完整藏文原文 · 德格版页 当前仅加载第 45 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་བསམ་གཏན་གྱིའོ། །བརྒྱད་པའི་ཆོས་རབ་ཏུ་འཐོབ་པའི་སེམས་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་རིགས་ཀྱི་སའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ། །དེ་ལ་བརྒྱད་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། བརྒྱད་པ་དད་པའི་རྗེས་
D94.045.0090b01.01སུ་འབྲང་བ་གང་ཡིན་པ་དེ་ནི་སྦྱིན་པའིའོ། །བརྒྱད་པ་ཆོས་ཀྱི་རྗེས་སུ་འབྲང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །བརྒྱད་པ་སྐྱེ་བ་གང་ཡིན་པ་དེ་ནི་བཟོད་པའིའོ། །བརྒྱད་པ་དགྲ་བཅོམ་པ་སྟན་གཅིག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བརྒྱད་པ་རྒྱུན་དུ་ཞུགས་
D94.045.0090b02.01པའི་འབྲས་བུ་དང་། ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་ལ་རབ་ཏུ་གནས་པ་དེ་ནི་བསམ་གཏན་གྱིའོ། །གཉི་གའི་ཆ་ལས་རྣམ་པར་གྲོལ་བ་གང་གིས་སོ་སོ་ཡང་དག་པར་རིག་པ་སྒྲུབ་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ།
D94.045.0090b03.01འདི་དག་ནི་བརྒྱད་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ། །དེ་ལ་རྒྱུན་དུ་ཞུགས་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། རྒྱུན་དུ་ཞུགས་པའི་ཆོས་ཀྱི་ལམ་ལ་རྟོག་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའིའོ། །རྣོ་བར་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །
D94.045.0090b04.01དེ་ལྟར་ཐོགས་ན་ལན་བདུན་པ་གང་ཡིན་པ་དེ་ནི་བཟོད་པའིའོ། །རིགས་ནས་རིགས་སུ་སྐྱེ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བར་ཆད་གཅིག་པ་གང་ཡིན་པ་དེ་ནི་བསམ་གཏན་གྱིའོ། །ཞུགས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་རྒྱུན་
D94.045.0090b05.01དུ་ཞུགས་པའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གོ། །དེ་ལ་ལན་ཅིག་ཕྱིར་འོང་བའི་ཆོས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ལན་ཅིག་ཕྱིར་འོང་བ་ལ་ཉོན་མོངས་པ་ཆུང་བར་མཐོང་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའིའོ། །ཉོན་མོངས་པ་རྣོ་བར་མཐོང་བ་གང་ཡིན་པ་དེ་ནི་
D94.045.0090b06.01ཚུལ་ཁྲིམས་ཀྱིའོ། །ལས་ཆུང་བར་མཐོང་བ་གང་ཡིན་པ་དེ་ནི་བཟོད་པའིའོ། །ལས་ལ་སྲེད་པར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །བུལ་བ་ཉིད་དུ་མཐོང་བ་གང་ཡིན་པ་དེ་ནི་བསམ་གཏན་གྱིའོ། །ལྷག་པར་སྲེད་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་
D94.045.0090b07.01