྲག་བརྒྱད་ཅུ་འབྱུང་། །དེ་བཞིན་གཤེགས་པ་བློ་གྲོས་ཟབ་མོ་ཡི། །སྐྱེ་བའི་ཡུལ་ནི་ཡུལ་འཁོར་མཆོག་ཅེས་བྱ། །རྒྱལ་
D94.045.0249b06.01བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་གྲགས་དོན་ཡིན། །ཡོན་ཏན་བརྒྱན་པ་རྒྱལ་ཡུམ་སྲས་པོ་ནི། །ཡོན་ཏན་མཆོག་མ་གྲུབ་པ་རིམ་གྲོ་པ། །བྱང་ཆུབ་ཡོན་ཏན་འཛིན་པ་བློ་ཅན་ཏེ། །མཆོད་བསྔགས་ཞེས་ནི་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་གཉིས་
D94.045.0249b07.01