完整藏文原文 · 德格版页 当前仅加载第 45 函德格 153a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱི་མཆོག་ནི་བརྩོན་པ་མི་གཏོང་བ་ཞེས་བྱའོ། །འདུས་པ་ནི་ལན་བཞི་བཅུ་སྟེ་ཐམས་ཅད་ལ་ཡང་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་ཉི་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་སུམ་ཁྲི་ཉིས་སྟོང་གི་བར་དུ་གནས་སོ། །
D94.045.0153a01.01སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྒྲ་གཅན་སྐྱེ་བའི་ཡུལ་ནི་རིན་པོ་ཆེ་འབར་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་བརྒྱའོ། །ཡབ་ནི་གློག་འོད་ཅེས་བྱའོ། །ཡུམ་ནི་ཡིད་དུ་
D94.045.0153a02.01འོང་བའི་འོད་ཅེས་བྱའོ། །སྲས་ནི་མཐུ་རྩལ་བརྟན་ཞེས་བྱའོ། །རིམ་གྲོ་པ་ནི་མཐུ་རྩལ་སེམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐོགས་པ་མེད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲག་ཤུལ་འབར་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་འབུམ་
D94.045.0153a03.01ཕྲག་བརྒྱད་ཁྲིའོ། །གཉིས་པ་ལ་ནི་འབུམ་ཕྲག་དྲུག་ཁྲིའོ། །གསུམ་པ་ལ་ནི་འབུམ་ཕྲག་བཞི་ཁྲིའོ། །སྐུ་ཚེའི་ཚད་ནི་ལོ་ཉི་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་སུམ་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་
D94.045.0153a04.01ཟད་དོ། །དེ་བཞིན་གཤེགས་པ་རིན་ཆེན་ཟླ་བ་སྐྱེ་བའི་ཡུལ་ནི་རིན་པོ་ཆེའི་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་བརྒྱའོ། །ཡབ་ནི་ལེགས་བཟང་ཞེས་བྱའོ། །ཡུམ་ནི་བཀོད་པ་ཆེན་མོ་ཞེས་བྱའོ། །སྲས་ནི་གསལ་དགའ་ཞེས་བྱའོ། །རིམ་གྲོ་
D94.045.0153a05.01པ་ནི་ཉེས་དམིགས་གདོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགའ་སྤྱོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འགྲོས་བརྟན་ཞེས་བྱའོ། །འདུས་པ་ནི་ལན་ཉི་ཤུ་རྩ་ལྔ་སྟེ། ཐམས་ཅད་ལ་ཡང་ཐེར་འབུམ་ཕྲག་{བཅྭ་,བཅོ་}ལྔ་{བཅྭ་,བཅོ་}ལྔའོ། །སྐུ་ཚེའི་ཚད་ནི་ལོ་ལྔ་སྟོང་ངོ་། །
D94.045.0153a06.01དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སེང་གེའི་རྒྱལ་མཚན་སྐྱེ་བའི་ཡུལ་ནི་མངོན་པར་ཤེས་པ་རྣམ་པར་རོལ་པ་ཞེས་བྱའོ། །རིགས་ནི་བྲམ་ཟེའོ། །འོད་
D94.045.0153a07.01