完整藏文原文 · 德格版页 当前仅加载第 45 函德格 295b 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆོས་ཀྱི་འབྱུང་གནས་ཀྱིས། །བདེ་གཤེགས་གྲགས་ཏོག་ཤེས་རབ་ཕ་རོལ་ཕྱིན། །གསུང་ཚེ་ལེགས་གསུངས་ཞེས་ནི་ཡི་རང་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་ངེས་ལྡན་པ་ཐ་ག་པར། །
D94.045.0295b01.01གྱུར་ཚེ་བདེ་གཤེགས་ཡོན་ཏན་གསལ་བ་ལ། །རས་ཀྱི་ཁ་ཚར་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཚེམས་སྦྱིན་བློ་ཆེན་བུར་གྱུར་ཚེ། །དེ་བཞིན་གཤེགས་པ་ཆོས་ཀྱི་སྒྲོན་དེ་ལ། །བསིལ་ཡབ་དག་ནི་དབུལ་བ་བྱས་ནས་ཀྱང་། །དང་
D94.045.0295b02.01པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་འབྱུང་གནས་གཞུ་མཁན་ཚེ། །དེ་བཞིན་གཤེགས་པ་གསལ་རབ་དཔལ་དེ་ལ། །མེ་ཏོག་སྙིམ་པ་བཀང་སྟེ་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེ་དབང་མཚུངས་པ་རྫ་མཁན་
D94.045.0295b03.01ཚེ། །དེ་བཞིན་གཤེགས་པ་ཞལ་སྡུག་སྡེ་བདག་ལ། །སྣོད་དག་ཆུ་ཡིས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྟབས་གཤེགས་ཞིང་པའི་བུར་གྱུར་ཚེ། །དེ་བཞིན་གཤེགས་པ་སེང་གེའི་སྟབས་བཞུད་ལ། །ཟམ་སྟེགས་དག་ནི་
D94.045.0295b04.01གཟུགས་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བློ་གནས་ཤིང་སྲུངས་བུར་གྱུར་ཚེ། །དེ་བཞིན་གཤེགས་པ་སྐྱེ་བོའི་མཆོད་རྟེན་ལ། །སེའུ་འབྲུ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
D94.045.0295b05.01གདུགས་མཛེས་བློན་པོའི་བུར་གྱུར་ཚེ། །དེ་བཞིན་གཤེགས་པ་རྒྱ་མཚོའི་བློ་དེ་ལ། །ཙམ་པའི་མེ་ཏོག་ཕྲེང་བ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གཙོ་བོ་གསེར་མགར་ཚེ། །དེ་བཞིན་གཤེགས་པ་པད་མའི་སྙིང་པོ་ལ། །
D94.045.0295b06.01བདུག་པས་བདུགས་པའི་མེ་ཏོག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤིན་ཏུ་འཕགས་དཔལ་སྤོས་འཚོང་བུར། །གྱུར་ཚེ་དེ་བཞིན་གཤེགས་པ་གདུགས་སྡེ་ཡི། །འཆག་ས་སྤོས་ཆུས་ཆག་ཆག་བཏབ་ནས་ཀྱང་། །དང་
D94.045.0295b07.01