完整藏文原文 · 德格版页 当前仅加载第 45 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པ་ཀུན་ནས་རབ་ཏུ་འཛིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པའི་དབང་པོ་དང་མཚུངས་པར་ལྡན་པའི་དད་པ་གང་ཡིན་པ་དེ་ནི་བསམ་གཏན་གྱིའོ། །བྱང་ཆུབ་ཀྱི་སྣོད་དུ་གྱུར་པའི་དད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་
D94.045.0073a01.01དག་ནི་དད་པའི་དབང་པོའི་ཕ་རོལ་ཏུ་ཕྱིན་པ་དྲུག་གོ། །དེ་ལ་བརྩོན་འགྲུས་ཀྱི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བརྩོན་འགྲུས་ཀྱི་དབང་པོ་ཡིད་ལ་གཅགས་པ་མེད་ཅིང་ཕ་རོལ་གནོན་པ་གང་ཡིན་པ་དེ་ནི་སྦྱིན་པའིའོ། །འདུས་བྱས་ལ་ལྷག་
D94.045.0073a02.01པར་ཞེན་པ་མེད་ཅིང་འདུས་མ་བྱས་ལ་བལྟ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བྱ་བ་ཐམས་ཅད་ལ་ཐོགས་པ་མེད་པ་གང་ཡིན་པ་དེ་ནི་བཟོད་པའིའོ། །ཐག་རིང་པོར་ཡོངས་སུ་བསྔོ་བའི་སྨོན་ལམ་གང་ཡིན་པ་དེ་ནི་བརྩོན་འགྲུས་ཀྱིའོ། །དུས་དང་ལྡན་པའི་བརྩོན་འགྲུས་
D94.045.0073a03.01གང་ཡིན་པ་དེ་ནི་བསམ་གཏན་གྱིའོ། །འཇིག་རྟེན་པ་དང་འཇིག་རྟེན་ལས་འདས་པའི་ཆོས་དེའི་ངོ་བོ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བརྩོན་འགྲུས་ཀྱི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་དྲན་པའི་དབང་པོ་དང་མཚུངས་
D94.045.0073a04.01པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡང་དག་པ་མཐོང་ནས་ཁྱིམ་ཡོངས་སུ་འཛིན་པའི་སྐྱོན་སྤོང་བ་གང་ཡིན་པ་དེ་ནི་སྦྱིན་པའིའོ། །འདུས་བྱས་ཀྱི་འབྲས་བུ་དང་འཇིག་རྟེན་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཉོན་མོངས་པས་སྐྱོ་བ་མེད་ཅིང་སྡུག་བསྔལ་བར་མི་
D94.045.0073a05.01སེམས་པ་གང་ཡིན་པ་དེ་ནི་བཟོད་པའིའོ། །ཆོས་རྣམས་འཛིན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཉེ་བར་ཞི་བ་དག་པ་གང་ཡིན་པ་དེ་ནི་བསམ་གཏན་གྱིའོ། །སེམས་ཅན་ཐམས་ཅད་ལ་ཆོས་རྣམས་ཀྱིས་རྒྱས་པར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་དྲན་པའི་
D94.045.0073a06.01དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ཏིང་ངེ་འཛིན་གྱི་དབང་པོ་དང་མཚུངས་པར་ལྡན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚེགས་ཆུང་ངུས་ཉེ་བའི་ཉོན་མོངས་པ་འདོར་བའི་ཏིང་ངེ་འཛིན་གྱི་དབང་པོ་གང་ཡིན་པ་དེ་ནི་སྦྱིན་པའིའོ། །ཏིང་ངེ་འཛིན་ལ་
D94.045.0073a07.01