完整藏文原文 · 德格版页 当前仅加载第 45 函德格 11a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནོ། །འཆི་བ་མེད་པར་སྟོན་པ་ཡིན་ནོ། །མྱ་ངན་ལས་འདས་པ་ཁོང་དུ་ཆུད་པ་ཡིན་ནོ། །སེམས་ཅན་རྣམས་ཀྱི་གདུང་བ་སེལ་ཏོ། །སེམས་ཅན་རྣམས་ཀྱི་ཐེ་ཙོམ་གཅོད་པ་ཡིན་ནོ། །དབང་པོ་དྲུག་པོ་དག་གིས་མི་གོས་པ་ཡིན་ནོ། །ཡི་གེའི་སྒོ་བཅུ་དྲུག་ལ་
D94.045.0011a01.01འཇུག་པའི་གཟུངས་ཐོབ་བོ། །ཡི་གེ་བཅུ་དྲུག་འཐོབ་པ་གང་ཞེ་ན། ཨ་ཞེས་བྱ་བ་དང་། ར་ཞེས་བྱ་བ་དང་། པ་ཞེས་བྱ་བ་དང་། ཙ་ཞེས་བྱ་བ་དང་། ན་ཞེས་བྱ་བ་དང་། ད་ཞེས་བྱ་བ་དང་། ས་ཞེས་བྱ་བ་དང་། ཀ་ཞེས་བྱ་བ་དང་། ཐ་ཞེས་བྱ་བ་དང་། པ་ཞེས་བྱ་བ་དང་།
D94.045.0011a02.01བ་ཞེས་བྱ་བ་དང་། ཀྴ་ཞེས་བྱ་བ་དང་། ཚ་ཞེས་བྱ་བ་དང་། པ་ཞེས་བྱ་བ་དང་། ཋ་ཞེས་བྱ་བ་དང་། ཌྷ་ཞེས་བྱ་བ་སྟེ། འདི་དག་ནི་བཅུ་དྲུག་གོ། །རྣམ་པ་བཅུ་དྲུག་ལ་འཇུག་པའི་གཟུངས་ལས་ནི་མཐའ་ཡས་པས་བསྒྲུབ་པའི་ས་ཡང་ཐོབ་བོ། །ཆོས་ཐམས་ཅད་ཡ་མ་བརླར་
D94.045.0011a03.01རབ་ཏུ་ཤེས་སོ། །ངེས་པར་བྱེད་དོ། །སེམས་ཅན་ཐམས་ཅད་ཀྱི་བསམ་པ་ཤེས་པ་དག་སྐྱེད་པར་བྱེད་དོ། །དེ་ལ་ཉོན་མོངས་པ་ཐམས་ཅད་ཡོད་པ་མ་ཡིན་ནོ། །བྱིས་པ་ཐམས་ཅད་ཀྱིས་གཟུང་བའི་ཆོས་དེ་ཁོ་ན་རབ་ཏུ་ཤེས་སོ། །འཇུག་པར་བྱེད་དོ། །སེམས་ཅན་
D94.045.0011a04.01རྣམས་ཚིམ་པར་བྱེད་དོ། །ལེགས་པར་སྨྲས་པས་མཆོད་སྦྱིན་བྱེད་དོ། །འཆི་བ་མེད་པའི་མཆོད་སྦྱིན་ཉེ་བར་འཇོག་གོ། །སངས་རྒྱས་ཀྱི་མཛད་པ་ཐམས་ཅད་མཁྱེན་པ་ཉིད་དུ་བྱེད་དོ། །ཡོངས་སུ་ཤེས་པ་རྗེས་སུ་འཐོབ་བོ། །བདག་དང་གཞན་གྱི་སོམ་ཉི་གཅོད་དོ། །
D94.045.0011a05.01སེམས་ཅན་རྣམས་ཀྱི་འགྱོད་པ་བསལ་བར་ཡི་དམ་བླངས་པའོ། །བྱ་ཀ་ལ་པིང་ཀའི་སྒྲ་དབྱངས་ལྟ་བུ་འཐོབ་བོ། །མཉམ་པ་ཉིད་ཀྱིས་རྗེས་སུ་འཐོབ་བོ། །སེང་གེའི་སྒྲ་སྒྲོགས་པ་ཡིན་ནོ། །དེས་པ་ཡིན་ནོ། །བཟོད་པའི་ཕ་རོལ་ཏུ་ཕྱིན་པ་ལ་ཞུགས་ནས་སྙིང་རྗེ་ཆེན་པོ་
D94.045.0011a06.01ཡོངས་སུ་རྫོགས་པར་བྱེད་དོ། །བདུད་ཀྱི་ཡུལ་ལས་འདས་སོ། །དབྱངས་སྙན་པ་ཉིད་ཡོངས་སུ་རྫོགས་པར་བྱེད་དོ། །ང་རྒྱལ་སྤང་བའི་ཕྱིར་བཟོད་པ་ཐོབ་བོ། །བསམ་གཏན་ཟབ་མོའི་བསམ་གཏན་པ་ཡིན་ནོ། །འགྲོ་བ་ལས་རྒྱལ་བའི་ཆོས་སྟོན་ཏོ། །གཏིང་
D94.045.0011a07.01