完整藏文原文 · 德格版页 当前仅加载第 45 函德格 65a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱིན་པའི་རྣམ་པར་སྨིན་པའོ། །བདག་ཉིད་རབ་ཏུ་བྱུང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདུན་པ་ཅན་ལ་བཀའ་སྩལ་ཏེ་བཏང་བ་གང་ཡིན་པ་དེ་ནི་བཟོད་པའིའོ། །རབ་ཏུ་བྱུང་བ་ལ་བརྟེན་ནས་ཡུལ་ཀ་ཤི་ཀའི་ན་བཟའ་སྤངས་ཏེ། ཆོས་གོས་
D94.045.0065a01.01བཞེས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པ་ལ་རེག་པར་མཛད་པ་གང་ཡིན་པ་དེ་ནི་བསམ་གཏན་གྱིའོ། །ཡུལ་མ་ག་དྷཱའི་བདག་པོ་ཡོངས་སུ་སྨིན་པར་མཛད་པའི་སླད་དུ་གྲོང་ཁྱེར་དུ་གཤེགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་
D94.045.0065a02.01སྨིན་པ་སྟེ། འདི་དག་ནི་དུས་ཤེས་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་རྣམ་པར་དབྱེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཐུགས་བརྩེ་བའི་སླད་དུ་རྒྱལ་པོའི་ཁབ་ཏུ་བསོད་སྙོམས་ལ་གཤེགས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །ལྷ་རྣམས་ལ་
D94.045.0065a03.01ཆོས་སྟོན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒྱལ་པོའི་ཁབ་ཏུ་གཤེགས་ནས་རི་ལ་བཞུགས་པ་གང་ཡིན་པ་དེ་ནི་བཟོད་པའིའོ། །སྐུ་དྲང་པོར་བཞུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསམ་གཏན་ལ་དགོངས་པ་གང་ཡིན་པ་དེ་ནི་བསམ་གཏན་
D94.045.0065a04.01གྱིའོ། །རྟེན་ཅིང་འབྲེལ་པར་འབྱུང་བ་ལ་རྣམ་པར་རྟོག་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་རྣམ་པར་དབྱེ་བའི་ཕ་རོལ་ཏུ་ཕྱིན་པ་དྲུག་གོ། །དེ་ལ་འཇིག་རྟེན་དང་འཐུན་པར་འཇུག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སློངས་མོ་
D94.045.0065a05.01ལ་གཤེགས་པ་གང་ཡིན་པ་དེ་ནི་སྦྱིན་པའི་རྣམ་པར་སྨིན་པའོ། །སྒྱུ་རྩལ་ཤེས་ཀྱི་བུ་རིང་དུ་འཕུར་དང་རངས་བྱེད་ཀྱི་བུ་ལྷག་སྤྱོད་ཀྱི་ཐད་དུ་གཤེགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འདི་ནི་ལམ་མ་ཡིན་ནོ་ཞེས་སྤངས་ནས་གཤེགས་པ་གང་ཡིན་པ་དེ་ནི་བཟོད་པའིའོ། །
D94.045.0065a06.01ལོ་དྲུག་ཏུ་བཞུགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མཁའ་ཁྱབ་ཀྱི་བསམ་གཏན་གང་ཡིན་པ་དེ་ནི་བསམ་གཏན་གྱིའོ། །མི་སྤྱོད་སྙམ་ནས་ཞལ་ཟས་གསོལ་ཏེ། བྱང་ཆུབ་ཀྱི་སྙིང་པོར་བཞུད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ།
D94.045.0065a07.01