完整藏文原文 · 德格版页 当前仅加载第 45 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཆོག་དགའ་རྒྱལ་པོ་སྤོས་འཚོང་ཚེ། །དེ་བཞིན་གཤེགས་པ་ཡེ་ཤེས་མཆོད་རྟེན་ལ། །ཕྱེ་མ་སྤར་གང་ཕུལ་ཏེ་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་
D94.045.0291b01.01གཤེགས་ཁ་ལོ་སྒྱུར་བ་བྱིས་པའི་ཚེ། །དེ་བཞིན་གཤེགས་པ་གཟི་བརྗིད་རྫུ་འཕྲུལ་ལ། །པ་ལ་བ་ཏ་གསུམ་ཞིག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དགའ་གཤེགས་རྒྱལ་པོའི་བུར་གྱུར་ཚེ། །དེ་བཞིན་གཤེགས་པ་ཡོན་ཏན་རྒྱལ་པོ་ལ། །
D94.045.0291b02.01དངུལ་གྱི་མེ་ཏོག་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཆུ་ལྷ་ཚོང་པའི་ཚེ། །དེ་བཞིན་གཤེགས་པ་ཁ་དོག་དཔག་མེད་ལ། །ལྷུང་བཟེད་སྦྲང་རྩིས་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་
D94.045.0291b03.01ཡོན་ཏན་ལག་ནི་རྩེ་བའི་ཚེ། །དེ་བཞིན་གཤེགས་པ་སྟོབས་ཆེན་དེ་ལ་ནི། །འཆག་ས་ཁྲུ་བརྒྱད་ཁོར་ཡུག་བཀྲམ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོས་གླང་སྤོས་འཚོང་བུར་གྱུར་ཚེ། །དེ་བཞིན་གཤེགས་པ་བཀོད་པ་རྣམ་གྲོལ་གྱི། །འཆག་ས་
D94.045.0291b04.01སྤོས་ཀྱི་ཆུ་ཡིས་ཆག་ཆག་བཏབ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྣམ་གཟིགས་གོས་འཚོང་གྱུར་པའི་ཚེ། །དེ་བཞིན་གཤེགས་པ་གཟིགས་པ་སྒྲིབ་མེད་ལ། །མེ་ཏོག་གི་ནི་གདུགས་དག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་
D94.045.0291b05.01གཤེགས་འབྲུག་སྒྲ་རྫ་མཁན་གྱུར་པའི་ཚེ། །དེ་བཞིན་གཤེགས་པ་སེང་གེའི་སྟབས་དེ་ལ། །སྤོས་དང་རིལ་བ་གཅིག་ཅིག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལེགས་སེམས་ཁྱེའུ་ལོ་གསུམ་ལོན་པའི་ཚེ། །དེ་བཞིན་གཤེགས་པ་ཀུན་ཏུ་རྣམ་
D94.045.0291b06.01གཟིགས་ལ། །པད་མ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡིད་བཟང་ཚོང་དཔོན་བུར་གྱུར་ཚེ། །དེ་བཞིན་གཤེགས་པ་རྩལ་སྦྱིན་དེ་ལ་ནི། །སྣ་མའི་མེ་ཏོག་ཕྲེང་བ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་
D94.045.0291b07.01